1 O Leeme Silok, nemen uta musak la uta vaase sox ia. Nemen uta lox asongor ia keneng mun at lebelemamao ram. 2 O Leeme Silok, lengkot tarak i molo axap; una lox asuusu lebelen tuntun tia! Una lox alolos ia, nia na ara molos axap. 3 O Leeme Silok, labalak i reng aleng. Lingisa ba unaba lok tooro ia?

4 O Leeme Silok, ude u, la una lox asepsu ia. At lebelen tuntun taram una lox asepsu ia basinge lanmet, 5 atla to at lemenemen at labarongan, limixin kopmen dinam doma su ram, la kopmen tara na emi asu minu go.

6 Lanbulu silok i suxuna ia la lolos tarak i auret na xap. At laxangkanimin axap loora rak mi lavatlingun imlumlu at levengkamkabili dan at lamarak. 7 Axo epovo do ana reven avukat ta. Luxatli rak ira dang pe axap, atla ang teng amisik at limixin munepen minia ding long areng amisix ia.

8 Nemi limixin kapmek, uto nimi basinge ia. Leeme Silok ing tonga lerengteng tarak. 9 I ronga bok lerengteng tarak ti loklok tooro la ni naba sep siam at levesingising tarak. 10 Limixin munepen minia dinaba ekip tangarang mi lainmangan la langsangan lumumuat atla Leeme Silok naba sak tup midi. Soso mun dinaba lok tangtangku la ni naba xala oo di.