1  ✡ 1:1: JShow 19:11July 31, da same year me Ezekiel wen make thirty, I was wit da Israel peopo dat stay by da Kebar Canal, Babylon side. Da Babylon army guys wen make us guys prisona an take us dea.

Da sky wen rip open, an I see some awesome kine stuff, jalike da kine dreams da odda guys dat talk fo God see.

2  ✡ 1:2: 2Kings 24:10-16; 2Rec 36:9-10(Five year befo dat day, da Babylon guys wen make King Koniah prisona, an bring um Babylon side. 3 Dat day, had one spesho message from Da One In Charge fo Ezekiel. His faddah Buzi da pries guy. Ezekiel stay inside da Babylon land, by da Kebar Canal. Ova dea, da powa from Da One In Charge wen come inside him.)

4 I look an I spock one storm wit plenny wind dat stay come from da north. Had one big cloud wit da lightning flashing inside, an all aroun da outside get real bright light. Get someting look jalike red hot kine metal inside da middo part a da fire. 5  ✡ 1:5: JShow 4:6An inside da fire, look jalike get four tings dat stay alive an go ery place God go. Da body look jalike one guy, 6 but all dem get four face an four wing. 7 Da legs go strait down. Dea feets jalike bebe cow feets, an dey shiny jalike da bronze metal dat somebody polish. 8 Get wings on da four sides, an undaneat da wings get peopo kine hand. Da four tings all get dat kine face an wing, 9 an dea wings touch each odda. Dey all can move to da front, da back, o da side, an dey no need turn.

10  ✡ 1:10: Ezek 10:14; JShow 4:7Da faces look lidis: one side get peopo kine face. Da right side get one lion face. Da lef side get one cow face. An da odda side get one eagle face. 11 Az how dea faces stay. Da wings stay open, ova da head an spread out. All da living tings, two wing touch da odda guy wing, dis side an dat side. An da two odda wing cova dea body. 12 Da four tings go strait, wea eva dey stay looking. Dey go wea eva da Spirit go, an dey no need turn fo go. 13  ✡ 1:13: JShow 4:5Da four tings dat stay alive an go ery place God go look kinda like burning coals, o jalike one torch. Look jalike da fire go from one to da odda. Da fire stay bright, an lightning flash come out from da fire. 14 Da four tings dat stay alive an go ery place God go, dey go back an forth so fas, look jalike lightning.

15  ✡ 1:15: Ezek 10:9-13Wen I look da tings dat stay alive an go ery place God go, ho! all dem get one wheel on top da groun nex to him, all four a dem. 16 Da wheels, dey look jalike dis: dey all shiny, jalike da kine jewelry stone from Tarshish, an da wheels all look da same. Look jalike da middo part all get anodda wheel inside. 17 Wen dey move, dey can go lef-right, front-back. Dey go strait an dey no need turn. 18  ✡ 1:18: JShow 4:8Da wheels, tall, an skery kine. Da four wheel get eyes all ova.

19 Wen da tings dat stay alive an go ery place God go move, da wheels nex to dem move same time. An wen da four tings go up from da groun, da wheels go up same time. 20 Wea eva da Spirit go, da tings go, an da wheels stay close to dem, cuz da Spirit fo da four tings stay inside da wheels too. 21 Wen da four tings move, da wheels move too. Wen da four tings stan still, da wheels stan still. Wen da four tings go up from da groun, da wheels go up nex to dem. Cuz da Spirit fo da four tings stay inside da wheels too.

22  ✡ 1:22: JShow 4:6Ova da heads a da four tings dat stay alive an go ery place God go, look jalike all aroun get one big, flat ting, look shiny jalike ice, an make me come sked. 23 Da four tings dat stay alive an go ery place God go, undaneat da flat ting, dea wings go strait out an touch da odda one wing, an all dem get two wings fo hide dea body. 24  ✡ 1:24: JShow 1:4-15; 19:6Wen da four tings move, I hear da noise from dea wings, soun jalike flash flood, jalike da voice from Da God Dat Get All Da Powa. An jalike da noise from one big army. Wen dey stan still, dey let dea wings res.

25 Den had one voice. Da kine come from ova da flat ting dat stay ova dea heads. Dey stop an let dea wings res. 26  ✡ 1:26: Ezek 10:1; JShow 4:2-3Ova da flat ting dat stay spread out ova dea head, get someting dat look jalike one throne, wit da lapis lazuli kine blue stone all ova. An way up ova dat, get someting dat look jalike one guy on top da throne. 27  ✡ 1:27: Ezek 8:2I wen spock someting, look jalike from da middo a his body up, look shiny jalike real hot kine metal, wit fire all aroun, an from da middo down look jalike fire. Get strong light all aroun him. 28 Da strong light aroun him look jalike one rainbow in da clouds afta wen rain all day.

Dis kinda wat he look jalike, Da One In Charge. Ho! he real awesome kine. Wen I spock him, I fall down an put my face on top da groun. An den I hear somebody stay talking.