Tsamba lomwe lidanembedwa kuna
aHeberi
1
Mwana wa Mulungu ni m'kulu kuposa anju zentse
1 Kale-kale kudzera mwa mapolofita, Mulungu adalewa kazinji kentse na makolo yathu munjira zakusiyana-siyana, 2 tsono muntsiku zakumalizirazi adalewa na ife kudzera kwa Mwana wace, omwe Iye adamucita nyautaka wa bzinthu bzentse ndipo kudzera mwa Iye adalenga bzentse. 3 Mwana ni kungwerewera kwa ukulu bwa Mulungu ndipombo ambawonesa khalidwe lentse la Mulungu, acijirikira bzinthu bzentse kudzera mufala lace la mphambvu. Pomwe adamala kucenesa wanthu ku bzitazo bzawo, Iye adakhala kudzulu kuboko la madidi la Mulungu Wamphambvu-zentse, 4 acisanduka m'kulu kwene-kwene kuposa anju ndipo dzina lomwe adapasidwa ni likulu kwene-kwene kuposa la anjuzo.
5 Nakuti Mulungu alibe kulewa kuna anju na ibodziyo kuti:
 
“Iwe ndiwe mwana wangu.
Ine lero ndakubereka”* Mas 2:7.
 
Napo kulewa pomwe kuti:
 
“Ine nin'dzakhala Baba wace,
ndipo Iye an'dzakhala mwana wanguӠ 2Sa 7:14; 1Mb 17:13.
 
6 Ndipo, pomwe Mulungu adatuma Mwana wace m'bodzi yekha padziko, adati:
 
“Anju za Mulungu zentse
zim'pembe”‡ Deu 32:43 Ninga momwe bzidanembedwa muSeptuaginta. Septuaginta ni kutanthauzira mafala ya mulivu la Cipangano ca kale mucirewedwe ca ciHeberi kuikha kuciGiriki..
 
7 Kulewa bza anju Mulungu adati:
 
“Iye ambasandusa anju zace mphepo,
ndipo wakutumikira wace ambawasandusa bzirawirawi bza motoӤ Mas 104:4.
 
8 Tsono kulewa bza Mwana, Iye adati:
 
“Imwe Mulungu, mpando wanu wa utongi
umbakhala kwakusaya kumala.
Ndipo mun'dzatonga mbumba yanu na cirungamo.
9 Mumbafuna cirungamo
ndipo mumbawenga cakuipa.
Ndipopo Mulungu, omwe ni Mulungu wanu,
adakusankhulani pakati
pa andzanu,
acikudzozani na mafuta ya cikondwereso”** Mas 45:6-7.
 
10 Adalewa pomwe kuti:
 
“Imwe Mbuya, pakuyamba
mudakhazikisa dziko
la pantsi,
ndipo kudzulu ni basa
la manja yanu.
11 Ibzo bzin'dzamala,
tsono Imwe mun'dzapitiriza kukhala.
Ibzo bzin'dzasakala ninga bzakubvala.
12 Imwepo mun'dzabzifunya ninga kapote,
ninga bzakubvala
ibzo bzin'dzacinjidwa.
Tsono Imwe mumbapitiriza kukhala ninga momwe muliri,
ndipo magole yanu ni yakusaya kumala”†† Mas 102:25-27.
 
13 Mulungu alibe kulewa cipo na anju na ibodziyo kuti:
 
“Khala kuboko langu lamadidi,
kufikira Ine ndisanduse
anyamadulanthaka wako
cakupondera ca minyendo yako”‡‡ Mas 110:1.
 
14 Kodi anju zentse ndizo lini mizimu yakuphata basa, zakutumidwa kuti zitumikire wale omwe an'dzatambira utaka bwa cipulumuso?

*1:5 Mas 2:7

†1:5 2Sa 7:14; 1Mb 17:13

‡1:6 Deu 32:43 Ninga momwe bzidanembedwa muSeptuaginta. Septuaginta ni kutanthauzira mafala ya mulivu la Cipangano ca kale mucirewedwe ca ciHeberi kuikha kuciGiriki.

§1:7 Mas 104:4

**1:9 Mas 45:6-7

††1:12 Mas 102:25-27

‡‡1:13 Mas 110:1

© 1897, 2010 WBT