1 Lupwen ekewe chon Israel ra towu seni Isip,

ir ekewe mwirimwirin Jakop mi towu seni eu mwichen aramas mi sokola ar fos, ✡ Eks 12.51

2 Juta a wiliti an leni mi pin,

Israel a wiliti an lenien nemenem.

3 Ewe matau a küna mine a fis o süla,

ewe chanpupu Jortan a üla. ✡ Eks 14.21; Jos 3.16

4 Ekewe chukutekia ra mwetemwet usun ekewe ätemwänin sip,

ekewe chukutekison ra mwetemwet usun ekewe nienifön sip.

5 Met o sät, pwota ka sü?

Met o chanpupu Jortan, pwota ka üla?

6 Met o ämi kewe chukutekia, pwota oua mwetemwet usun ekewe ätemwänin sip?

Nge ämi chukutekison, pwota oua mwetemwet usun ekewe nienifön sip?

7 En fanüfan, kopwe chechech me fän mesen ewe Samol,

me fän mesen än Jakop we Kot,

8 i ewe mi awili ewe achau ngeni eu nomun koluk,

nge ewe achau mi fokun pöchökül ngeni eu puächen koluk. ✡ Eks 17.1-7; Num 20.2-13