1 Soloumane da Isala:ili fi huluane ouligilalusu. 2 Amola ea eagene hawa: hamosu dunu bagade da amo:-

3 Hina bagade ea dedesu dunu-Elihoulefe amola Ahaidia (ela da Siaisia ea mano)

4 Dadi gagui wa:i ouligisu dunu-Bina:ia (Yihoida egefe)

5 Soge afae afae ouligisu dunu ilia bai ouligisu dunu-A:salaia (Na:ida:ne ea egefe)

6 Hina bagade diasu hawa: hamosu dunu ilia ouligisu dunu-Ahaisia

7 Soloumane da Isala:ili soge ganodini, sogebi ouligisu bai dunu fagoyale gala amo ilegei. Ilia hawa: hamosu da afae afae ode huluane ganodini, ilia oubi afaega hina bagade amola ea diasua esalebe dunu ilima ha:i manu, amo ilia dunu fi amoga lale iasu.

8 Amo sogebi bai ouligisu dunu fagoyale amola ilia ouligi sogebi bai dio da haguduga dedei.

9 Benedege - Ma:iga:se, Sia:ilibimi, Bede Simese, Ilone

10 Benehisidi - Alubode amola Sougo (moilai bai bagade) amola Hife soge

huluane.

11 Benabinada:be (e da Soloumane ea uda mano Da:ifa:de lai dagoi)

12 Ba:iana (Ahailade egefe)

- Da:ianage amola Megidou (moilale gagai bai bagade),

13 Benegiba - La:imode moilai bai bagade (Gilia:de soge ganodini) amola

moilai Gilia:de soge ganodini amo Ya:ie fi da gagui. (Ya:ie da

Ma:na:se ea fi). Amola moilai huluane Agobe sogebi

(Ba:isia:ne soge ganodini) amo ganodini e ouligi. Ea ouligibi

huluane da moilai bagade 60 agoane. Ilia da gasa bagade gagili

sali amola ilia logo ga:su da balasega hamoi galiamo agoai liligi

amoga ga:i.

14 Ahinada:be (Idou egefe)

- Ma:ihana:ime soge

15 Ahima:ia:se (e da Soloumane uda mano eno amo Ba:sema:de lai)

16 Ba:iana (Hiusiai egefe)

17 Yihosiafa:de (Balua egefe)

- Isaga soge

18 Simiai (Ila egefe)

19 Giba (Ulai egefe)

- Gilia:de soge (musa: A:moulaide hina bagade Saihone amola

Ba:isia:ne hina bagade Ogo da Gilia:de soge ouligisu)

Amo dunu fagoyale gala afae afae da Isala:ili sogebi bai huluane ouligisu. Amola ilia da ouligisudafa hina dunu afae eno gala. E da Isala:ili soge huluane ouligi.

20 Yuda amola Isala:ili dunu ilia idi da sa:iboso gasei amo hano wayabo bagade bega: gala amo idi defele ba:su. Ilia da ha:i manu amola hano hahawane nanu, hahawane esalu. 21  * Mui 15:18; 2 Hou Olelesu 9:26Soloumane ea ouligisu ganodini, eno fi amo da Iufala:idisi Hano bega: asili Filisidini soge amola Idibidi alalo amoga doaga:le, amo fi huluane Soloumane da ouligi. Ilia da ema su ianu, ea esalusu huluane ganodini, ea sia: nabawane hamosu. 22 - 23 Eso huluane, eso afae afae amoga, Soloumane da ea diasua esalebe dunu ilia moma:ne, hagudu dedei liligi lai :- noga:idafa falaua- 5,000 lida agoane, gala:ine goudai-10,000 lida agoane, bulamagau (amo ilia da diasu ganodini alema:ne ha:i manu iasu)- 10, bulamagau amo da gisi bugi nana alei-20, sibi-100, amola ‘dia’ ohe, ‘gasele’, ‘lobage’ amola ‘gagala’.

24 Soloumane da soge huluane amo da Iufala:idisi Hano guma:dini gala amo huluane ouligi. Ea soge da Difisa (hano degesu) amogainini guma:dini asili Ga:isa moilai bai bagadega doaga:i. Hina bagade huluane Iufala:idisi Hano amo guma:dini esalu da eha esalu. E amola ea na:iyado fi da olofole esalu. 25 E da esaloba, dunu fi huluane Yuda soge amola Isala:ili soge amo ganodini esalu da gaga:iba:le, hahawane esalu. Sosogo fi higagale da ilila: waini efe amola figi ifa defe gagai.

26  † 1 Hina bagade 10:26; 2 Hou Olelesu 1:14; 9:25Soloumane da ‘sa:liode’ hosi ilia sesei 40,000 agoane galu, amola dadi gagui dunu ilia fila heda:ma:ne hosi 12,000 agoane galu. 27 Ea sogebi bai ouligisu dunu fagoyale da higagale ea oubi ilegei amoga hina bagade amoma ha:i manu, e amola dunu huluane ea diasua esala defele moma:ne, ema i. 28 Amola sogebi bai ouligisu dunu ilia da higagale, bali gala:ine amola gisi ilima ilegei defele, ‘sa:liode’ hosi amola hiougisu ohe ilia moma:ne iasu.

29 Gode da Soloumanema asigi dawa:su bagadedafa amola ea dogo ganodini dawa:su bagade i. Ea asigi dawa:su da defemu hamedei ba:i. 30 Soloumane ea asigi dawa:su da bagadedafaba:le, gusudili bagade dawa:su dunu amola Idibidi bagade dawa:su dunu ilia dawa:su baligi dagoi. 31  ‡ Gesami Hea:su 89 TitleEa asigi dawa:su da dunu huluanedafa ilia asigi dawa:su amo baligi dagoi. Ea asigi dawa:su da Ida:ne (Eselahaide dunu) amola Ma:ihole egefelali (Hima:ne, Galagole amola Dada:), amo dunu huluane ilia asigi dawa:su baligi dagoi. Dunu huluane e beba:le fifi asi da ea bagade dawa:su hou amo lalaba asi. 32  § Malasu 1:1; 10:1; 25:1; Soloumane ea Gesami 1:1E da malasu sia: 3,000 agoane hahamoi amola gesami 1,000 agoane baligili hahamoi. 33 E da ifa amola ifalabo amoma gogosele sia: asi. E da Lebanone dolo ifa amola ‘hisobe’ amo da dobeaba:le heda:i amo ea hou gogosele sisa: asi. E da ohe fi, sio fi, hanome, goma:, sania enoenoi amola menabo fi huluane ilia hou gogosele sisa: asi. 34 Osobo bagade hina bagade ilia da ea hina bagade hou nababeba:le, amo sia: naba masa:ne, dunu ema asunasisi.