1 Ke togotogo gaia te talu kehai nina vaghivaghiliu

na paluna tara talu kehai me ke mua righighi

2 Eo, ma Lord God te vautora,

te mua idumi olighi didira na hahi,

me kabu maemane tana volana.

3 Tana bona tu mua liona ge ku tughunitatei na palugu;

u labe me dikahaghiniu ge u mua laga tana dani udolu.

4 Tana dani mana bongi na mavana na limamu

te neu ga tughu na volagu,

na lagagu te vogha na beti te obo keha

tana bona te paraa na papara ni hiua.

5 Mana sosoko ke, ku lughuni tatei vanigho

na lei palugu mu ku bei poloi gea,

mu bosa vaniu heghegu,

“Ku tughunitatei nigua na vaghivaghiliu vania Lord.”

Mo ko talu kehai vaniu. Nigua hahi ke tara tona keha tua.

6 Keri ke, rana maemane kara tughunitatei didira na vaghivaghiliu te ghana mua na bona ni aho ge kara bei lulumu gea tana tave ni dete kasila.

7 Ighoe nigua na bona ni polo,

mo righi taoniu tana bona ni gunaguna.

me talu koluu nia na linge ni lagavule.

8 Inau ku huligho tana halautu te uto nia na volamu,

e ghaghua Lord,

Ku kokoe hahanga mu ku righitaonigho

9 Ko bei vagha gea na horse pana polo pule

te liona na alo tara tongoa nia na mangana

ge ke taghaoa ta nina sakutua.

10 Nigua na dikalio tadira tara labe, mana dolo

te talighutira tara varava tatana Lord.

11 Kau rivurivu ma kau togotogo talana Lord

Ighau tau taonia, ma kau nia ghaeghahe dato

nia na toba te marabu.