1 Iet ekei kadaudok en Suda: Peres, Esron, Karmi, Hur, oh Sopal. 2 Sopal me semen Reaia, Reaia me semen Sahad, Sahad me semen Ahumai oh Lahad, pahpa kahlap ako en aramas akan me kin kousoan Sora.

3-4 Hur iei me nein Kalep mesenih sang rehn eh pwoud Eprat oh kadaudoke kan me tepin kauwada kahnimw Pedleem. Hur naineki pwutak silimen: Etam, Penuel, oh Eser. Etam naineki pwutak silimen: Sesreel, Isma, oh Idpas, oh pil serepein men, Asselelponi. Penuel me tepin kauwada kahnimw Kedor, oh Eser me tepin kauwada Usa.

5 Asuhr, me tepin kauwada kisin kahnimw Tekoa, pwoudiki lih riemen, Ela oh Naara. 6 Ih oh Naara naineki pwutak pahmen: Ahusam, Eper, Temeni, oh Ahasdari. 7 Asuhr oh Ela naineki pwutak silimen: Sered, Isar, oh Ednan.

8 Kos iei semen Anup oh Sopepa, oh ih me pahpa kahlap en peneinei kan me pwilidohsang Aharehl nein Arum.

9 Mie ohl emen ede Sapes, iei ih me keieu waun rehn kiseh kan. Eh nohno kihong ede Sapes,c SAPES: Sisen ahd wet ni mahsen en Ipru ekis duwehte sisen lepin mahsen me wehwehki “medek.” pwehki liho ahneki medek laud ni ahnsou me e kaipwidi. 10 Ahpw Sapes kapakapohng Koht en Israel, patohwan, “Maing Koht, komw ketin kupwure ie oh ketin kalaudehla sapwei. Komw ketin ieiang ie oh ketin doareiesang me suwed koaros me kak kahrehiong ie medek.” Koht eri kupwure oh ketikihong dahme e patohwan pekio.

11 Kalep, rien Suha, naineki pwutak emen, ede Meir. Meir me semen Eston, 12 me naineki pwutak silimen: Pedrapa, Pasea, oh Tehinna. Tehinna me tepin kauwada kahnimw Nahas. Kadaudok en aramas pwukat kin kousoan Reka.

13 Kenas naineki pwutak riemen, Odniel oh Seraia. Odniel pil naineki pwutak riemen, Adad oh Meonodai. 14 Meonodai me semen Opra.

Seraia me semen Sohap, me tepin kauwada Wahun Tohn Doadoahk Koahiek kan, wasa me towe kan koaros inenen koahiek en doadoahk.

15 Kalep nein Sepune naineki pwutak silimen: Iru, Elah, oh Naam. Oh Elah me semen Kenas.

16 Sehallelel naineki pwutak pahmen: Sip, Sipa, Tiria, oh Asarel. 17-18 Esra naineki pwutak pahmen: Seder, Mered, Eper, oh Salon. Mered pwoudiki Pidaia, nein nanmwarkien Isip serepein; ira naineki serepein men, Miriam, oh pwutak riemen, Sammai oh Ispa. Ispa me tepin kauwada kahnimw Estemoa. Mered pil pwoudikihda lih emen sang ni kadaudok en Suda oh ira naineki pwutak silimen: Sered me tepin kauwada kahnimw Kedor; Eper me tepin kauwada kahnimw Soko; oh Sekudiel, me tepin kauwada kahnimw Sanoa.

19 Odaia pwoudikihda rien Naham serepein. Kadaudokarail kan iei me tepin peneineien Karm, me kin kousoan nan kahnimw Keila, oh peneineien Maakad, me kin kousoan nan kahnimw Estemoa.

20 Sihmon naineki pwutak pahmen: Amnon, Rinna, Penanan, oh Tilon.

Isi naineki pwutak riemen: Sohed oh Pensohed.

21 Sela iei emen nein Suda pwutak. Kadaudoke kan iei me iangahki Er, me tepin kauwada kahnimw Leka; Laada, me tepin kauwada kahnimw Maresa; peneineien sounwia likou linen, me kin kousoan nan kahnimw Ped Aspea; 22 Sokim oh aramas akan me kin kousoan nan kahnimw Kosepa; oh Sohas oh Sarap me pwoudikihda lih en Mohap oh kousoanla Pedleem. (Koasoiepen aramas pwukat wia poadopoad en mahsie.) 23 Irail me sounwia dahl ong nanmwarki oh re kin kousoan nan kahnimw Nedaim oh Kedera.

24 Simion naineki pwutak limmen: Nemuel, Samin, Sarip, Sera, oh Saul. 25 Nein Saul pwutak iei Sallum, oh iei Saul me pahpa kahlap en Mipsam, oh nein nein nah iei Misma. 26 Eri, sang Misma irekidien peneinei kohdi lel Amuel, Sakur, oh Simei. 27 Simei naineki pwutak ehk wenemen oh serepein wenemen, ahpw nein kiseh kan seri me malaulau, oh kadaudok en Simion sohte tohtohla duwehte kadaudok en Suda.

28 Kadaudok en Simion kan koukousoante nan kisin kahnimw pwukat leledohng ni mwehin Nanmwarki Depit: Peersepa, Molada, Asarsual, Sos. 19.2-8. 29 Pila, Esem, Tolad, 30 Peduel, Orma, Siklak, 31 Ped Markapod, Asarsusim, Pedpiri, oh Saaraim. 32 Re pil kin kousoan wasa limau tohrohr kei: Etam, Ain, Rimmon, Token, oh Asan, 33 oh nan kisin kahnimw kan me kapilirailpene lellahng palieir en palikapi en kahnimw Paalad. Ih met kan ntingdien peneinei kan me re kolokol oh wasa kan me re kin kousoan ie.

34-38 Ohl pwukat me pahn sansal pah iei irail me moangen arail peneinei kan:

Pwehki ar peneinei ko eh wie tohtohla, 39 re mwarahkala palikapi kerenieng lellahng Kerar oh re kin kamwengeseli nair sihpw kan ni palimesehn wahwo wasa kahnimwo mi ie. 40 Re kin diar sahpw mwahu tohto me diren mwenge ong neirail mahn akan nan sahpw mohs me mwele oh meleilei. Aramas me kousoan mahsie wasao iei mehn Ahm.

41 Ni mwehin Esekaia, nanmwarkien Suda, aramas akan me mwararail kan ntingdier powe, re kohla Kerar oh kamwomwala impwal kan oh kisin imwen aramas akan me kin kousoan wasao. Re kausasang tohn wasao oh kousoanla ie pwehki eh diren kenen sihpw mwenge wasao. 42 Kadaudok limepwiki teikan en Simion mwekidla palimese kolahng Edom. Nein Isi pwutak ko me kahluwairailla ie: iei Pelataia, Nearaia, Repaia oh Ussiel. 43 Irail eri kemehla mehn Amalek ko wasao oh sohte emen me luhwehdi, irail ahpw kousoanla wasao lel rahnwet.