1 “Mana bungina baguba Urana uleginamdi yanamiding Maikel bagula sok, lipua wasa mana bakbakgima. Baing bunging mauxang sabanggam bagula sok. Mauxangandi bagula didali mauxangang longgalo disok bungina numanuma mugamugangandi disok ma ma laing hatata. Ne mana bungina baguba bagula lipua longgalo yadingdi duwa Urana xailonginia, Urana bagula xapdi muli. 2 Baing lipu xumana dikinuʼm tabu gagap lunia, adi dimati baing, bagula dimesa muli. Teladi bagula daxap walinga subingang teguama, saing teladi bagula daxap memaya xaung sigianga subingang teguama. 3 Adi lipu xabiangang maringinamdi bagula disina bila sabaluna eta lo. Baing adi dita lipu xumana daxanga kubolu maringinamia bagula disina bila hatungdi bungingbunginalo. 4 Ne ung ba, Danyel, utagauti uyameng xailongga li haruanganoa, laing xaidap subinganoa ma haxek. Lipu xumana bagula dila hataing hataina bu xabiangadingdi ditubu.”

5 Baing nga, Danyel, ngabagu, baing hata sibuna li ngabagu uleginam luwa muli dili maxagia. Tela li mana lang rubina li, saing tela li hataina. 6 Tela xusunga lipua sau imang sigixingang xai sibuna, lipua ba wa etua mana langa ba, “Bungintabi bagula axamang haringinadi li aningoding masup?”

7 Lipua sau imang sigixingang xai sibuna, lipua wa etua mana langa, iti rimang luwa mahaing eta lo saing haringia haruanganoa xaung lipua wa bungingbunginalo yanoa, harua ba, “Bagula sanga mana niani tela xaung luwa rangua hataina. Bungina Urana lipuxindi haringingadinga dimunanggi masup, bing axadi bagudi li bagula disup.”

8 Ngalungu haruanganoa, ne ngaxabia namuxinoa te. Binabu ngaxusunga ba, “O Toxoratamona, axadi bagudi li bagula subingang baruamta?”

9 Haxuya ba, “Danyel, uhatum xumanau tai. Ulauba. Namua na haruangua tagaina bu wa hisangia laing xaidap subinganoa. 10 Lipu xumana bagula Urana libudi disigixinga sibuna, doxola mana musung tela, ne lipu diang sibundi bagula dilibu kubolu diang sibundiyu. Baing adi diang sibundi bagula daxabia rangrang te, ne adi xabiangadingdi dimaring bagula daxabia rangrang.

11 “Ungguti mana bungina dibili hananianga xaidap tainingtaininama xaung dita axamang maxuwangam hanggalangiangama Urana Numania, bagula xaidap 1,290* Xaidap 1,290maxang taininau bila niani tela xaung luwa rangua hatainawa maxixinga 7. disup to. 12 Lipuadi dili haringina duwauyu laing xaidap 1,335, duwa xai.

13 “Baing ung ba, ula daxangamia laing subingua. Bagula umati uyagua, saing mana xaidap subinganoa bagula umesa muli oxop sinaga Urana mogu naung.”