1 Apu Dios, nunhiglay amlong'u an patul an gapuh nan ongal an abalinam.

Te he"ay bimmoddang ta hiya nan nangaba'abak ami hinadan emi ni'gubagubatan.

2 Ya inatmu nadan dinawat'u ta na'at nadan pohdo' an ma'at.

3 Ya winagahana' te dakol di indatmun ha"on ot ipakoronam i ha''on nan namahmah an balitu'.

4 Ya ta'on on nan dinawat'u an padukdukkayom di pi'taguwa' ya inatmu.

5 Ya lispituwona' hinadan tatagu te binanoddangana' ta nangaba'abaka'.

Ta hiya nan ongal di abalina' ta nundongola' an patul.

6 Ot immannung an nan wagahmun ha"on ya ma''id ha pogpogna.

Ya nunhiglay amlong'u te innila' an wadawada'a an mumpapto' i ha"on.

7 Athidiy ma'ma'at te ongal di dinol'u i he"a an na'abbaktun Dios.

Ya gapuh nan munnananong an pamhodmun ha"on ya malinggop nan pun'ap'apuwa'.

8 Ya gapuh nan ongal an abalinam ya puntiliwmu nadan mi'buhul ya humihiwon he"a.

9 Ta gapuh bungotmu ya pu'ulam dida ta ingganay maghobdan namin

10 an ta'on on nadan pamilyada ta ma"id ha mabatih holagdah tun luta.

11 Ot ta'on on waday adi maphod hi ninomnomdan aton an gapuh hihiwodan he"a ya adi ma'at.

12 Te bumtikda hi'on tigonda nan paddungnay idongdongmun dida an panam.

13 Ot madayaw'a Apu Dios te ongal di abalinam.

Ot ikankantamiy pundayawmin he''a.