2
Mey da ray menjey daa mecəmey-ray ŋga ndəhay ŋga Yesu
1 Cek ŋgeeme, masa yah ma wuɗey ŋga ləvey na, ndəhay ŋga dərmar daŋgay a Gazlavay ŋga cacəfɗafamar cek, ŋga kamar ambahw, asaya, ŋga kamar suse maja ndəhay tabiya. 2.1 Ef 6.18-19; Fəl 4.6 2 Maaya na, a dəram daŋgay a Gazlavay maja bay hay, ta mahura hay tabiya ma wa hwayak hay, amba ya sərkwa banay ba, ya njakwa ta zazay. Da ray ŋgene, ya nakwa ray a Gazlavay, asaya, ya njakwa ta mekey cek maaya. 2.2 Es 6.10 3 Medərey-daŋgay a na, ara cek maaya ma mbafar a Gazlavay, ndaw ma ləhdandakwar. 2.3 Tit 3.4 4 A mbafar na, maja a wuɗey ndəhay cəpa ŋga ləham, asaya, a wuɗey ndəhay cəpa a sərmara mey masa fara fara. 2.4 Ez 18.23; 2Tm 2.25-26; 2Pi 3.9 5 Mey a keɗe aa ŋgada ndəhay tabiya.
Fara fara Gazlavay na, aa pal gway.
Ma cəma ndaw-magədaŋ ta Gazlavay na, ndaw pal.
Ndaw a na, ara Yesu Kəriste. 2.5 Mew 6.4-5; 1Kwr 8.6; Rm 3.29-30; 10.12-13
6 Ta sawa la, ta vəlda heter aŋga la ŋga ləhey ndəhay tabiya daa mebərey. Ta ka la anda keɗe ta pas masa Gazlavay ma wuɗey, amba a wuzdatara fara fara Bay Gazlavay a wuɗey ŋga ləhdata ndəhay tabiya. 2.6 Mk 10.45; 2Kwr 5.15; Gal 1.4; Tit 2.14; 1Jŋ 3.16; pas masa Gazlavay ma wuɗey: Gal 4.4; Tit 1.3 7 Bay Gazlavay ta paya la ŋga maslaŋ aŋga, ta ŋga ndaw aŋga meslərey. A slərdiwa na, ŋga wuzdatara mey masa fara fara a ndəhay masa *Jəwif hay ba hay, amba a təɓmara. Yaa guzlkwar keɗe na, fara fara, ya mbərzley ba. 2.7 ndaw-meslərey: 1.11-17; Gal 1.1; 2.7-8; Ef 3.7; 2Tm 1.11
8 Yaw, ya wuɗey na, zel hay ŋga dərmar daŋgay a Gazlavay kwa daa wura daa wura. Daa medərey-daŋgay a na, ŋga baŋgaɗamata har ata hay a vaɗ ta mevel maaya, ta mecey-mevel ba, ta metərey-vaw ba. 2.8 1Pi 3.7
9 Ya wuɗey na, ŋgusay may a da pam zana ŋga zlepey ba, a da pam zana ma kəɗtar dey a ndəhay ba. A da tərɗamata ray ata hay ŋga zlepey ba. Daŋgwa hay ta bersle hay, leŋ zana hay masa dala kalah ma həɗkey ba na, a da pamara ba. 2.9 1Pi 3.3-5 10 Ama ŋga wuzdamərwa membey ata ta fa sləra maaya masa ata ma kamara. Yaw, ŋgusay ma ləvam fa namar ray a Gazlavay na, si a kamara kəne. 2.10 5.10
11 Daa meesərkey daa way ŋga Gazlavay na, si ŋgusay a njam teete, a jəkam sləmay ta meney ray fa ndaw maa sərkadata. 2.11-12 1Kwr 14.34 12 Ya vəltar cəveɗ a ŋgusay ŋgaa sərkadamata zel hay ba. A da lam ray da ray zel hay ba, ama si a njam teete. 13 Ya ləvey anda keɗe, maja Bay Gazlavay a ləmwa teeseɗ na, zel, mezəley *Adam. Fa dəɓa ha, a ləmwa ŋgwas, mezəley *Ev. 2.13 MC 2.7, 21-22; 1Kwr 11.8-9 14 Asaya, *Sataŋ, bay-malula, ta bata Adam ŋga key mebərey na, daa ba, ama a betey na, ŋgwas. Anda keɗe, ara ŋgwas ma cənar mey a Gazlavay ba. 2.14 MC 3.1-6, 13; 2Kwr 11.3 15 Kwa ta ŋgene he cəpa, ŋgusay a ləham la ta fa mayawa bəza hay, ama a da ləham na, si ata fa təɓmara mey ŋga Gazlavay mandaw mandaw, fa wuɗam vaw, a njam maaya fa mey ŋga Gazlavay, asaya, a zlapam ba.
2:1 2.1 Ef 6.18-19; Fəl 4.6
2:2 2.2 Es 6.10
2:3 2.3 Tit 3.4
2:4 2.4 Ez 18.23; 2Tm 2.25-26; 2Pi 3.9
2:5 2.5 Mew 6.4-5; 1Kwr 8.6; Rm 3.29-30; 10.12-13
2:6 2.6 Mk 10.45; 2Kwr 5.15; Gal 1.4; Tit 2.14; 1Jŋ 3.16; pas masa Gazlavay ma wuɗey: Gal 4.4; Tit 1.3
2:7 2.7 ndaw-meslərey: 1.11-17; Gal 1.1; 2.7-8; Ef 3.7; 2Tm 1.11
2:8 2.8 1Pi 3.7
2:9 2.9 1Pi 3.3-5
2:10 2.10 5.10
2:11 2.11-12 1Kwr 14.34
2:13 2.13 MC 2.7, 21-22; 1Kwr 11.8-9
2:14 2.14 MC 3.1-6, 13; 2Kwr 11.3