1 Ama kà aŋak kà, kapəl à azladza kà tatak uwana akəs vok kà aŋa tetəvi aŋa Zəzagəla. 2 ‘Guzu akaɗ akul aw’, gòɗ à azla­makoz zilga. ‘Ɗahàw tatak gesina kà la tetəvi aŋha, slə̀hàw vok à vok aŋkul, dìŋàw gəl à Zəzagəla à vok lela, wòyàw azladza anik la ləv tekula, basàwwàŋ azlaŋ­gərpa koksi­koksi!’ 3 Pə̀h à azla­makoz mis bokuba uwanay babay: ‘Ɗa­hàwwàŋ kà uwana la tetəvi aŋa Zəzagəla la tsəh lela. Kaka­làhàw sləm aŋa azladza anik ala aw, kagaw azla­mayà aŋa guzu aw, ŋgaha tapawla azladza anik, uwana akəs vok lela!’ 4 Baŋa taɗehəŋ kiya uwanay kà, tadà­tapla azlaiyaw mis babay, kà mawoyəŋ azlazil aŋatà, la azlabəza aŋatà. 5 Ŋgaha tatapla azlaiyaw mis uwaga, kà masləh vok à vok aŋatà, ŋgaha kà atà aŋa mazaɓ zil aw, ŋgaha taɗàh sləray lela la huɗ gày aŋatà la maɗahàh azla­tatak delga, ŋgaha la makəs gay aŋa azlazil aŋatà. Baŋa taɗahàŋ kiya uwaga, azladza tadàtugw mawi­siga lakəl aŋa gay Zəzagəla aw.

6 Pə̀h à azlabəza kohana kiya uwaga babay. Gòɗ à atà kà: ‘Slə̀hàw vok à vok aŋkul lela!’ 7 Gəpə̀h à ka babay kà kaɗàh tatak delga pəra, kà azlabəza kohana anik aŋa matapla tatak la uwaga la abà. Baŋa katapatàla tatak, tàpa­tàla la ləv tekula, kapah azla­tatak dey­dayga aw. 8 Tàpa­tàla kà azlagay uwana tagəɗ à afik, dza aslala vok aŋa matsəɗal gay à tsəh aw, ŋgaha kà azladza uwana asa à atà matugw à ka mawi­siga à vok kà, atà aŋa maɓəz mawi­siga la abà aw, ŋgaha ziruwi makəs atà.

9 Kà aŋa azla­mayà kà, gòɗ à atà kà: ‘Kə̀sàw gay aŋa azlaməŋga aŋkul koksi­koksi, ɗahàwwàŋ kà uwana akəs azlaməŋga aŋkul à gəl, kabayaw vok gay akul nna aw. 10 Ŋgaha babay kà, katsatsakw ahàl la azla­tatak aŋkul la vok aw, ɗahàwwàŋ kà azla­tatak delga pəra, kà azlaməŋga aŋkul aŋa masəlay kà akul azladza dziriga haɗay’, pə̀h à atà. Baŋa azla­mayà taɗehəŋ kiya uwaga kà, azladza tadàsləkaw azla­tatak uwana mətapla à azladza lakəl aŋa Zəzagəla, masla maɓəl anu.

11 Delga kà azlaməna gay Zəzagəla taɗàh uwanay gəpəh lagwa, kà uwana Zəzagəla adapəhla ala la paraka, kà vok mahamay aŋha à azladza gesina, kà masla aŋa maɓəl atà. 12 Bà uwana Zəzagəla ada­ɗe­həŋ kiya uwanay kà, məsəl kà, mənəfa tetəvi mawi­siga aya aw, mənəfa azla­tatak aŋa gudəŋ à vok, uwana takəɗ à anu à adi aya aw. Uwaga kà mok uwana anu la gudəŋ la vok la uwana, məslala vok kà masləh vok à vok gami. Məɗaha uwana akəs vok, ŋgaha mənəfa tetəvi uwana akəs Zəzagəla à gəl. 13 Məɗahaŋ kiya uwanay, kà maf gəl gami à mavakay uwana à afik, Yesu Kristu Sufəl gami adà­zla­ŋalay la mazləɓay aŋha, uwana adàpəhanula Yesu masla Sufəl Zəzagəla gami məŋga. 14 Avà gəl aŋha, amə̀ts à slaka gami à abà, kà masla aŋa mapəlanula la tsakana la abà, ŋgaha kà masla aŋa magəŋ anu sətaka la huma aŋha, kiya uwaga kà anu aŋa magay azladza aŋha, kà anu aŋa maɗàh azla­tatak uwana delga koksi­koksi.✡ 2.14 2Musa 19.5; 5Musa 4.20; 7.6; 14.2; Mahabay 130.8

15 Tàpla à azladza azla­tatak uwanay tadzərəɗahatàla, pə̀h à atà à vok à abà, kà uwana asa à atà matsənəŋ aw, pə̀h à atà la maslay uwana Zəzagəla avà à ka. Ayà kagoɗ à azladza kà mapəsew ka aw.