53
परमेश्वर मदु ला?
दाऊदया मश्किल, लय् तइम्हय्सिगु निंतिं
महलत लय्कथं† ५३:० महलत छगू कथंयागु भजन खः।
महलत लय्कथं† ५३:० महलत छगू कथंयागु भजन खः।
1 मूर्खतय्सं नुगलय्
“परमेश्वर द हे मदु”
धकाः धाइ।
इमिगु मति मभिंगु दु।
इमिसं घच्चाइपुगु ज्या जक
यानाच्वंगु दु।
भिंगु ज्या याइपिं सुं हे मदु।* ५३:१-६ भज १४* ५३:१-३ रोम ३:१०-१२
2 बुद्धि दुपिं सुं दु ला,
अले परमेश्वरयात मालाजुइपिं
सुं दु ला धकाः
परमेश्वरं स्वर्गं क्वय् मनूतय्थाय्
स्वयादी।
3 इपिं मखुगु लँय् वने धुंकल।
इपिं स्यनावने धुंकल।
भिंगु याइपिं छम्ह हे q
मदये धुंकल।
4 थुपिं मभिंगु यानाजुइपिन्सं
गुबलें हे सय्की मखु ला?
इमिसं जिमि मनूतय्त मरि नये थें
नयाच्वन।
अले परमेश्वरया नां हे
काइ मखु।
5 थन इमित गुबलें हे मजूकथं
ग्याःचिकुं भुनी।
छाय्धाःसा परमेश्वरं
थः मनूतय्गु विरोधय्
घेराबियाच्वंपिनिगु क्वँय्
उखेंथुखें ह्वलाबी।
वय्कलं इमित मछालापुकाबी,
छाय्धाःसा वय्कलं
इमित त्वःतादी।
6 इस्राएलीतय्गु उद्धार
सियोनं वःगु जूसा
गुलि बांलाइ!
गुबलय् परमेश्वरं
थः मनूतय्गु अवस्था
हाकनं बांलाकादी,
उबलय् इस्राएलया मनूत
लय्तायाः हाली।