1 Da'min tatagum Apu Dios ya he"ay dayawonmih nan Templom hi ad Zion ya atonmi nadan imbagamin he"ah atonmi.

2 Ya he''ay pumpaboddangan di atagutaguh abobboble te donglom di dasalmi.

3 Ya ta'on on nunhiglay numbahulanmi ya pinakawan da'mi.

4 Ot mipa'amlong nadan pinto'mun tatagum te diday inayagam an e mundayaw hinan Templo an niyappit i he"a.

Ya dakol di maphod an mali'nami an mangipa'ong'ongngal hi pangulugmi ta atiganan winagahan da'mi.

5 Ya he"ay mangih'ihwang i da'mi te wa'et mumpahmo' ami i he"a ya nakaskasda'aw nan atom an bumoddang i da'mi.

Ta hiya nan wadaday nalpuh udum hi boble an mundinol i he"a.

6 Te innilami an he"ay nunlumuh nadan billid an gapuh nan ongal an abalinam

7 ya abalinam bon padinongon hanan bungug di dalluyun hinan baybay ya ta'on on hay ngalan di tataguh abobboble.

8 Ta wadaday tataguh abobboble an ahi masda'aw hinadan ato'atom ta gapu i dadiye ya it'itkukday pangikantadah am'amlongda.

9 Ya nunhiglay pangipadutu'muh tun luta te ipa'alim di udan ta madanuman tun luta ta humango nadan mitanom ya ta wan mangimbubbungada.

Ya ta wan malbong nadan wangwang.

10 Te impa'alim nimpey udan ta mahnong nadan luta ta nalakan humango nadan nitanom ya agaggah eda umongngalan.

11 Ta dumakol di ma'apit ta ta'on on idanay umayan on dakol bo ayay makan.

12 Ya ta'on on hinadan pumpastolan hinadan agge naboblayan ya hinadan nabillid ya tumabaday holo' ta dakol di pumpastolanda.

13 Ta hanadan pumpastolan ya ma'apnalan hi halun an umat hi kalnero ya hanada'en nundotalana ya ay na'abo'an hi wit onu barley.* 65:13 Nan barley ya ay pageh tun boble ta'u an kittang di numpahhiwandah nan wit.

Ta tigtiggon'e ya ayda ahikakantah am'amlongda.