24
Meteisauen usil sakien onen taripeng keil
Proveb 24:30-34
30 Inau, namual en sise vesesal en ah osen taripeng tai,
ka naka vasi neiai osen varu tai.
31 Nalesi keke oumunai tatisa keil amusar koe ka viau tatisa keil apar vini.
Nalesi keke vieh teni mahoiahoi mules mukonek.
32 Munak nalesi mukonek, namundem usili,
ka koanek viseinau en tounah tai.
33 Munak em vati kovamatil lisenges, tahosis, kiles kimatil.
Kiha kihotin more out koa mandil ka kiseh revi ien.
34 Ka navong komul komatil veah, tounah vasi keil onom hevupuol ranuk hesuval tarhena tai mai venani ranuk.
Anatin, kitimanin kimai kihi heite hon.