Baloma Kimaasabaina ina kaiguyau manudi
12
(1 Korinta 12:1—14:40)
Baloma Kimaasabaina ina kaiguyau
badabadaidi go, Yeisu wowona tayamo
badabadaidi go, Yeisu wowona tayamo
1 E segowo, Baloma Kimaasabaina ina kaiguyau manudi kolumadádana. Ina kaiguyauyadi manudi geya latuwogu komi kotamogemoge. 2 Bogina koyagoi bego tutayana komi Totuyoyowo boi nava yaubada polapola yaidi kosaakululu, Kaleya ivaakedemi go, moe ivasulaigimi tokwalu‡ Tokwalu: Boi nimatu tokwalu moe kidi Totuyoyowo idi yaubada polapola. Nakona tokwaluyadi alova goi o kainum goi o gurewa goi siwodugudi. geya yawoidimo yaidi kosaakululu. 3 Tauna avatulukoimi bego geya vatau tayaamo itoboine bei Yaubada Balomaina goi idigo kana,
‘Yeisu bogina katuboolataina.’
Nakae geya vatau tayaamo neta yaina Baloma Kimaasabaina geya ikaiyaketa bei itoboine idigo kana,
‘Yeisu Tomoya.’
4 E yabobona ana kaiguyau ituli ituli sikaaiyaka go, unadi tayamo moe Baloma Kimaasabaina.† Rom 12:6-8; Epe 4:11. 5 Yaubada ina paisewa ana kaiguyau ituli ituli sikaaiyaka go, unadi tayamo moe ida Tomoya. 6 Togaga myana moe ituli ituli sikaaiyaka go, unadi tayamo moe Yaubada; Tauyana aiguyau liliudi iepaisewedi tomota liliuda yaida goi. 7 E kita go tamo tamo Yaubada Balomaina ina togaga ana kiyakiyaya ivinida kita boda ada dedevina manuna. 8 Gwa. Tomota tayamo yaina Yaubada ina nanamsa ikaiguyauye. E tayamo yaina ina vala ana yagoina ikaiguyauye. Aiguyauyadi aiyuwokova unadi moe Baloma Kimaasabaina tayamo goi. 9 Tomota tayamo ana kaiguyau moe numisa, tayamo ana kaiguyau moe kidedevina. Aiguyauyadi aiyuwokova unadi moe Balomayana tayamo goi. 10 E tayamo ina yabobona goi itoboine guinuwa toogagaidi iguinuwedi. E tayamo itoboine Yaubada ina vala inove ikabivalevale. Tayamo itoboine Baloma Kimaasabaina ina paisewa ikinane. Tayamo itoboine yábana niyanina goi ibobóbwara. E tayamo itoboine niyaniyana ikaigavile. 11 E moe dogoiyadi liliudi Baloma Kimaasabaina tayamo iguuinuwedi. Nakae kita tamo tamo yaida goi ikaiguyaauyedi nakonakae latuwona.
12 Moitamo. Moe wowoda nakae. Wowodayadi tayamo go, talainao badabadaidi. Ego talainaoyadi liliudi sikaaiyaka go, moe wowoda tayamo toito.† Rom 12:4-5. Guyau nakae. Kita Tauyana wowona tayamo nakae go, talainao badabadaidi. 13 Moitamo. Madabokidakova Baloma Kimaasabaina tayamo goi bogina sisayoyoida, e taewówana tayamo. Neta Diyuu o Giriki, taliigavida o paakonida, madabokidakova Yaubada bogina Baloma Kimaasabaina goi ivanimda ikaaiyaka yaida. 14 Bogina koyagoi. Kita wowoda moitamo geya talaina tayamo toito geya, go sem talainao badabadaidi. Ago talainaoyadi madabokidi wowoda sowona. 15 Ame nakae: Neta aeda idigo kana, ‘Yau geya nimam geya, tauna yau geya wowom talaina tayamo geya’, manakae? Aedayana nava talaida tayamo gea geya? Talaida tayamo ae? 16 Neta taiyada idigo kana, ‘Yau geya matam geya, tauna yau geya wowom talaina tayamo geya’, manakae? Taiyadayana nava talaida tayamo gea geya? U talaida tayamo ae? 17 Neta wowoda madabokina moe mátana kaka, manakaeda tataiyakeka? Geya. Neta wowoda madabokina moe táiyana kaka, manakaeda tasamkona? Geya. 18 Go woi Yaubada wowoda imadagidi, e talainao tamo tamo wowoda goi iyatoidi nakae latuwona. 19 Neta wowoda talainao liliudi sivavasa, e moe geya wówana tayamo geya. 20 E talaidao badabadaidi sikaaiyaka go, wowoda tauna tayamo toito ikaaiyaka. 21 E matada geya itoboineyeta nimada ilatuwoko kana,
‘Kom geya sowogu.’
O dabada geya itoboineyeta aeda ilatuwoko kana,
‘Kom geya sowogu.’
Moe nakae geya, 22 go sem ava talaidava adi kaigigita neenetaidi moe talaidaoyadi sowoda. 23 Ago talaidao maniyedi geya adi wowoinamo, e amo talaidaoyadi tawowoinedi gagaina. Go talaidao maniyedi aba omayamaya, amo talaidaoyadi areko goi tavapasedokoidi. 24 E talaidao neta maisidi dedevidi, geya adi pasapasamo, go sem Yaubada wowoda adi madágina goi talaidaoyadi neta geya adi wowoinamo, e wowoina gagaina ivinidi. 25 Moe iguinuwe bego wowoda goi livisi geya isowoduwoita, go sem wowoda talainao liliudikova sivaita vavasa. 26 Neta talaida tayamo igeda, e talaidao liliudi taiyao sigeda. Neta talaida tayamo ana kilágata ibabane, e talaidao liliudikova siuyáwana.
27 E kita go madabokidakova Guyau wowona be nakae kita tamo tamo wowonayana talainao. 28 Tuwo tauyadi Yaubada ana totugugunayao goi ivayokoidi ame nakae: Mainao Yeisu ina vamoleyanayao. Aiyuwoina ina vala ana tokabivalavalayao. Aitonina tovatulúkwana. Niga guinuwa toogagaidi adi toguinuwayao, tokidedevina, tovaita, tovakeda, yábana niyanina tamo tamo adi tobóbwara.† Rom 12:6-8; Epe 4:11. 29 Manakae? Madabokidakova Yeisu ina vamoleyanayao gea geya? Geya ae? Manakae? Madabokidakova Yaubada ina livala ana tokabivalavalayao? O madabokidakova tovatulúkwana? O madabokidakova guinuwa toogagaidi adi toguinuwayao? 30 O madabokidakova ida kaiguyau moe itoboineda tomota takidedevinedi? O madabokidakova itoboineda yábana niyanina goi tabóbwara? O madabokidakova itoboineda niyaniyana takaigavile? Geya ae?
Matakoi Manuna
31 E Yaubada ina kaiguyau ma basabasaidi koyalēdi bei aiguyauyadi goi tomota kovaaitedi.
Ago enao tayamo bei avatulukoimi; enaoyana moe enao liliuudi ikalisavedi. Ame nakae:
‡12:2 Tokwalu: Boi nimatu tokwalu moe kidi Totuyoyowo idi yaubada polapola. Nakona tokwaluyadi alova goi o kainum goi o gurewa goi siwodugudi.