1 Ko bosa tateu tu kabu marabu, Ghe Lord,

Na pukuna tu nia sakutua kolu na utuni;

inau tu varava itatana Lord, ge ku mua saisarikiba.

2 Ko taluu tana dete Lord,

mo ko ghilalau tabotaboi na tobagu mana liogu.

3 Na pukuna nimua na dolo haia inaghona

mi nau tu sakutua haia ta nimua na utuni.

4 Inau tu mua kabu kolura na lei tinoni sorisori,

mu mua nira udukolu rana kiko.

5 Nau tu nia sika didira na savukolu tara gehegehe dika,

mu mua sopou kolura tara dika.

6 Nau ku sani na limagu ge ku tughunitatea tu marabu,

ge ku gatu ta nimua na baubahu, Ghe Lord.

7 Ge ku linge na linge ni holouto,

mu ku bosai nimua na lei lutu te haeharegha.

8 Lord, inau tu dolovia na lei hegohego ni valemu,

iga teghanaa ga nimua na rongoragha.

9 Ko bei lavi kolura nia tara tangotangodika na tarungagu.

mana volagu ghua tara mate tinoni.

10 Na limadira te meto nia na lei padalaghi dika,

mara bahura na balu ge kara gonighi na lei totobo hahi.

11 Mete vaghaa inau,

inau ku gonia na hava te maemane;

Ko aroviu, mo ko vavolau.

12 Na marevogu ke tughuru tana bona uto,

mu ku holohabaa Lord tana mavitu.