“Quema nitaijyohuiyaya, nimitztzajtzili, noTECO,

huan ta technanquili huan techpalehui.

Quema nechca eltoya para nimiquis,

nimitznojnotzqui huan techtacaquili.

3 Techmajcajqui hasta tatzinta campa más huejcata ipan hueyi at.

Techtitanqui campa tahuel tatilana at.

Huan nopa at cati ta tijtitantoya panoyaya nopani ica nochi ichicahualis.

4 Hasta nimoilhuiyaya para techtahuelcajtoya.

Nimoilhui amo quema sempa niquitasquía motiopa cati tatzejtzeloltic.

5 Techatzonpolihuilti hueyi at hasta campa más huejcata,

huan nopa cuameca xihuit cati moscaltía huejcata techtamihuijconqui.

6 Nitemotoya hasta itzinta nopa tepet cati eltoc tatzinta ten hueyi at.

Huan techtzacuilijtoya para ma amo nitejco campa onca ajacat huan nemilisti.

Niitztoya quej se cati ilpitoc ipan nopa at cati techmictisnequiyaya.

Pero ta, noTECO DIOS, cati nimitzhueyichihua. Ta techmanahui imaco miquilisti pampa techtejcolti.

7 Quema nimoilhui tamisquía nonemilis, nimitzelnamijqui, noTECO. Huan quema nimotatajti, techcajqui hasta ipan mochaj nopona campa tatzejtzeloltic.

8 Huihui masehualme cati quinhueyichihuaj taixcopincayome cati amo Dios mitztahuelcajtoque, TOTECO, ta cati tiquinchiya ica taicnelijcayot.

9 Pero na nimitztascamati por cati techchihuilijtoc.

Amo quema nijhueyichihuas seyoc, san ta, TOTECO. Huan nijtamichihuas cati nijtencajtoc para nijchihuasquía.

San ta, TOTECO, hueli titemanahuía.”