9
Israel loh Khrih a Hnawt
1 Khrih ah oltak ka thui tih kai laithae moenih. Mueihla Cim ah ka mingcimnah te ka khuiah a phong. 2 Kothaenah loh kai taengah duel ha om tih lungnat loh ka thinko ah puh. 3 Te dongah pumsa ah ka huiko ka manuca rhoek yueng la kamah rhoe Khrih lamloh ka paek uh vetih kosi yook ham ka thangthui. 4 Sng 4.22Amih tah Israel rhoek ni, cacah neh thangpomnah khaw, paipi rhoek neh olrhinah khaw, thothuengnah khaw, olkhueh khaw amih kah ni. 5 A napa rhoek neh amih lamkah ni Khrih te pumsa ah ha thoeng. A cungkuem soah aka om Pathen tah kumhal ah uemom pai saeh. Amen.
Israel Te A Coelh
6 Tedae Pathen kah olka tah hmata pawh. Israel he khaw Israel lamkah boeih moenih. 7 Sue 21.12Abraham kah tiingan la a om uh dongah a ca boeih pawt dae Isaak ah na tiingan la a khue ni a ti ta. 8 Te tah pumsa kah camoe la aka om pawt rhoek tah Pathen kah a ca rhoek la om. Tedae olkhueh kah ca rhoek tah a tiingan la a nawt. 9 Sue 18.10He olkhueh ol loh, “A tue ah ka pawk vetih Sarah capa om ni,” a ti.
10 Te bueng pawt tih Ribekka khaw a pa Isaak bueng nen ni a ihnah a om. 11 Sue 25.23A cun hlan tih thae then pakhat khaw a saii uh moenih. Te daengah ni a coelh bangla Pathen kah mangtaengnah te a naeh eh. 12 Khoboe dongah pawt tih a khue rhangnen ni anih te, “Tanglue loh mathoe kah sal a bi ni,” a ti nah. 13 Mal 1.2,3A daek van bangla Jakob te ka lungnah tih Esau te ka hmuhuet coeng.
Pathen kah Coelhnah he Thuem
14 Te koinih balae n'ti eh? Pathen he boethae pawt nim? Tlamte a om moenih. 15 Sng 33.19Moses te, “Ka rhen tangtae te tah ka rhen bal vetih ka sitloh tangtae te tah sitloh bal ni,” a ti nah.
16 Te dongah aka ngaih kah pawt tih aka yong kah tangloeng moenih. Tedae Pathen kah a rhen rhoek kah ni. 17 Sng 9.16Cacim loh Pharaoh te, “Nang te amah la kan pacuet. Te daengah ni ka thaomnah te nang ah ka phoe eh. Te daengah ni diklai pum ah ka ming a doek eh,” a ti nah.
18 Te dongah a ngaih te a rhen tih a ngaih te a ning sak tangloeng. 19 Kai taengah na ti tangloeng te. Balae tih vawk a coel? Amah kah kongaih te unim aka kamkaih? 20 Isa 29.16; 45.9Aw u hlang nang dae nim Pathen te oelh la naka om, a saii hno loh aka hlom aka bol kung te, “Balae tih kai nan saii van?” na ti nah pawt nim? 21 Ambop loh amlai te a hlom boeiloeih dae he tah tuisi am la, ke tah am mailai la saithainah a khueh moenih a? 22 Tedae Pathen loh a kosi sah ham neh a tatthai te phoe sak ham a ngaih. pocinah ham a hmoel kosi am te thinsennah neh muep ueh koinih ta? 23 Te daengah ni amah kah thangpomnah cungkuem te rhennah am dongah a phoe sak tangloeng eh. Te ni thangpomnah la a hmoel. 24 Mamih khaw Judah rhoek lamkah bueng pawt tih namtom rhoek lamkah khaw a khue van ta. 25 Hos 2.23Hosea dongah,
“Ka pilnam pawt te ka pilnam la,
lungnah pawt te lungnah la ka khue ni.
26 Hos 1.10Te vaengah amih te,
‘Nangmih he ka pilnam moenih,’
a ti nah hmuen ah aka hing Pathen kah
a ca rhoek la khue la om ni,” a ti van bangla,
27 Isa 10.22,23Isaiah long tah Israel ham,
“Israel ca rhoek kah hlangmi tah
tuitunli kah laivin bangla
om cakhaw a meet ni a daem eh.
28 Olka te soep vetih boeipa loh
diklai ah tlek a saii ni,”
tila pang. 29 Isa 1.9Te dongah Isaiah loh a thui vanbangla
caempuei Boeipa loh mamih kah tiingan he
hlun pawt koinih Sodom bangla
n'om uh vetih Gomorrah neh n'thuidoek uh ni.
Israel Paihmuen
30 Te phoeiah balae n'thui eh? Duengnah aka hnuktlak pawh namtom rhoek loh duengnah a rhawt. Tedae duengnah tangnah nen ni a dang. 31 Israel loh duengnah olkhueng te a hnuktlak dae olkhueng dongah a pai moenih. 32 U kongah lae? Tangnah nen pawt tih khoboe lamkah bangla caehkoek lungto te a tongtah uh. 33 Isa 28.16A daek vanbangla
Zion ah caehkoek lungto neh
thangkui lungpang ka khueh ke.
Tedae amah te aka tangnah tah yahpok mahpawh.