6
Lami buki bilibilina ana kaba kaipaki
ainima aiyuwo ikitakidi
ainima aiyuwo ikitakidi
1 Sivesi ikavava, Lamiyana agite tutayana aba kaipaki tayamo buki goi ikitaki go, dogoiyadi maa yawoidi adi taivasi yaidi goi tayamo niyana anove palapala nakae idigo kana,
‘Kūma!’
2 Akandobala go, osi poowouna agite,† Nuw 19:11. ana totulaga sau ma gitaina iikavale. Lovina dabayogigina esaaesaina bogina sivini, tauna tauyana mana lovina isowóduwo ina ivayaviya go, ina kaleyayao bei itogagasavedi.
3 Tutayana Lami aba kaipaki aiyuwoina ikitaki, dogoi maa yawoina aiyuwoina anove idigo kana,
‘Kūma!’
4 Osi aiyuwoina ima, osiyana kayakayaina.† Sak 1:8, 6:2. Ana totulaga mana tagona tomota poyapoya goi idi tuboina itauwe o tadigo kada, ‘Taudiva sikaumatedi.’ Tuwo ana sisi gagaina sivini.
5 Tutayana Lami aba kaipaki aitonina ikitaki, dogoiyana maa yawoina aitonina anove idigo kana,
‘Kūma!’
Akandobala osi aitonina kalaakovina agite ima.† Sak 6:2,6. Ana totulaga nimana goi awoinu ana sikere iikavale. 6 Dogoiyadi adi taivasi nauyayanaidi goi níyana tayamo anove tomota niyadi nakae, idigo kana,
‘Loga gagaina bei isowóduwo. Witi ana mou kilo tayamo go, ana maisa gagaina tooina! Bali ana mou kilo aito go, adi maisa gagaina tooina! Go oribe putumina be oine bwaena taabu kubuugoyāidi!’
7 Tutayana Lamiyana aba kaipaki aivasina ikitaki, dogoi maa yawoina aivasina anove kana,
‘Kūma!’
8 Akandobala, osi aivasina agite tupwana yaoyaoina. Ana totulaga yoina Ámasa. Amasayana mlina goi tauyana yoina tokámasa idi dadava isabookuliye. Adi taiyuwokova madi lovina sikaumata. Tuwo poyapoya dadava tayamo goi tomota liliudi sisi goi, loga goi, vísiya goi be woiwoi goi simtulidi go, dadava aito goi maa yawoidi.† Isi 14:21.
9 Tutayana Lami aba kaipaki ainimaina ikitaki, tomota aba kasala ogalaoina goi agitedi. Tomotayadi boi Yaubada ina livala sitalavaitedoko go, idi kaleyayao sitaoya, sikaumatedi. 10 Tuwo tauyadi niyadi gagaina goi siduduwo sidigo kadi,
‘Ima Tomoya Toolagaim, kom Totumasaba be nakae Aba Numisa,† Nuw 3:7. ava tuta bei ama tokaumata da poyapoya kutakinoidi be nakae ikaikaima pasina kukatumapudi?’
11 Tuwo tamo tamo adi kwama maanawedi be poowoudi ivinidi. Ikavava, ilatuwokoidi idigo kana,
‘Itoboine tuta kaakupina kowaiwasi ana kadókana imi kaleyayao sina semiyao sikaumatedi nakae boi komi sikaumatemi Yaubada ina livala ana talavaita pasina. Go semiyaoyadi Yaubada ina pakonayao adi badabada bogina yoiyana, baige togoyoidiyadi adi katumapu sibabane.’
12 Tutayana Lamiyana aba kaipaki ainima tayamoina ikitaki, akandobala, e nikuniku gagaina isowóduwo.†a Nuw 11:13, 16:18. Tuwo níyala ikamamaníwana kwama kalaakovina toina nakae.†b Ais 13:10; Iyl 2:10, 3:15; Mad 24:29; Mak 13:24-25. Tukówana madabokina ivakayakaya ikaika nakae.†c Iyl 2:31. 13 Yábana nakae itátava, e utuna simáuwo poyapoya goi. Ana kaigigita nakae neta yailúwasa itowotowo, keukeu keuwoidi gariyadi go, iyaomaaumauidi.† Ais 34:4. 14 Yabanayana sekulapeyaina†a Abv 6:14; Nuw 16:20. itanunúnuma nakae buki bilibilina. Koya liliudi be nakae simla liliudi adi túmala goi Yaubada ikibaledi.†b 2Pi 3:10. 15 Tuwo tomota liliudi da poyapoya adi tolovinayao, koroto gagaidi, tovayaviya adi tokalikumatanayao, guyaguyauwo, toogagaidi, tomota paakonidi liliudi be tomota taliigavidi liliudi sina koya goi, tukubu goi be nakae gurewa goi sitamumu.† Ais 2:19,21. 16-17 Sitamumu, e koyayadi be gurewayadi silatuwokoidi sidigo kadi,
‘Yaubada be Lami idi egamogamogu ana tuta moumouna bogina isowóduwo ima.†a Iyl 1:15, 2:1-2,11,31; Sap 1:14-15. Geya vatau tayaamo itoboine liunayana goi itogaga, tauna kosōu kovamōuma Tolovina kebana esaaesaina goi itulaagalaga matana goi be nakae Lamiyana ina egamogamogu yaina goi.’†b Ose 10:8; Nak 1:6; Mal 3:2; Luk 23:30.