1 Zaj núnbea benne' Judá ca' Dios,

na' ládujla benne' Israel zrente̱ nácaqueze La Le̱'.

2 Lu xe̱zre Salem zua lataj lá'azxa chee̱'.

Lu xe̱zre Sión zua naga zúaqueze̱'.

3 Lataj na' gudíchaje̱' xaga nalá xéche'ze ca',

ne xia da dxucu'uj na benne' lu wedil-la,

ne ca naca da dxuluchínene̱' lu wedil-la.

4 Benne' xabáa nacu' Lue',

ne Benne' wál-ladxa ca xi'a zri'a ca'.

5 Xeajlechaze benne' wal-la ca', ne guláse dínnaje̱'.

Netú benne' wal-la ca' quebe belexechisa ne̱'e̱ chee̱

6 Dios chee̱ benne' Israel ca', gate gudil-lu' benne' ca',

guláse dinnaj bzrina' ca', ne benne' gulebíe̱'-ba'.

7 Nacu' Lue' Benne' zrébedxu.

¿Nu benne' gaca se̱' lau Lue' gate dxezra'u?

8 Xabáate̱ gunná'u, na' guchi'u chee̱ bénneache.

Dxelezrebe bénneache lu xe̱zr la xu, na' dxelebeze̱'

9 zra seu' Lue', Dios, chee̱ guchi'u chee̱ bénneache,

ne chee̱ guseláu' xúgute̱ benne' dxexruj lazre' zaj

10 Da líqueze xel-la' dxelezrá'a chee̱ bénneache

gaca na tu da gucá'ana szren na Lue'.

Guzúa zriu' xel-la' dxelezrá'a chee̱ bénneache zaj nagá'ane̱'.

11 Le che̱be lázrele da gunle chee̱ Dios,

na' le gun da na' chee̱ Xránadxu, Dios chee̱le.

Xúgute̱ benne' zaj zre̱'e̱ du gabi'ila xelelé̱'e̱,

na' xulunézruje̱' da zaj nu'e̱ chee̱ Dios,

12 Guzague̱' da xu'u lu xichaj lázxdau benne' blau ca'.

Le̱' dxuchebe̱' benne' wenná bea ca' zaj zre̱'e̱ lu xe̱zr la xu.