1 Üa anomu ai apilükülük won ewe Samol mi Lapalap pwe epwe tümwünüei.

Pwota oua üreniei,

“Kopwe sü ngeni ekewe chuk usun eman machang?

2 Pun nengeni, ekewe aramasangau ra emeia ar likapich

o pachetä wokur föün esefich ngeni selin,

pwe repwe likapichi ekewe mi wenechar leluker seni ewe leni mi kiroch.

3 Are ekewe longolongun pwüng ra tala,

met eman chon pwüng a chüen tongeni föri?”

4 Ewe Samol mi Lapalap a nom lon imwan mi pin,

än ewe Samol mi Lapalap lenien motun king a nom lon läng.

A netiu won fanüfan o ouwasacha aramas meinisin,

a pwal silei mine ra föri.

5 Ewe Samol mi Lapalap a sotuni ekewe aramas mi pwüng me ekewe aramasangau,

a oput ätewe mi föri föförün mwäneson.

6 A apüngätiu molien ekkei me primston won ekewe aramasangau.

A apwüngüür ren asepwäl mi pwichikar.

7 Pun ewe Samol mi Lapalap a pwüng,

a pwapwaäsini föför mi pwüng.

Ekewe aramas mi wenechar repwe küna i.