1 Ghe Lord, Ko bei ririu pulohi vaniu ta nimua na rutu,

po ko torou ta nimua na rutu paraghaghada.

2 Ko righi aroviu ghe Lord, na pukuna tu labe.

Mo ko kisu Lord, na pukuna na huligu te ghana tana bule.

3 Inau tu vahaghi tana toba.

Mi vei vaho ke vagha na hauna ghe Lord,

ge ko kisu volau?

4 Ko pulohi mai ghe Lord, mo ko vavolau.

Vavolau na pukuna a nimua na dolo ke mua tughu.

5 Tana mate, ahei ke ghanaghanagho?

Ma hei ke tangomana na holohabaamu tana tavughi?

6 Inau ku mua pupulu heghegu tana mate.

Mana kolobu te podia na ghimegu tughu bongi;

na ulungagu te podi ta nigua na tangi.

7 A ghagua na levunimate te hughahugha potou tana dikalio;

mana matagu te mua vuha righigho:

na pukuna na ghaghua na levunimate.

8 Kau tona keha, ighau udolu tau gonia na dika:

na pukuna a Lord te rongovia a nigua na tangi.

9 A Lord te rongovia a nigua na kokoe;

Ma Lord ke bosa tughui a nigua na kokoeliulivuti.

10 Lubatira a gaira udolu na ghagua na levunimate

kara ghanaghana ruarua ma kara mataghu.

Ge agaira udolu kara ririu pulohi nia na maa.