1 Darius na Mede te ghanaghana na vili vokana na kinakabu tana sakai hangalatu rua hangavulu (120) na bubulo, ma gaia te talura rana dalei vunaghi haba geka vunaghi pungisighi sopa bubulo. 2 Mana vunaghi haba te vilia Daniel maira ara rua hoghona/mane ge kara vunaghidira rana dalei vunaghi haba ma kara matareireia na hava ke mai vania na vunaghi haba. 3 Ma Daniel te mina me ghilalagha heghena te uto vulera na lei mane tara vunaghidira na lei lutu maira ghua na lei dale haba. Na pukuna te lohgoa na manaha te sule, na vunaghi haba Darius te loghoa na ghanaghana geke talu datoa geke vungaghi pungisia na kinakabu udolu. 4 Keri ge na lei mane nagho tana lei lutu maira lei dalei vunaghi haba tara ghaghana ge ra tabotabo kara kenea balu hahi tana lutuna Daniel. Hauva ka, mara mua sodoa siki totobo kara bosa horua nia. Agaia te lutu maemane me taho siki hahi ta nina righitaoni. 5 Ma gaira tara ghaghua, “Ka mua sodoa siki totobo ka hurua nia Daniel sogea tana lei vetena te taonia nina God mughua.”

6 Keri ke, ma rana mane naho maira na lei dalei vunaghi haba tara tona tana vunaghi haba mara bosa vania, “Aghe na vunaghi haba Darius, ko vola haia! 7 Ighai na lei nimua na lei mane nagho, mana lei mane righitaoni rongo, mana lei dalei vunaghi haba, mana lei mane huhuli mana balu lei mane lutu ni ghanaghana te vagha eni mai talamaghinia ighoe, na vunaghi haba ko talua sakai na vetena ke to mavahia keri ge rana vure udolu tara taonia mughua. Ko bei lubatia tua siki sakai ke kokoeliulivuti vania siki god pa siki tinoni ke vuivuni taeni me ke sara tolu hangavulu na bongi. Ighita udolu kara kokoeliulivuti vanigho vamua. Ma hei te diua na vetena eni ke, ge kara soni horu tana gilu na maumanu asi tara holoa nia na lion. 8 Aghe na vunaghi haba, ko gonia tua mo ko gerea tua iga na ahamu me ke vetena tua me ke bei tughua tua ahei, ke vagha na vetena ni rana vure ni Media maira rana vure ni Persia.” 9 Mana vunaghi haba Darius te gerea na ahana tana vetena.

10 Mi tana bona Daniel te ghilala tara talua geke vetena tua, gaia te pulohi tana valena te vagha tea haia tua, iga i kokou tana voki, tana hahangavi vaa i Jerusalem na lei matakenena, ge vaa kokoeliulivuti tolu tughuru ni kokoeliulivuti ga ta sakai na dani. Agaia te gonia talau tua, te holoutoa nina God. 11 Agaira na lei mane nagho tana lutu tara tona tana valena Daniel mara sodoa ge kokoeliulivuti me nongia God geke hangaa. 12 Agaira tara pulohi tatana na vunaghi haba mara vaa tughunia tana nina vetena, me bosa vania, “Ivei tea to talu so sakai na vetena ge ahei ilokana tolu hangavulu na bongi ke kokoeliulivuti vania siki god keha pa siki tinoni kara sonihoru tara gilu ni lion. Ighita udolu kara kokoeliulivuti vanigho vamua?”

Na vunaghi haba te bosatughu, “Eo, na vetena keri te ghaha so. Na vetena ke te vagha didira vetena rana vure ni Media ma rana vure ni Persia, ke mua tangomana ahei ke durakea.”

13 Ma gaira tara bosa vania na vunaghi haba, “Daniel, na tinoni tau hola mai sakai tadira na Judah, te mua taotaonia nimua na vetena. Agaia te kokoeliulivuti vania so nina God te tolu tughuru ni kokoeliulivuti ta sakai na dani.” 14 Mi tana bona gaia te rongovia eni, na vunaghi haba te rutu sule ngangata vania heghena na talamaghiniana na vetena, ma gaia te lutu tana dani udolu na keneana ivei kenea Daniel geke hola keha ta didia na gueguelo/vahola me ke vavolaa. 15 Tana nulavi gaira lei mane udolu raini tara tona tana vunaghi haba mara bosa vania, “Aghe na vunaghi haba ko ghilala tua ge taonia na vetena didira rana vure ni Media ma rana vure ni Persia, taho siki vetena ke talua na vunaghi haba ke tughua ahei.”

16 Keri ke, na vunaghi haba te nia hevei na bosa ge kara lotia Daniel ma kara soni horua tana gilu ni lion. Mana vunaghi haba te bosa vania Daniel, “Agaia nimua na God to taluutunia mo ko holohaba haia, ke vavolagho.” 17 Ma gaira tara hola na vatu mara pata na mataula ni gilu. Mana vunaghi haba te tila/talu vaughilalaana na mataula kolura na vaughilaladira rana mane nagho keri go taho siki sakai ke vavolaa Daniel. 18 Mana vunaghi haba te pulohi tana valena sule me mua maturu tua tana bongi udolu na nia talukau na vanga. Me mua lioni tua na lei gougonu tara gonighi, me mua tangomana tua na maturu tana bongi udolu.

19 Me puipungi mua, na vunagha haba te rarai tua me sara tana gilu ni lion. 20 Tana bona te va sara i kakeri, gaia te nia hoholo na dikalio sule ngangata, “?Daniel, nina tinoni ni lutu a God te vola, e volagho so nimua na God to taluutunia tadira na lei lion?”

21 Ma Daniel te bosa tughu, “Aghe na vunaghi haba, ko vola haia! 22 Eo, nigua na God te vetenara lei angel ge kara hangavira na mangadira rana lion ge kara mua vahaghitailiu na pukuna inau tu marabu tana matana. Ma ghe na vunaghi haba, mu mua gonia hahia ghua siki totobo vanigho!”

23 Mana vunaghi haba te togotogo sule ngangata me nia hevei na bosa gekara laghi datoa Daniel tana gilu. Taho siki saisaghi kara righighi tana hulina na pukuna te [tughuru ngasi/tuturi hauha] ta nina God. 24 Ma gaia na vungaghi haba te nia hevei na bosa ge kara lotira agaira tara kanahaghinia Daniel. Me sonihorura tana gilu ni lion kolura na taudira mana lei daledira. Mara mua saravia mua va borona na gilu ka, na lei lion tara soghavira tua mara rimerimera mara ghanira tua.

25 Mana vunaghi haba Darius te nia hevei na bosa/rongorongo vanira na lei taba ni vure mana lei kema mana lei leu tana maramana udolu,

“Na mabo mana togotogo ke ghaha itamiu! 26 Inau tu talua na vetena ge na vure subo udolu lokana nigua na kinakabu kara loghoa na mataghu inaghona a God nina Daniel.

28 Tana bona na vunaghi haba Darius te vunaghi maia ta nina vunaghi Cyrus ni Persia na vunaghi haba, Daniel te dato mai sakai na malei sopou te haba.