1 Yaubada matana goi be nakae Guyau Yeisu, Tauyana kidi tokámasa nakae kita maa yawoida ada totakínona, matana goi nakae ina sowóduwo ana tuta pasina be nakae ina kalibúbuna pasina akatuliwolem 2 Yaubada ina livala kutaalavāite mam katubayasi tuta ana toboine goi o nakona tuta geya ana toboinemo goi. Aiyuwoina mam mesayágana gagaina be mam vatulúkwana tomota idi goyo kukamamaetalīdi be tomota kubowōidi be kukipaiwolēdi. 3 Moitamo. Tuta tayamo imamaima bei tomota odi ikai vatulúkwana mooitamoina sitaaiyakeke, go sem unana latuwodi toina vatulúkwana toinidi idi yalagau nakae, e ituli ta tovatulukwanayao siluusaledi bei sitaiyaakekedi unana vatulukwana vau liliudi nuwodi ikabidi siyagoidi. 4 Yaubada ana Nanamsa Mooitamoina bei sivasulaigi go, siketoiya besobeso bei vatulúkwana vatuta nakae sitaiyakekedi.

5 E kom sem kaga liliuna goi toinim kukabikuunuīm. Mou kubaabanedi im paisewa Vala Dedevina pasina goi kuutogāga. Vala Dedevinayana ana totalavaita ana paisewa kuguuinūwe. Kom Yaubada ina topaisewa, tuwo paisewayana boi bogina ivinim kuguuinūwe.

6 Moitamo yau bogina nakae. Yawoigu akasale Yaubada yaina nakae neta yau vininabeso oinena tomota sikaliuulagigu yoguyogu goi sigabu bei mainigu dedevina ituko ina Yaubada inove iuyaone. Tuwo guna talígava bogina ikaponapona. 7 Guna talavaitayana kotu goi vavalákuna nakae go, vavalakunayana avavalakunedoko nakae bogina alukavave go, madabokina goi yau aba numisa. 8 Tuwaina, guna vaiwówana bogina ikaaiyaka, ida Tomoya, Tauyana Totakínona kiboobosina, bei ivinigu. Vaiwowanayana moe yau kiboobosigu Yaubada matana goi. Ago yau aguta geya iviniguta, go sem avatauwa neta ina sowoduwoyana siyaledoko, e adi vaiwówana bei ivinidi.

9 Kukokōila bei woilīm kūma. 10 Geya guna tovaitamo geya. Demasi†a Kol 4:14; Plm 1:24. kina poyapoya sinapuna nuwona ikobale,†b 1Iy 2:15. tauna ikalavegu ina Tesalonáika.†c Gui 17:1,11,13; Pil 4:16. Kina go Keresikesi ina Galetiya.†d Gui 16:6, 18:23; 1Ko 6:1; Gal 1:2; 1Pi 1:1. Kina go Taito†e 2Ko 2:13, 7:6,13-14, 8:6,16,23, 12:18; Gal 2:1,3; Tai 1:4. ina Dalimetiya. 11 Go Luke†a Kol 4:14; Plm 1:24. kina aneta ikaaiyaka ameko yau taiyao. Tutayana bei kuma, mainao kūna Maki†b Gui 12:12,25, 13:13, 15:37-39; Kol 4:10; Plm 1:24. kwābi taiyao kōma. Tauyana ma basabasaina yau yaigu paisewa manuna.

12 E kina go Tukiko†a Gui 20:4; Epe 6:21-22; Kol 4:7-8; Tai 3:12. bogina aetune ina Epeso.†b Gui 18:19-21, 18:24—19:41, 20:1,17; 1Ko 16:8; 1Ti 1:3; Nuw 1:11, 2:1. Tauna yau geya guna tovaitamo geya.

13 Guna tanigo be nakae guna buki boi Tarowasi goi† Gui 16:8,11, 20:5-6; 2Ko 2:12. Karaposi yaina akalavedi, tuwo tutayana kuma, amo konaguyadi kukabīdi kumēdi. Ego guna bukiyadi yaidi goi latuwogu toina guna buki moe sowogu kumedi.‡ Buki moe sowogu: Ame bukiyadi yoguyogu sakavaidi goi siwodugudi, tauna adi maisa gagaina be nakae bukiyadi goi tomota idi nuwonúwana gagaidi siginidi unana be sikaaiyaka tala maanawena.

14 Kina go kainum ana topaisewa Alekisanda†a 1Ti 1:20. ina goyo yaigu moe gagaina. Go nakonakae tauyana ina guinuwa, e nava bei ida Tomoya ikatumapu.†b Sam 28:4, 62:12, 109:20; Rom 2:6, 12:19. 15 Kom nakae tauyana kuvakilīsi. Tauyana kai ima vatulúkwana ivakaleyemakimakiye.

16 Boi guna tasígina vakuumgoina kotu goi geya vatau tayaamo ima ivapisiyegu, go sem madabokidikova sikalavegu. Guna kawanoi Yaubada yaina bego tauyadi idi kalovayana geya inuwokavateyeta. 17 E kina go ida Tomoyayana iitaoya yau taiyao, ikitogagegu bego Vala Dedevina atalavaitesave, e Totuyoyowo madabokidi bogina siinove. Tuwo Tomoyayana vailai goi iyavegu nakae neta laiyoni tobuna goi iyavegu. 18 Ida Tomoyayana guinuwa goyogoyoidi tamo tamo yaidi goi bei italigeigu be iyavegu imegu ina kalibúbuna yábana goi iyatoigu. Tauyana aba taimámina ame tuta be nakae tuta simamaima!

19 Pirisika be Akuila†a Gui 18:2,18,26; Rom 16:3; 1Ko 16:19. be Onesiporo†b 2Ti 1:16-17. mana bodayauwo kulatuwokōidi guna yabobona yaidi. 20 Kina go Erasto†a Gui 19:22; Rom 16:23. Korinta goi†b Gui 18:1, 19:1. ikaaiyaka. E kina go Taropimo†c Gui 20:4, 21:29. ikatówana, tauna Mileto goi†d Gui 20:15,17. akalave ikaaiyaka. 21 Kukokōila bego tula ana tuta nava geya isowoduwoita, e kūma.

Ebulosi, Pudesi, Linosi, Kilaudiya be sedao liliudi ameko goi idi yabobona yaim.

22 Ida Tomoya kom balomaim taiyao! Anuwóiya bei ivinim!