1 Lani ngwänggärï, bupi gwudi ligor lüny na otaci Ngwaalingalu gwüny, gwani ngwüjï ngwudi Yïjïräyïl nunnu aar gïlängïdïnï. 2 Äny gwinggidu gwani ngindenga ndi ari lati ꞌri yigoranu gwani Ngwaalu a be ꞌri gwudi yigor yegen gwaꞌti ätï beberenganu. 3 Anni aaꞌti aar lïngïdï dünälü gwe yorto ye ngwaalinga ndi ari gwati ila Ngwaalu aar be bupi ndi ärrï gwuꞌren gwudi yigor yegen, aar ꞌti ꞌdengenaca dünïngälü gwudi Ngwaalu. 4 Ndi ari Kirictu gwuru medadi gwudi yobo, nunnu ngwüdünïyï dïjälü danni da ämnï ꞌdünggüngün.

5 Müjä gwullu gwani dünälü yobo ye ngwari, “Dïjï danni dadi ärrï yiꞌral giyee ying ye be mbuji miding.” 10.5 Ngwullawi 18.5 6 A be dünälü gwanni gwïndï ämnï gwe Ngwaalu gitab garu nu, “Aaꞌti aru giligoranu, ‘Yärü gwanni gwa allu kerala?’ 10.6 Täjïnïyä 30.13 (Ndi ari aar ülläjä Kirictungalu.) 7 Ya ‘Yärü gwanni gwa üllï kïbüꞌrïl?’ 10.7 Täjïnïyä 30.13” (Ndi ari aar allija Kirictung ngwüjänü ngwanni ngwayu.) 8 A be gitab garaa? Garu, “Ngwujaꞌri ngwo gito gito ꞌdunggunga, ngwo ngwulemanu na giligoranu lunga,” 10.8 Täjïnïyä 30.14 ndi ari, ngwujaꞌri ngwuru ngwudi ämnï Ngwaalu ngwanni ngwati nyii ngwe ondaci ngwüjü. 9 Ndi ari manari nga gwuma ꞌtäjälü ngwulem ngwe ngwunga ndi ari, “Yicu gwuru Deleny,” na nga ämnï Ngwaalu giligoranu ndi ari nginde gwuma Ngwaalu ꞌdïꞌrïyälü giyiꞌranyanu, nga gwa gïlängïdïnï. 10 Ndi ari ligor le lunga lämnä le Ngwaalu la ang dünïyälü na ꞌtäjälü gwudi ngwulem ngwunga nga gwa gïlängïdïnï. 11 Anaku üllïnäär gu kitabanu, “Dïjï dere danni da ämnïcï ngindeng daꞌti da yaaru ape.” 10.11 Ajaya 28.16 12 Ndi ari Ngwaalu gwati ꞌti utanu ndi ari ndee diru Dïyäwüd na ndee diru Garany, ndi ari Deleny deꞌte deꞌte diru Deleny didi ngwüjï ꞌdar, lating je onjaci ꞌdar aar nänü lanni lati urnidi ꞌdünggün. 13 Ndi ari, “Dïjï danni dati urnidi ngwürïny ngwudi Deleny, da gïlängïdïnï.” 10.13 Yüwïl 2.32

14 Awa aar be urnidi ngindeng gwanni gwaꞌti aar gu ämnä? Na awa aar be ämnï nginde gwaꞌti aar gwe ꞌdingina? Na awa aar ꞌdingini laꞌti aar je ondacu? 15 Na awa aar be ondaci ngwüjü ma aar je ꞌti ükäjä? Anaku üllïnäär gu, “Yijayi gu kang giyora yidi ngwüjï ngwanni ngwati apa ngwujaꞌri ngwanni ngwujaw!” 10.15 Ajaya 52.7

16 A be, ngwüjï ku ngwudi Yïjïräyïl ngwuma ꞌti ämnä ngwujaꞌri ngwanni ngwujaw. Ndi ari Ajaya gwuru dïjïr gwaru, “Gwani Deleny, yärü gwanni gwuma ämnï ngwujaꞌri ngwärï?” 10.16 Ajaya 53.1 17 Yäy no, yilinginna ndi ari ämnï Ngwaalu gwati ila ꞌdingini gwe ngwujaꞌri, na ngwujaꞌri ngwati aar je ꞌdingini ondaji gwe gwani Kirictu.

18 A be nggwutalu. Ngindenga liꞌdingina? Yäy ꞌda liꞌdingina. Ndi ari gitab garu nu,

19 Nyi oꞌre nyi utalu, Ngwüjï ngwudi Yïjïräyïl ngwaꞌti lïngïdï ngwujaꞌre? Gwerre gwerre, Ngwaalu ngwondaja kitabanu kaji gidi Müjä ngwari,