1.Kronika
Kapas akom
I. Iten ei puk: Aeuin Kronika. Wewen ei fos Kronika: Uruwo.
II. Chon makei ei puk: Esap fat, nge ekoch sousilelap lon Paipel ra ekieki pwe Esra a achufengeni ekewe uruwo.
III. Itelapemongen ei puk: Kot a nemenem.
IV. Kapas aüchean ei puk: Kot a apwönüetä an kewe pwon ngeni chon Israel me chon Juta, inamwo ika ra tolong lon feiengau.
V. Masouen ei puk Aeuin Kronika: Lon ei puk ewe chon mak a apworausasefäli ekewe pworaus mi fen mak lon ekewe puken Samuel me King. Nge ewe chon makei ekei puken Kronika a alapa an pworaus won mine a fis lon pekin lamalam, lap seni ewe chon makei ekewe puken King. Mi wor ruu ekiek mi aüchea, ewe chon makei ekei puk a mochen afata:
1. A mochen afata, pwe Kot a apwönüetä an kewe pwon ngeni ekewe chon Israel me Juta, inamwo ika ra tolong lon feiengau, nge epwe chök fis an we akot me ren nöün kewe aramas lon Juta. Longolongun än ewe chon mak lükülük won ei, pokiten än Tafit me Salomon kewe föför mi fokun öch, pokiten a öchsefäl akoten mwü me lamalam lon mwün Jehosafat, Hiskia me Josia, pwal pokiten ekewe aramas mi likitü lon ar lükü Kot.
2. A mochen afata poputän ewe angangen fel ngeni Kot lon ewe imwenfel lon Jerusalem, pwal tettelin eu me eu mwich än ekewe souasor me chon ewe ainangen Lefi me wiser lon ekewe angang repwe föri. A afata pwe Tafit i ätewe mi wesewesen popuetä angangen ewe imwenfel me kokoten angangen lon, inamwo are Salomon ewe a aüetä ewe imwenfel.
VI. Tettelin masouen ei puk:
Tettelin mwirimwirin ekewe aramas 1.1–9.44
Saul a mäla 10.1-14
Tafit a nemenem 11.1–29.30
1. Än Tafit weires me an kewe föför mi öch 11.1–22.1
2. Tafit a amolätä pisek fän iten kaütän ewe imwenfel 22.2–29.30
1
Mwirimwirin Atam
(Ken 5.1-32; 11.10-26)
1.1-4
1 Atam semen Set, Set semen Enos, Enos semen Kenan, 2 Kenan semen Mahalalel, Mahalalel semen Jaret, 3 Jaret semen Enok, Enok semen Metusala, Metusala semen Lamek, 4 Lamek semen Noa. Noa a wor nöün ülüman mwän: Säm, Ham me Jafet.
Mwirimwirin nöün Noa
1.5-23
5 Iwe, ikkei ir nöün Jafet kewe mwän: Komer, Makok, Matai, Jafan, Tupal, Mesek me Tiras. 6 Ekewe mwirimwirin Komer ir ekewe chon Askenas, chon Rifat me chon Tokarma. 7 Nge ekewe mwirimwirin Jafan ir ekewe chon Elisha, chon Tarsis, chon Kit me chon Rotan.
8 Iwe, ikkei ir nöün Ham kewe mwän: Kush, Isip, Put me Kanaan. 9 Ekewe mwirimwirin Kush ir ekewe chon Sepa, chon Hawila, chon Sapta, chon Rama me chon Sapteka. Nge ekewe mwirimwirin Rama ir ekewe chon Shepa me chon Tetan. 10 Iwe, Kush semen Nimrot, nge Nimrot aemanün sounemenem won fanüfan mi nemeni aramas fän pöchökül.
11 Iwe, ekewe mwirimwirin Isip ir ekewe chon Lut, chon Anam, chon Lehap, chon Naftu, 12 chon Patrus, chon Kaslu, ekewe chon Filistia ra pop seniir, me chon Kaftor.
13 Iwe, Kanaan semen Siton nöün we mwänichi me Het. 14 Nge mwirimwirin Kanaan pwal ekewe chon Jepus, chon Amor, chon Kirkas, 15 chon Hiw, chon Ark, chon Sin, 16 chon Arwat, chon Semar me chon Hamat.
17 Iwe, ikkei ir nöün Säm kewe mwän: Elam, Ashur, Arpaksat, Lut, Aram, Us, Hul, Keter me Mesek. 18 Arpaksat semen Shela, nge Shela semen Eper. 19 A wor ruoman nöün Eper mwän, iten eman Pelek, pun lon fansoun manauan ekewe aramasen fanüfan ra imwüfesen, nge iten pwin we Joktan. 20 Iwe, ekewe mwirimwirin Joktan ir ekewe chon Almotat, chon Selef, chon Hasarmafet, chon Jera, 21 chon Hatoram, chon Usal, chon Tikla, 22 chon Epal, chon Apimael, chon Sepa, 23 chon Ofair, chon Hawila me chon Jopap. Ir meinisin mwirimwirin Joktan.
Mwirimwirin Säm
1.24-27
24 Iwe, tettelin ekewe mwirimwirin Säm: Arpaksat, Shela, 25 Eper, Pelek, Reu, 26 Seruk, Nahor, Tara me 27 Apram, iei i Apraham.
Mwirimwirin Ismael me Katura
1.28-33
(Ken 25.12-16)
28 Iwe, mi wor ruoman nöün Apraham mwän: Isaak me Ismael. 29 Ikkei ir nöün Ismael kewe mwän lon tettelin ar uputiu: Nepaiot nöün we mwänichi, Ketar, Atpeel, Mipsam, 30 Misma, Tuma, Massa, Hatat, Tema, 31 Jetur, Nafis me Ketema. 32 Nge nöün Katura kewe mwän, ülüpwülüen Apraham, a nöüni me won: Simram, Joksan, Metan, Mitian, Ispak me Sua. Iwe, ikkei ir nöün Joksan kewe mwän: Shepa me Tetan. 33 Nge nöün Mitian kewe mwän: Efa, Efer, Hanok, Apita me Elta. Ätekei meinisin ir mwirimwirin Katura.
Mwirimwirin Esau
1.34-54
(Ken 36.1-43)
34 Apraham semen Isaak. Nge nöün Isaak kewe mwän Esau me Jakop. 35 Iwe, nöün Esau kewe mwän: Elifas, Reuel, Jeus, Jalam me Kora. 36 Nge nöün Elifas kewe mwän: Teman, Omar, Sefi, Katam, Kenas, Timna me Amalek. 37 Iwe, nöün Reuel kewe mwän: Nahat, Sera, Samma me Missa.
38 Iwe, nöün Seir kewe mwän: Lotan, Sopal, Sipeon, Ana, Tison, Eser me Tisan. 39 Nöün Lotan kewe mwän: Hori me Homan, nge Timna fefinen Lotan. 40 Iwe, nöün Sopal kewe mwän: Alian, Manahat, Epal, Sefi me Onam. Nge nöün Sipeon kewe mwän: Aia me Ana. 41 Nöün Ana we mwän Tison, nge nöün Tison kewe mwän: Hamran, Espan, Itran me Cheran. 42 Iwe, nöün Eser kewe mwän: Pilan, Saawan me Jakan. Nge nöün Tisan kewe mwän: Us me Aran.
43 Ikkei ir ekewe king ra nemeni ewe fanü Etom, lupwen esamwo wor king mi nemeni Israel: Pela nöün Peor we mwän seni ewe telinimw Tinhapa. 44 Iwe, mürin än Pela mäla, Jopap nöün Sera we mwän seni Posra a siwili lon wisan wisen king. 45 Nge mürin än Jopap mäla, Husam seni fanüen chon Teman a siwili lon wisan wisen king. 46 Iwe, mürin än Husam mäla, Hatat nöün Petat we mwän seni ewe telinimw Awit a siwili lon wisan wisen king. Ätei a akufu chon Mitian me lon ewe fanü Moap. 47 Nge mürin än Hatat mäla, Samla seni Masreka a siwili lon wisan wisen king. 48 Iwe, mürin än Samla mäla, Shaul seni ewe telinimw Rehopot mi nom arun ewe chanpupu Oifrat a siwili lon wisan wisen king. 49 Nge mürin än Shaul mäla, Paalanan nöün Akpor we mwän a siwili lon wisan wisen king. 50 Iwe, mürin än Paalanan mäla, Hatat seni ewe telinimw Pau a siwili lon wisan wisen king. Iten pwülüan Mehetapel nöün Matret we fefin, nge Matret nöün Mesahap fefin. 51 Mürin, Hatat a mäla. Iwe, ikkei ir ekewe samolun Etom: Timna, Alia, Jetet, 52 Oholipama, Ela, Pinon, 53 Kenas, Teman, Mipsar, 54 Maktiel me Iram.