20
Yaubada ina lovina yawou
(Atukeda 5:1-21)
1 E tomotayadi Yaubada ilatuwokoidi ame nakae, idigo kana,
2 ‘Yau Yauwe imi Yaubada da Itipita idi kasa goi akalaoduwemi.† Ose 13:4. Boi komi da Itipita idi pakonayao go, Yau ataligeimi.
3 Tauna ituli ta yaubadao taabu kosabokuuliyēdi, go sem Yau agutava imi Yaubada.† Ose 13:4.
4 Taabu tokwalu komaadagīdi bego dogoi tayamo yábana goi o poyapoya yatana goi o négwasa sinaena goi ana tapata nakae bego imi yaubada.† Tat 34:17; Vin 19:4, 26:1; Atu 4:15-18, 27:15. 5 Taabu tokwaluyadi yaidi goi aemi kovaatugūyala nakae taabu kowuuwulīdi bego mami sakululu kokabikaaonēdi. Yau Yauwe imi Yaubada vakookoligu. Avatau neta nakae iguinuwe moe ikaolilivegu. Bei ina goyo anuwokavatedi, e bei natunao be tubunao be natudiyao aliunedi.† Yoy 14:18; Atu 7:9-10, 24:16. 6 Go avatauwa neta simatakooiyegu be nakae guna lovina sikabikaaonedi, e amo tauyadi be nakae mlidi idi bodao badabadaidi simamaima yaidi goi alokatedi.
7 Taabu Yau Yauwe imi Yaubada yoigu kokaigoyāi. Avatau neta yoigu ivatoi besobeso, amo tauyana bei aliune.
8 Maliyalina aba waiwasi konuwookavāte, nakae kokimasābe umagu.† Tat 16:23-30, 31:12-14. 9 Maliyalina ainima tayamo goi koopaisēwa. Amo maliyalinayadi goi bei imi paisewa madabokidi koguuinuwēdi.† Tat 23:12, 31:15, 34:21, 35:2; Vin 23:3; Luk 13:14. 10 Go maliyalina ainima aiyuwoina moe aba waiwasi Yau Yauwe imi Yaubada umagu. Amo maliyalinayana goi taabu koopaisēwa; komi, natumiyao, imi pakonayao koroto be vevina, imi bulumakauyao be nakae ogaoga sikaaiyaka yaimi, paisewa geya. 11 Maliyalina ainima tayamo goi Yau Yauwe yábana be poyapoya be négwasa be nakae kaga liliuna sinaedi amadagidi go, maliyalina ainima aiyuwoina goi awaiwasi. Tauna maliyalina ainima aiyuwoina aba waiwasi Yau Yauwe bogina akaipakuye be nakae akimasabe umagu.† Abv 2:1-3; Tat 31:17; Vin 23:3.
12 Tamamiyao be sinamiyao kowowooinēdi,†a Atu 27:16; Mad 15:4, 19:19; Mak 7:10, 10:19; Luk 18:20; Epe 6:2. e bei yawoimi simamanao poyapoya goi Yau Yauwe imi Yaubada bei avinimi.†b Epe 6:3.
13 Taabu kokaaumāta.† Abv 9:6; Vin 24:17; Mad 5:21, 19:18; Mak 10:19; Luk 18:20; Rom 13:9; Yem 2:11.
14 Taabu korooerāta.† Vin 20:10; Mad 5:27, 19:18; Mak 10:19; Luk 18:20; Rom 13:9; Yem 2:11.
15 Taabu kovaaināwana.† Vin 19:11; Mad 19:18; Mak 10:19; Luk 18:20; Rom 13:9.
16 Taabu kotalavaita polapōla semiyao yaidi.† Tat 23:1; Mad 19:18; Mak 10:19; Luk 18:20.
17 Semiyao idi vada be monediyao be idi pakonayao koroto o vevina be idi bulumakauyao o idi aseyao o ava kónana tayamo taabu koyaalagāudi.’† Rom 7:7, 13:9.
Isileli tubunao Yauwe simaatoite tetelina
18 E kidi go tomotayadi palapala sinovenove be ávila sigitegite, nakae síula sinovenove be aubowo sigitegite, tuwo wowodi sitatátava go, sibala sina masigava goi siitaoya.† Ibe 12:18-19. 19 Tuwo silatuwokoigu sidigo kadi,
‘Kom toinim kuvadigōima bei kanovem. Go taabu Yaubada ivaadigōima, govila bei kakámasa.’
20 Go yau adigo kagu,
‘Taabu koomatōita! Yaubada ima bego Tauyana koyagoidoko, e bei kowowoinevatae be nakae goyo geya koguinuweyeta.’
21 Tuwo tomotayadi masigava goi siitaoya go, yau ana gaota kalaabadaina kikina goi ataoya. Gaotayana sinaena moe Yaubada ikaaiyaka.
Yauwe ina kanasíuna bukina
(Tateta 20:22—23:33)
Lovina aba kasala manuna
22 E Yauwe ilatuwokoigu idigo kana,
‘Ame nakae Isileli tubunao kulatuwokōidi, kudīgo kam,
“Komi toinimi bogina konove bego yábana goi avadigoimi. Geya kogiteguta, go sem konovegumo. 23 Tauna geya tayaamo kaga siriba goi koomadāgi bego dogoiyana be Yau taiyao kavavasa, e yaima kosakululu geya. Taabu tokwalu goura goi komaadagīdi bego dogoiyadi imi yaubadayao. 24 Go sem guna kaba kasala poyapoya goi komadāgi. Aba kasalayana goi imi yoguyoguyao moe imi sipiyao nakae imi bulumakauyao kokasalēdi yaigu. Yoguyoguyadi maniyedi bei kovakasavēdi go, maniyedi abivekoveko manuna kogabudīmo kokāika. Ava kasava goi neta atagona komi kosakululu yaigu, e amo asayadi liliudi goi bei awokoimi, e akaipakuyemi. 25 Go aba kasala gurewa goi neta kokaudakodako, taabu gurewayadi kokauvisivisīdi. Neta turu goi kokauvisivisidi, e gurewayadi bogina kokibaibailidi sakululu yaigu manuna.† Atu 27:5-7; Iys 8:31. 26 Taabu aba kasalayana manuna aitámana koomadāgi, govila bei komwera, e bisosoimi sobuyekoidi moe aba kasalayana ikaaiyaka,‡ Bisosoimi sobuyekoidi moe aba kasalayana ikaaiyaka: Tonúwala adi kwama seti maanawena nakae go, sinaena tarausisi geya silosiyeta, tauna neta aitámana simwera, aba kasala yatana goi bei sitaoya, bisosoidi sobuyekoidi aba kasalayana ikaaiyaka go, geya tayaamo kaga bisosoidi ivatumdi, tauna aba kasalayana sikibaibaili. e bei sikibaibāili.” ’
†20:2 Ose 13:4.
†20:3 Ose 13:4.
†20:4 Tat 34:17; Vin 19:4, 26:1; Atu 4:15-18, 27:15.
†20:5 Yoy 14:18; Atu 7:9-10, 24:16.
†20:9 Tat 23:12, 31:15, 34:21, 35:2; Vin 23:3; Luk 13:14.
†20:11 Abv 2:1-3; Tat 31:17; Vin 23:3.
†a20:12 Atu 27:16; Mad 15:4, 19:19; Mak 7:10, 10:19; Luk 18:20; Epe 6:2.
†20:13 Abv 9:6; Vin 24:17; Mad 5:21, 19:18; Mak 10:19; Luk 18:20; Rom 13:9; Yem 2:11.
†20:14 Vin 20:10; Mad 5:27, 19:18; Mak 10:19; Luk 18:20; Rom 13:9; Yem 2:11.
†20:15 Vin 19:11; Mad 19:18; Mak 10:19; Luk 18:20; Rom 13:9.
†20:16 Tat 23:1; Mad 19:18; Mak 10:19; Luk 18:20.
†20:25 Atu 27:5-7; Iys 8:31.
‡20:26 Bisosoimi sobuyekoidi moe aba kasalayana ikaaiyaka: Tonúwala adi kwama seti maanawena nakae go, sinaena tarausisi geya silosiyeta, tauna neta aitámana simwera, aba kasala yatana goi bei sitaoya, bisosoidi sobuyekoidi aba kasalayana ikaaiyaka go, geya tayaamo kaga bisosoidi ivatumdi, tauna aba kasalayana sikibaibaili.