52
Vania na tinoni te lutulutu linge na lingena David, taonia tana bona a Doeg na tinoni ni Edom te bosa vania a Saul, te talua tana komu ni pipiti vanira rana kisumate a David a Ahimelech.
1 Ighoe to hologho nia heghemu na tinoni te laga vule tana kisumate, Ina sughua?
Ivei te ghaghua ge o nia talunagho kolili a nimua na gehegehe dika eni,
Ighoe to nira a nina vure a God ge ara mua loghoa na talumava?
2 Tana lei dani udolu to talu dilaa na haurake na lapimu te toro tatasi vagha na vangana na (isi dadara.)?
Ighoe na tinoni to manaha au vulea ngangata tana kokoe sorisori.
3 Ighoe to dolovi ngangata na gehegehe dika vulea na gehegehe uto.
mana sorisori vulea na utuni.
4 Ighoe to dolovi ngangata na bosa ani na lei totobo
te va lavibuleadira na balu tinoni
Ighoe na tinoni sorisori.
5 Hauva ka, ma God ke gora kehagho tana komumu
me ke sania na bonadira tara vola kasila
6 A gaira tara kabu marabu, kara vaevanea ma kara mataghunia
A gaira kara kiakia ma kara ghaghua,
7 Vaevanera vaa na lei mane sutusutu sule ngangata na hava te kalera
tara mua loghoa na talu mavaa itatana God.
Hauva ma gaira tara talu mavaa vamua a didira na lologho
mara nia sule kolu na gehegehe dika mana tarungadira te labe.
8 Mi nau te vaghau na ghai tara vatua nia na Olive
Te totolo me kotukotu i lokana valena God.
Inau tu talu mavaa a nina dolo a God
te mua soko buto, ke va me va
9 Inau ku bosautogho ke vaa me vaa ghe God nia na lei totobo te gonighi.
Inau ku polopitua nimua na lei veiarovi.
I naghona na matadira nimua na vure.