1 Bsa lazre', Xrana' Dios, ca guca chee̱ David,

2 ne ca da guche̱be lazre̱' gune̱' chiu',

da guche̱be lazre̱' lau', Dios wal-la chee̱ Jacob.

3 Guné̱': “Québequeze chu'a xu'u lizra',

ne québequeze gáta'a ga dxasia'

4 ne québequeze guchúdia' xiaj lawa'

ne québequeze gasia'

5 ca zrindxa zra ba be̱na' tu xu'u lizre Xrana' Dios

naga súaqueze Dios wal-la chee̱ Jacob.”

6 Bénedxu zua xí'ina lá'azxa naga xu'u xel-la' wezría

na' bezréledxu na lu xe̱zr la xu chee̱ bénnea' le̱' Jaar.

7 Gunnantu': Chéajntu' naga zua Dios chee̱ntu'.

Guzú zríbentu' zran ni'a Le̱'.

8 Guxasa, Xránantu' Dios, nen xí'ina naga xu'u

ne gudá lu xi'a naga súaquezu' Lue'.

9 Be̱n xelún bxruze chiu' ca' da naca xrlátaje,

ne xelebezre xa'a xúgute̱ bénneache chiu', lu dute̱

10 Lawe' da nazrí'inu' David, we̱n zrin chiu',

quebe guzú' chalá'ala wenná bea na' ba guca'u Lue'.

11 Da líqueze bzetaj cuina Xránadxu Dios,

guche̱be lazre̱' chee̱ David quebe gucuase̱' ca da gunné̱'.

Gunné̱': “Guna' xelenná bea zri'ine zre su' naga

12 Che zri'inu' ca' tu xelúnzqueze̱' ca naca xel-la' wezría chia',

ne ca naca xrtizra' da gusé̱deda' le̱',

zri'inu' ca' tu xelenná béazqueze̱' naga dxenná be'u lue'.”

13 Lawe' da gucá'a Xránadxu Dios xe̱zre Sión,

guca lazre̱' sua xu'u lízrequeze̱' ga na'.

14 Gunné̱': “Tu gácazqueze lataj nigá naga súaqueza' neda'.

Tu súazqueza' nigá lawe' da caní dxezaca ba lazra' guna'.

15 Guna' gáta'le̱'e̱ lina chee̱ benne' ca',

ne guna' xelelaj benne' xache' ca' xeta.

16 Guna' xelún bxruze chia' ca' da naca chawe',

na' xelebezre xa'a xúgute̱ bénneache chia' lu dute̱

17 Lataj na' guna' xexaca xel-la' dxenná bea chee̱ David.

Guna' xelezúa na' zri'ine zre sua wenná bea na'

18 Guna' xeleque zréaje benne' guledábague̱' Le̱',

na' guna' chepe ban xel-la' dxenná bea chee̱ David na'.”