11
1 អ៝ន់ខាន់អៃមៃជានតឹងគ៝ប់ កើតគ៝ប់ជានតឹងឞ្រាសក្រីស នើមដ៝ង់។* ១១:១៖ ១កោ ៤:១៦; រម ១៥:២; ផល ៣:១៧; ៤:៩; ១តេ ១:៦-៧; ២តម ៣:១០; តត ២:៧; ១ពេ ៥:៣
នទើអ្វែសមោអ្វែសតានោកយើកមឞាសមាកោរាញឞ្រាសនើម
2 [អើអ៝សនោតានាវញឆីង] គ៝ប់រាម់មអាកមាខាន់អៃមៃហោមកាសគឹតគ៝ប់ គ៝ប់រានេខាន់អៃមៃ យ៝រលាសទឹងលែៈនទើអីគ៝ប់លែៈដើននតុមនតីខាន់អៃមៃនើស ខាន់អៃមៃញអោតជានតឹងកើតទាទេ។ 3 យើនមាគ៝ប់អុចមឞើសអ៝ន់ខាន់អៃមៃគឹត ឞ្រាសក្រីស ជេងតឹមឞានមាឞោកមាទឹងលែៈឞូក្លោ ឆាយជេងតឹមឞានមាឞោកមាអូរពាង់នើម ជេសរីកោរាញឞ្រាសជេងតឹមឞានមាឞោកមាឞ្រាសក្រីស ។* ១១:៣៖ នន ៣:១៦; អេផ ៥:២១-២៤ 4 ឞូម៝សឞូក្លោអីមឞើសឆើម មោលាសនតើយ្សនាវងើយកោរាញឞ្រាសនអ៝ប់មាគែសនទើនទោតាឞោក ឞូក្លោអីនៃជេងមឺចមាឞ្រាសក្រីស * ១១:៤៖ ឞ៝ន់អាបៃអ្យាមោអោសវ៝ត់នហេលមានាវពោល ងើយតាត្រ៝ង ៤-៧ អ្យា។ គែសអ៝ក់ផូងញឆីងតានែសនតូមោហោមអោសជានតឹងនាវអីនៃ យើនមាហោមគែសផូងញឆីងអាបាៈហោមជាន។។ 5 តីសមាឞូម៝សឞូអូរអីមឞើសឆើម មោលាសនតើយ្សនាវងើយកោរាញឞ្រាសមោអោសគែសនទោឞ៝កតាឞោក ឞូអូរអីនៃជេងមឺចមាឞ្រាសក្រីស ពាង់ជានកើតនៃតឹមឞានមាពាង់ក្រែសលឺនឞោកដ៝ង់។ 6 លាសឞូម៝សឞូអូរអីមោនទោឞ៝កតាឞោក អ៝ន់ឞូអូរអីនៃក្រែសលើយឆ៝ក់ មោលាសក្រែសលឺនឞោក។ លាសពាង់ក្លាចដីតព្រេងក្រែសលើយឆ៝ក់ មោលាសក្រែសលឺនឞោកនៃ អ្យាត់មានទោឞ៝កទោ។ 7 ឞូក្លោមោអោសទីនទោឞ៝កតាឞោក យ៝រលាសកោរាញឞ្រាសញជេងឞូក្លោតឹមឞានមាពាង់នើម នទ្រីឞូក្លោញហើនាវច្រេកលើបកោរាញឞ្រាសអ៝ន់ឞូឆៃ។ យើនមាឞូអូរញហើនាវច្រេកលើបឞូក្លោអ៝ន់ឞូឆៃ* ១១:៧៖ នន ១:១៧ 8 យ៝រលាសឞើសនតើមនើសកោរាញឞ្រាសមោអោសញជេងអាដាម់ អីឞូក្លោល៝រឞូលោសឞើសឞូអូរ ពាង់ញជេងឞូអូរអីលោសឞើសឞូក្លោ។* ១១:៨-៩៖ នន ២:២០-២៣ 9 ជេសរីកោរាញឞ្រាសមោអោសញជេងឞូក្លោគៃមាតឹមកើលឞូអូរ ពាង់ញជេងឞូអូរគៃមាតឹមកើលឞូក្លោ។ 10 យ៝រមានទើអីនៃ នអ៝ប់មាផូងតោងពារ់ ទីមាឞូអូរនទោឞ៝កតាឞោកពាង់នើម ជេងនទើញហើអីឆាយគែសនាវទើយមាពាង់។
11 យើនមាតានាប់មាត់កោរាញយេឆូ មោអោសគែសឞូអូរលាសមោគែសឞូក្លោ ជេសរីមោអោសគែសឞូក្លោលាសមោគែសឞូអូរដ៝ង់ ខាន់ពាង់តឹមកើលឞាល់។* ១១:១១៖ កាល ៣:២៨ 12 យើនមាឞ៝លលាសឞូអូរទាកឞោកលោសឞើសឞូក្លោ ទឹងលែៈឞូក្លោអេងឞើសកើយទែសតាៈឞើសឞូអូរ ជេសរីទឹងលែៈនទើលោសតាៈឞើសកោរាញឞ្រាសនើមទាទេ។ 13 ល៝ង់ខាន់អៃមៃងក្ល៝ន់អេងឆាក់ខាន់អៃមៃនើមហែស៖ ទីដ៝ង់ឞើស លាសអ៝ន់ឞូអូរមឞើសឆើមមាកោរាញឞ្រាសមោគែសនទោឞ៝កតាឞោក? 14 ល៝ង់មពែសមាឞូក្លោ អើមមោគឹតនហេលលាសជេងនទើដីតព្រេងមារ៝ងឆ៝ក់ជ៝ង? 15 យើនមាមពែសមាឞូអូរ រ៝ងឆ៝ក់ជ៝ងជេងអ្វែសងាន់មាខាន់ពាង់។ កោរាញឞ្រាសលែៈអ៝ន់ខាន់ពាង់រ៝ងឆ៝ក់ជ៝ងនៃ ជេងនទើនទោតាឞោកខាន់ពាង់នើម។ 16 យើនមាលាសគែសឞូនុយ្សអុចតឹមរាលាច់មានាវអីនៃ ហេនមោវៃអោសជានអេងឞើសនទើអីនៃ ជេសរីតាផូងញឆីងមាកោរាញឞ្រាសទឹងលែៈនតុកអេងជឹតក៝ៈមោវៃជានអេងឞើសនទើអីនៃដ៝ង់។
នាវញេតឆាងកាសក្ល៝សអ្វែស
17 នាវគ៝ប់មឞើសអីជឹតនាប់អ្យា គ៝ប់មោគែសអោសរានេខាន់អៃមៃ យ៝រលាសនាវរាបុនខាន់អៃមៃមោអោសតឹមកើលរាទ៝ក់ញជេង យើនមាគែសនាវងគ្រ៝សច្រាវ។ 18 យ៝រលាសគ៝ប់លែៈតាង់នោកខាន់អៃមៃគុរាបុនតានាប់កោរាញឞ្រាស ខាន់អៃមៃតឹមពាៈផូង ជេសរីនាវអីនៃគ៝ប់អ្យាត់ដេៈៗដ៝ង់។* ១១:១៨-១៩៖ ១កោ ១:១០-១២; ១យហ ២:១៩ 19 អ្យាត់មាគែសនាវតឹមពាៈផូងតាខាន់អៃមៃ រីមើឆៃនហេលឞូម៝សកោរាញឞ្រាសទែរានេតាខាន់អៃមៃ។ 20 នោកខាន់អៃមៃគុរាបុន ខាន់អៃមៃមោអោសទីញេតឆាងកាសក្ល៝សអ្វែស 21 យ៝រលាសទូហ្វេទូហ្វេញេតឆានទើអីពាង់នើមញអោតឞើសញីសឞើសជៃខាន់ពាង់នើម មោអោសតឹមក៝ប់ឞាល់ ជេសរីឞូនុយ្សអាបាៈហោមជីង៝ត ឞូនុយ្សអាបាៈលែៈហើមនអ៝ប់មាញុល។* ១១:២១៖ យដ ១:១២ 22 ញីសជៃខាន់អៃមៃនើមអើមមោគែសលាសមាគុញេតគុឆោងឆា? មោលាសខាន់អៃមៃអុចមឺចផូងអីញឆីងកោរាញឞ្រាស នទ្រែលមាអុចអ៝ន់ផូងអីមោគែសនទើឆោងឆាមាដីតព្រេង? លាសនទ្រីមើមនាវគ៝ប់អុចងើយមាខាន់អៃមៃ? អុចរានេខាន់អៃមៃ មោលាសមោ? នាវអីនៃគ៝ប់មោអោសរានេខាន់អៃមៃ!* ១១:២២៖ យាក ២:៥-៦
23 គ៝ប់លែៈឆ៝ៈទើនជេសនាវនតីតាៈឞើសកោរាញយេឆូ មឞើសដើនមាខាន់អៃមៃ នោកមាង់ឞូញុបញជុនពាង់ងខឹតតាឆីតឹមរាកាង់ ពាង់ឆ៝ៈនុមពាង់* ១១:២៣-២៥៖ ១កោ ១០:១៦-១៧; មថ ២៦:២៦-២៨; មក ១៤:២២-២៤; លក ២២:១៩-២០ 24 លាសអ្វែសមាកោរាញឞ្រាស ជេសរីគិចនុមពាង់អីនៃនហ៝មាលាស៖ “† ១១:២៤៖ ឆ៝ម់បុតអើមអីញចីសមាតីអាបាៈគែសនត៝ប៖ «ខាន់អៃមៃឆ៝ៈឆាទោ»។អ្យាជេងឆាក់ជាន់គ៝ប់អីគ៝ប់អ៝ន់មាខាន់អៃមៃ អ៝ន់ខាន់អៃមៃជានកើតនអាលែតជឹតនាប់តៃ គៃមាកាសគឹតមាគ៝ប់”។ 25 កើតនទ្រីដ៝ង់ លែៈជេសឆោងឆានៃ ពាង់ឆ៝ៈដ៝ង់កាច៝កគែសនទ្រាញ់ព្លៃយុងយារប៝នលាស៖ “នទ្រាញ់ព្លៃយុងយារប៝នតាកាច៝កអ្យាជេងនាវតឹមរាង្លាប់មហែ កោរាញឞ្រាសនទ្រែលខាន់មៃ។ នាវតឹមរាង្លាប់មហែអីនៃ គ៝ប់ជានមាខាន់មៃមាមហាមគ៝ប់។ អាប់តឹខាន់មៃញេត អ៝ន់ជានកើតនអា គៃមាខាន់មៃហោមកាសគឹតមាគ៝ប់”។* ១១:២៥៖ នង ២៤:៨; យេរ ៣១:៣១-៣៤; ២កោ ៣:៦; ហេឞ ៨:៦-១៣ 26 អាប់តឹខាន់អៃមៃឆានុមពាង់កើតនៃ នទ្រែលមាញេតនទ្រាញ់ព្លៃយុងយារប៝នតាកាច៝កកើតនៃ ជេងនាវខាន់អៃមៃមឞើសងក៝ចនាវកោរាញយេឆូ ខឹតនហ៝មាត៝ត់នារពាង់វាច់តៃ។* ១១:២៦៖ មថ ២៦:២៩
27 លាសនទ្រីឞូម៝សអីឆានុមពាង់កោរាញយេឆូ អីនៃ នទ្រែលមាញេតនទ្រាញ់ព្លៃយុងយារប៝នអីនៃមោតឹមទីមានាវយើកមាឞ្រាសក្រីស ពាង់អីនៃជានតីស យ៝រលាសមោយើកអោសមាឆាក់កោរាញយេឆូ នអ៝ប់មាមហាមពាង់នើម។ 28 អ្យាត់មាទឹងលែៈឞូនុយ្សមេតអ្វាញ់អេងនូយ្សនហ៝ម់ពាង់នើមល៝រប៝ត់ ជេសរីទឹងឆានុមពាង់ នទ្រែលមាញេតនទ្រាញ់ព្លៃយុងយារប៝នតាកាច៝កអីនៃ 29 យ៝រលាសឞូម៝សអីឆានុមពាង់ នទ្រែលមាញេតនទ្រាញ់ព្លៃយុងយារប៝នតាកាច៝កអីនៃមោតឹមទី ពាង់មោតឹមទីមានាវយើកឆាក់ជាន់កោរាញយេឆូ ។ ឞូនុយ្សអីនៃតឹមឞានមាឆ៝ៈទោយ្សតេៈតាឆាក់ពាង់នើមតានាវញេតឆាអីនៃ។* ១១:២៩៖ ១កោ ១០:១៦ 30 កើតនទ្រីទឹងតាផូងខាន់អៃមៃគែសអ៝ក់ឞូនុយ្សមោហោមគែសឆ្វាន នទ្រែលមាគែសនាវជី ជេសរីអាបាៈងក្រែមាខឹតដ៝ង់។
31 យើនមាលាសឞ៝ន់មេតអ្វាញ់អេងនូយ្សនហ៝ម់ឞ៝ន់នើមល៝រប៝ត់ កោរាញឞ្រាសមោអោសតេៈទោយ្សឞ៝ន់អាបៃអ្យាកើតនៃ។ 32 យើនមាលាសកោរាញឞ្រាសតេៈទោយ្សឞ៝ន់កើតនៃ ពាង់អុចជានអ៝ន់ឞ៝ន់ញាល់ គៃមាមោអោសអ៝ន់ឞ៝ន់គែសទោយ្សនទ្រែលទឹងលែៈឞូនុយ្សអីមោញឆីងមាកោរាញយេឆូ តានារងគ្លែៈទុត។
33 អើអ៝សនោតានាវញឆីង នោកខាន់អៃមៃរាបុនញេតឆាងកាសក្ល៝សអ្វែសអីនៃ អ៝ន់ខាន់អៃមៃតឹមក៝ប់នទ្រាង់នើមប៝ត់។ 34 លាសឞូម៝សអីជីង៝តអ៝ន់ពាង់ឆោងឆាលើយឞើសជៃពាង់នើមល៝រទោ គៃមាលើយអ៝ន់នាវគុរាបុនខាន់អៃមៃអីនៃគែសទោយ្ស។ នាវអីហោមអាបាៈអេងជឹត ក៝ប់ត៝ត់គ៝ប់ប៝ត់ទឹងងក្រាអ៝ន់លែៈ។
*11:1 ១១:១៖ ១កោ ៤:១៦; រម ១៥:២; ផល ៣:១៧; ៤:៩; ១តេ ១:៦-៧; ២តម ៣:១០; តត ២:៧; ១ពេ ៥:៣
*11:3 ១១:៣៖ នន ៣:១៦; អេផ ៥:២១-២៤
*11:4 ១១:៤៖ ឞ៝ន់អាបៃអ្យាមោអោសវ៝ត់នហេលមានាវពោល ងើយតាត្រ៝ង ៤-៧ អ្យា។ គែសអ៝ក់ផូងញឆីងតានែសនតូមោហោមអោសជានតឹងនាវអីនៃ យើនមាហោមគែសផូងញឆីងអាបាៈហោមជាន។
*11:7 ១១:៧៖ នន ១:១៧
*11:8 ១១:៨-៩៖ នន ២:២០-២៣
*11:11 ១១:១១៖ កាល ៣:២៨
*11:18 ១១:១៨-១៩៖ ១កោ ១:១០-១២; ១យហ ២:១៩
*11:21 ១១:២១៖ យដ ១:១២
*11:22 ១១:២២៖ យាក ២:៥-៦
*11:23 ១១:២៣-២៥៖ ១កោ ១០:១៦-១៧; មថ ២៦:២៦-២៨; មក ១៤:២២-២៤; លក ២២:១៩-២០
†11:24 ១១:២៤៖ ឆ៝ម់បុតអើមអីញចីសមាតីអាបាៈគែសនត៝ប៖ «ខាន់អៃមៃឆ៝ៈឆាទោ»។
*11:25 ១១:២៥៖ នង ២៤:៨; យេរ ៣១:៣១-៣៤; ២កោ ៣:៦; ហេឞ ៨:៦-១៣
*11:26 ១១:២៦៖ មថ ២៦:២៩
*11:29 ១១:២៩៖ ១កោ ១០:១៦