6
Yutnah dongah Khuenah
1 Halo uh lamtah BOEIPA taengla mael uh sih.
Amah loh baeh cakhaw mamih he n'hoeih sak vetih
n'ngawn cakhaw mamih kah a hma te a poi ni.
2 Hnin nit phoeikah a thum hnin ah mamih n'hing sak vetih
a mikhmuh ah hing sak hamla mamih n'thoh ni.
3 Te dongah ming uh sih lamtah
BOEIPA te ming hamla hloem uh sih.
A thoengnah te mincang bangla cikngae vetih
diklai tlankhol a bo bangla
mamih ham khonal la ha thoeng ni.
BOEIPA kah Rhahlung Pakhat
4 Ephraim nang taengah balae ka saii eh?
Judah nang taengah balae ka saii eh?
Nangmih sitlohnah he mincang cingmai bangla,
thoh hang neh aka khum buemtui bangla om.
5 Te dongah amih te tonghma neh ka dae tih
ka ka dongkah ol neh ka ngawn.
Nangmih kah laitloeknah hmaivang tah thoeng coeng.
6 Mat 9.13; 12.7Sitlohnah he ka ngaih tih hmueih moenih.
Pathen mingnah he, hmueihhlutnah lakah ka ngaih.
7 Tedae amih loh Adam bangla paipi a poe uh tih
ka taengah hnap hnukpoh uh.
8 Gilead he boethae aka saii rhoek kah khorha la om tih,
thii kah a ngo om.
9 Caem loh hlang a rhingda bangla
khosoih rhoek kah hloih loh longpuei kah te
Shekhem duela a ngawn uh tih
khonuen rhamtat la a saii uh.
10 Israel imkhui ah rhih-om, rhih-om ka hmuh tih
Ephraim kah pumyoihnah loh Israel te pahoi a poeih.
11 Judah khaw ka pilnam thongtla te
ka mael puei vaengah
nang kah cangah tue a khueh coeng.