1 LAN pokon kin kajokajoi duen linan en Kot o aude pan lan kin katitiki dodok en lim a kan.

2 Ran eu kin kajokajoi on eu ran o pon eu kin padaki on eu pon.

3 Jota kaparok o jota lepen lokaia, ari jo, nil a kin peido.

4 O a loua padak lel on jap karoj, o a kaparok lel imwin jappa. A kotin wiai on katipin im pwal eu pan lan;

5 O a kin pedoi jan nan a pera dueta ol kamod amen, o kin pereperen dueta ol kamod amen ni a tanwei pon al o.

6 A dakada ni eu imwin lan ap tanalan imwin teio, o jota me kak rir jan mon karakar a.

7 Kapun en Ieowa me unjok o kin kainjenemauiala nen en aramaj akan. Kadede en Ieowa me melel o kin kalolekonla me lolepon.

8 Kujoned en Ieowa me pun o kin kaperenda monion en aramaj. Kujoned en Ieowa me makelekel o kamarainiada maj en aramaj.

9 Lomwin Ieowa me min o kin duedueta. Majan en Ieowa kan me melel, o pun kaualap.

10 Irail me kajampwal jan kold o kold linan toto, o iau jan onik o onik kajampwal.

11 Ir me pil kin katamanda japwilim omui ladu, o me kin kapwai ir ada, ar katin me lapalap.

12 Ij me kak aja duen toto en a japun? Kom kotin lapwada dip ai me rir akan.

13 Pil perewei jan japwilim omui ladu me aklapalap, pwe ren der kaloe ia di, i ap pan punala, o pan makelekel jan dip lapalap kokolata.

14 Kom kotin kupura kaparok en au ai o lokolokaia en monion I mo ’mui, Ieowa ai paipalap o ai jaundor.