Kuuk Thayorre Bible Portions Ephesians 1

LETA NANGAN PAULTHAK

PAM KAALAATHIMAK RAAK EPESUSAK

EPHESIANS Kuuk Thaayorrenak

Leta naŋanma Paulntam pelnuŋun pam kaalaathimak raak Ephesusak. Paulnthurr leta ih'h yarri'i yumpirr peln pam kaalaathim aŋarr ŋaampurr naathih Kotunthurr warrmin koop ith nal yumpirr thurm-thurma wenenanan pilono raak thonoŋkun, warrmin moŋ raakumunak, warrmin moŋ raakun, ŋul Jesus Christ Mih Puth pork nul thananan pelnuŋun. (1.10) Nul nul yik mincmin pelnuŋun pam naŋan Kotak “Nun Kot ŋeey-narr nurr kar thono aŋarr pamthaaw thanah naŋanma Jesus Christmam.”

Paul kanpa yikir, Pam Porka pelnan kanpa pam naŋan kunmicarr, Nul raak warr pelnan wothothur naŋanma Jesus Christ pam Nerŋk naŋanman ŋul nul man ke'err pelnuŋun Neeŋk-rithurr-min ulp wun-han pelnuŋun. Nul nul thil yikir, Nurr kar thono yarr naŋanma Jesus Christantam ŋul pam yirra aŋarr walmeerem nurr kempkempthe kaar yaan thorkorkurr raak i'irra.

Nul kuthip pinalam rirrkan yiik ŋamp aŋarr ŋaampurr naathih pam naŋan Kot-thak kar thurmthurma yancim kathatharr naŋun Christ pam Mih Puththak: Thonoko, Pam kaalaathim peln kar pam-minc wuun nul paant-kak ith nul pam thulum Christ; iiwurr kuthirrka, peln kar pormpur pork ŋul foundation-kak raakun ith nul Christ; ŋul pinalama, peln pam kaalaathim kar paanth paathum wuun ŋul Christ nul pam naŋan.

Christ nul Pam Pork ŋul curc nul kar paanth naŋan; ŋul pam kaalaathim peln kar minc-thaaw naŋan ith paant wuun pelnuŋun.

Warrmin moŋ yumpirr Paulnthurr ith nul wun pam kuuk-kak naŋan Pam Porka. Nul maŋmaŋal wuun ith nul walmeerem Pam Pork ŋeeŋkmam minc pelnuŋun naŋanma Christmam. Paul kaaluŋeeyir warrmin moŋ raak korrkanpa pitim peln ŋul nul Christ ŋeeŋkmam pelnuŋun, wonpur pelnuŋun, raak warr pelnan yuuw wothotherr pelnantam. Itharrko nul Pam Pork minc ŋamplin ŋul nul raak warr kaar thonomarr ŋeeŋeem, kaal-purŋmat, yarra wothotherr kam naŋanman.

LETA NANGAN PAUL-THAK PELNUNGUN PAM KAALAATHIMAK RAAK EPESUSAK

Kuukmin naŋan Paul-thak

1 Ŋay Paul, pam kuuk-kak, ith muth wunparr Pam Porka nuh Christ kunanpun-hatha raak korrkanpa. Leta ih'h yumpirr pam kaalaathimak raak Ephesus peln pam kampur wunum thurmthurma naŋun Christ Jesusak. 2 Pam Pork pam Ŋanipi pul Pam Pork Jesus Christanthurr nurrnun min ak yomparrnanah nurr kampan aŋarr yancih.

Pam Naŋanipi ŋamplin kun-micarr

3 Ŋamp kuuk min ak yik naŋun Pam Porka, pam naŋanip naŋan Minh Puth Jesus Christak. Ŋamplin min yomparrnanirr ulp ith ŋamp kar thono weneyir naŋun Christak ŋul ŋamp warrmin min moŋ piitir man ŋeeŋkan kar yokun raakumunak. 4 Raak kookanpantam, raak ith ŋarr oŋkorr kaarp yumpirr, Pam Porka ŋamplin kanpa kunmicarr ŋamp naŋan minc aŋarr wuunuh thaathurma naŋun Christak ŋul ŋamp rirrkir wacwaeirr iiwurr raakwarr-kaar aŋarr wunuh ruwunanpa Naŋun, ŋul ulp ŋeeŋkmam niinah... 5 ŋul Nul ŋamplin kanpa kunmicarr ŋamp parr'ir naŋan aŋarr yomparrna naŋanma Jesus Christantam. Yarr i'i kaaluŋeeyim Pam Pork man ŋeeŋk naŋanman ith Nul ŋamplin kunmicarr. 6 Nul yarr i'i meerenirr pam moŋthak ith Nul ŋampulŋun ŋeeŋkmam mincmin, ŋul ŋamplin muukur rokanirr raak pert naŋanmak pam Nerŋk naŋanmantam ulp Nul ŋeeŋkmam minc Naŋun.

Ŋamplin kunk thananirr kam naŋanman Pam Nerŋka

7 Nul ŋamplin yerkmanirr raak warrmam kam naŋanman, raak warr wothotherr ŋul ulp Nul ŋeeŋkmam mincmin ŋampulŋun. 8 Nul ŋampulŋun warrmin ih'h yomparrnanirr ŋamp kaalpiinth, pam ŋaampurr naathim, aŋarr weneha. 9 Ŋul Nul rirrkan wenehanirr ŋampulŋun ith Nul rep kaaluŋeeyim paant thuurun ŋul Nul kanpa kun-micarr naŋanul yarr i'i yump-hatha maŋmaŋal aŋarr wunuh. 10 Raak yuukarrath, raak min wacwacirr, Nul warrmin moŋ raak korrkanpa aŋarr puŋk therkan-hatath ikan naŋun Christak, warrmin raakumunak, warrmin raakun, ŋaa minc, naŋanma Jesusuntam. 11 Naŋun Christak ŋamp warrmin thaathurma moŋ pitim kar Kotunthurr kanpa kunmicarr ŋul Nul warrmin koop yompomparrnanirr ith Nul riiran kaalu-ŋeeyim yump-hatha. 12 Ŋamp ith kaalaathim raak kookanpantam naŋun Christak ŋamp yarr i'i ak wun kar Nul Pam Pork thakiraaw wacwacirr.

Ŋamplin min yomparrnanirr Ŋeenk-rithurr-minthurr

13 Nurr yorrpnurrp naŋun kaalaathim raak ith nurr kuuk mincminc ŋeeyir, ulp kuthip minthurr nurrnun kunk thananirr. Ŋul ulp nurr kanpa kaalaathim, nurrnun pam kaalpiinth yomparrnanirr Ŋeeŋk-rithurr-min-thurr ulp nuh man ke'err Pam Porka.

14 Nurr nuh kanpa piitir ritar ŋul ulp nurrnun ŋuul reekhan mincminc Christanthurr, nurr Pam Pork wacwacirr aŋarr kunanpun-hatna raak ithrrath.

Kuukmin yikir Naŋun pam kaalpiinth aŋarr weneha

15 Ŋay Paul kaaluŋeeyir nurr kaalaathim naŋun Jesus, Pam Thulumun ŋul nurr pam kaalaathimak ŋeeŋkmam. 16 Ŋay nurrŋun prayrirk raak yirr, raak yirr ŋul ŋay nurrnun kaalu-ŋeeŋeem kuukmin ŋathanman naŋun Pam Porka. 17 Ŋul nul Pam Pork naŋan Min Puth Jesus Christak, pam Naŋanipi ith Pam miiŋak niihin, nurrnun pam kaalpiinth aŋarr yomparrnanan nurr warrmin wacwacirr aŋarr ŋaampurr naath-hancih naŋanma, ŋul nurr Nuh walmeeremah. 18 Ŋul nurr pam kaalpiinth aŋarr weneha ŋul nurr kaal-kaalu ak kalir ith Nul man ke'err ŋul ith nurrnun muunur ŋul warrmin wacwacirr naŋan aŋarr ŋaampurr naathih ith Nul nurrnun reek-han pam naŋan. 19 Ŋul ŋay kuukmin yik naŋun Pam Porka Nul piinthaarrn minc ŋamplin aŋarr yomparrhancih pam kaalaathim ŋul Nul minc pam piinthaarrn wacwacirr mit naŋan aŋarr rirk-hatha: 20 Ulp Nul Christak yomparrnanirr, raak ŋan? Ith Nul nuh watpam kunk thananirr ŋul Nul nuh niinanirr punth mal naŋanman iikan raakumunak. 21 Nul ikan putpun pam thakiraaw minc ŋul mih puth yirryirram kopkop wuun naŋun, pelnuŋun pam thulumun, pelnuŋun mih punth-kokon. Namp naŋan min wacwacirr, namp pelnan pam yirra, pokon, yorr raakun, ŋuul raakumunak. 22 Pam Pork, Kotunthurr warrmin moŋ wunparr kokopon thamur naŋanmak Jesus Christak ŋul Nul ulp thananirr nuh Pam Keeŋ pork aŋarr wunuh pam kaalaathim moŋthak. 23 Peln ulp pam curcak kar yokun pam-minc naŋan Christak ith ŋamal minc korrkanpa raak moŋthak ithrrath korrkanpa.

This draft translation (not completed or consultant checked) is provided as is, in hopes that it may be helpful, and maybe serve as a starting point for further translation work.