1 Bexache lazre' neda', Dios.

Bexache lazre' neda', lawe' da dxuxrén lazra' Lue'

Que̱zru' neda' ca dxun bedxuj dxé̱zreba' zrí'ineba'

2 Guláwizra' Dios, Benne' zrente̱.

Guláwizra' Dios chee̱ gácale̱ne̱' neda'.

3 Naga zúate̱' xabáa chee̱' sel-le̱' nu guselá neda' lu na'

Gusel-la Dios xel-la' dxexache lazre', ne da li chee̱'.

4 Zua' lu da ste̱be ca tu benne' zue̱' ládujla be̱zre xixre' ca'.

Xu'a ládujla bénneache zaj naque̱' ca be̱zre xixre' ca'

Dizra' da dxelenné̱' chia' zaj naca na ca tu xia natuche',

na' xrtizre̱' zaj naca na ca tu xia da nalále̱'e̱.

5 Xega'ana szrénquezu' lu xabáa, Dios.

Xel-la' szren chiu' sua na lawe' dute̱ xe̱zr la xu.

6 Ba zaj nabeche̱' xralaj chee̱ xele̱l-le̱' neda'.

Ba dxedú lazra' lu da dxaca chia'.

Ba zaj naxe̱ne̱' tu xe̱dxu chee̱ cheajcházia' lu'ule na.

Lu'ule da na' ba xeajlecházqueze le̱'.

7 Ba zúate̱queze lázrdawa', Dios.

Ba zúate̱queze lázrdawa' chee̱ gúl-laqueza' da güe lá'ana' Lue'.

8 Bebán lazre', bénne'du xu'a, ne le xebán lázrele,

le'e dxínnele da dxúl-lale̱nle, ne da zríadi'i na du.

Che zílala chásaqueza'.

9 Güe lá'anaqueza' Lue' ládujla bénneache chiu', Xran.

Gúl-laqueza' chiu' lau benne' xúgute̱ cue' xe̱zr la xu,

10 lawe' da naca xel-la' dxexache lazre' chiu' zrendxa ca xabáa,

na' da li chiu' naca na zrendxa ca beuj bza ca'.

11 Xegá'ana szrénquezu' lu xabáa, Dios.

Xel-la' szren chiu' sua na lawe' dute̱ xe̱zr la xu.