25
Bildad Talk Moa
1 Den Bildad from Shuh tell:
2 “God da one dat in charge,
So mo betta stay plenny sked a him.
He make eryting stay pono,
Inside da mos high place in da sky.
3 Can count how much army guys God get?! No can!
Get anybody his light no reach?! Not even!
4 So! How can one guy get um right wit him, aah?!
Erybody dat wen born, how dey goin stay clean inside?!
5 Even da moon look jalike no shine, in front God.
An da stars not clean da way he see um.
6 Den fo shua, da peopo, dey mo worse den dat,
Jalike dey maggots!
One guy jalike ony one worm!”