2 Yowane
Yowane yona leta helabuina
Buka ta hededehemasalahana
Leta ta Yowane ye kuli, iya apostolo yo Yesu yona hekahekatao wa hesau. Huyakulina nuwana gonogonowana doha yona leta bagubagunana wa, bolimai 85 yo 95 ad luwadiyena.
Teina leta ta unai Yowane ekalesiya ye hededehesibasibadi bena se haigadogadosisiꞌuyoidi na se tolobayao sunuma unai. Yo ye guguyaidi tabu taulauhekatalupolupo se yogaisinidi yo se saguidi. Siya yodi laupwano meta se hedede ede Yesu yo Keliso, siya udoi udoi, na Keliso bena nige buluma unai ye laoma, na iya yaluwa (2 Yowane 7). Yodi nuwatupwanoli meta 1 Yowane bukana hededehemasalahana unai yo 1 Yowane 5:6 hededehemasalahana unai ka kuliyako.
Buka ta hedehededena lakilakidi
• Lautoki 1-3
• Taba ta haigadogadosisi 4-6
• Taba ta kitanamwanamwa lauhekata lupolupodi udiyedi7-11
• Hedehedede gehegehedi 12-13
1
Lautoki
1 Leta ta tauwoyawoya unai ye laowa sinebada kaikaisunuwaina yo natunao kalimiuyena.** Yowane hedehedede wadawadamna ye hepaisowa. Sinebada kaikaisunuwaina meta dubu Yaubada ye kaisunuwai wa, na natunao ede dubu tamowaidiyao. Ya gadosisikaliliyeigomiu, na nige yau ya bom mo, na hinage kaiteyadi hedehedede mamohoina** Hedehedede mamohoina meta wasa namwanamwana o Yaubada wasana. kabina se kata, meta se gadosisiyeigomiu. 2 Ka gadosisiyeigomiu matawuwuna hedehedede mamohoina ye miya nuwadaena mayadai ta unai yo ye miya nige kana siga.
3 Yaubada Tamana yo iya Natuna Yesu Keliso yodi kabinamwa, katekamkamna, yo nuwadaumwali kabo se miya kalidaena, maiyadi hedehedede mamohoina yo gadosisi.
Taba ta haigadogadosisi
4 Ya gwauyalakalili matawuwuna natumwao hekadiyo ya lobaidi hedehedede mamohoina unai se miyamiya, doha Tamada ye guguyaida. 5 Na sinebada, mayadai ta unai ya kaibwadaigo bena ta haigadogadosisiꞌuyoida. Teina nige laugagayo hauhauna ya kuliyawa kalimyena. Laugagayona ne nabada wa unai ta lapuiyako. 6 Gadosisi ta kaniyona ede Yaubada yona laugagayo bena ta kawakabiyeidi yoda laulau maudoidi udiyedi. Laugagayona ede huya bagubagunana unai kwa lapuiyako, meta gadosisiyena kwa miyamiya.
Taba ta kitanamwanamwa lauhekata lupolupodi udiyedi
7 Yogu hedehedede ta kaniyona ede taukailupolupo gwaudi se laoko tanoubu tehana maudoidi udiyedi, na se hedede meta Yesu Keliso iya nige buluma unai ye laoma. Tamowaidi ne, siya taukailupolupo yo Keliso tauhewahewaiununa. 8 Kwa kitanamwanamwa, madai yoda paisowa maisana kwa palei, na bena yomi kainauya maudoina kwa haihegehe. 9 Kaiteya Keliso wasana lauhekatana ye dikwai na nige unai ye miya, meta nige Yaubada kalinawai. Na kaiteya lauhekata ne unai ye miya meta Tamana yo Natuna ye haidiko iya kalinawai. 10 Ena tamowai hesau ye laowa kalimiuwai, na nige lauhekata dudulaina ne ye baheiyawa, tabu kwa woyawoyasaei yomi numaena yo tabu kwa laulautokiyei. 11 Matawuwuna ede ena kaiteya ye hailobai meta iya yona paisowa yabayababana ne unai tauhaisagusagu.
Hedehedede gehegehedi
12 Ginauli se bado bena yomiu ya hedehedede, na nige ya henuwa bena kulikuli unai. Na yogu nuwatu ede bena ya kaitaumanaigomiu na ta haikitakitaꞌuyoida na yoda ta hedehedede, to bena gwauyala lakilakina kalidaena.
13 Kam kaha kaikaisunuwaina natunao yodi lautoki se hetamalidiwa.