1 He''a Apu Dios di mangita'dog i ha"on.

Ot daan mo bahan ta hom'ona' ta donglom di dasal'u ta boddangana'.

2 Da'yun tatagu, dakol di agge immannung an ipabahulyun ha"on ta mibabaina'.

On anuud ya ahiyu idinong danaen ato'atonyun ha"on?

3 Hituwey nomnomnomonyu an pinilin Apu Dios nadan umunud i hiya ta diday ibilangnah tataguna.

Ot ha"on di oha ta hiya nan wa'et mundasala' ya tobalona.

4 Mu mahapul an halipodpodonyu ta di'et waday bimmungotanyu ya hanat bokon hidiyey gumalat hi pumbahulanyu. 4:4 Epesus 4:26

Ot hanat datuwey nomnomnomonyu hinan alo'anyuh nan mahdom.

5 Ya hanat mundinol ayun hiya.

Ya hanadan nipto' an midawat di idawatyun hiya.

6 Apu Dios, hantudan udum ya alyonday, On daan ihya ta waha bumoddang i dita'u.

Ot daan mo bahan Apu Dios ta ipatigom di ulem i da'mi.

7 Dakol nadan umipa'amlong an inatmu i ha"on mu hay dinakol di inapit nadan udum an tatagu.

8 Ta hiya nan malinggop di e' alo'an te madinola' an ipadutu'a' i he"a.