1 Ewe Samol mi Lapalap a nemenem,

a üföüf ngeni ling me manaman.

Ewer, fanüfan a nükünük,

esap fokun tongeni mwöküt seni lenian.

2 Om lenien motun king a nüküchar seni me lomlom,

en ka nom seni fansoun esepop.

3 Ai Samol mi Lapalap, ekewe noon lematau ra tekiatä,

ekewe no ra atekiatä ngüngür, ekewe no ra atekiatä püngüpüngür.

4 Ewe Samol mi Lapalap mi nom pekitä a fokun manaman,

a pöchökül seni püngümongun chomong koluk,

a pöchökül seni nonon lematau.

5 Ai Samol mi Lapalap, om kewe allük ra fokun let,

imwom a fokun pin tori feilfeilachök.