1  12:1 Isabu 21:21–35; Kumbukumbu 2:26—3:11Hano ndio afalume a tsi ambazo Aiziraeli aaturya na tsi zao achizihala zichikala zao. Tsi hizo zakala mlairo wa dzuwa wa muho Joridani, kula Dete ra Arinoni hadi mwango Herimoni na tsi yosi ya uphande wa mlairo wa dzuwa wa Araba. 2 Mfalume Sihoni wa Aamori, ariyeishi Heshiboni na kutawala kula Aroeri, mudzi uriokala kanda-kanda ya Dete ra Arinoni, kula kahi-kahi ya hiro dete hadi muho Jaboki urio muphakani na Aamoni, yani nusu ya tsi ya Giliadi. 3 Piya watawala seemu ya mlairo wa dzuwa wa Araba kula bahari ya Kinerethi hadi bahari ya Araba (Bahari ya Munyu), hadi Bethi-Jeshimothi, chisha seemu ya mwakani ya mavoromoko ga Pisiga. 4 Wanjina ni mfalume Ogi, mmwenga wa Arafa ariosala ambaye watawala Bashani na achisagala Ashitarothi na Edirei. 5 Ufalumewe waandzira mwango wa Herimoni, Saleka na Bashani yosi hadi mphaka wa atu a Geshuri na Maaka na nusu ya Giliadi hadi muphakani mwa tsi ya mfalume Sihoni wa Heshiboni. 6  12:6 Isabu 32:33; Kumbukumbu 3:12Musa mtumishi wa Mwenyezi Mlungu na Aiziraeli aashinda viha. Naye Musa mtumishi wa Mwenyezi Mlungu, tsi iyo achiipha mbari za Rubini, Gadi na nusu ya mbari ya Manase ili ikale mali yao.

7 Hinya ni afalume ambao Joshuwa na Aiziraeli aaturya uphande wa mtswerero wa dzuwa wa muho Joridani. Afalume aha kala achisagala kula Baali-Gadi Dete ra Lebanoni hadi mwango Halaki, unaoambuka kuphiya Seiri, (naye Joshuwa achiganyira mbari za Iziraeli ili ikale mali yao. 8 Seemu za tsi za myango, vidzango vya uphande wa mtswerero wa dzuwa, Araba, mavoromoko ga mwango, jangbwa na Negebu, yani tsi yokala inasagala Ahiti, Aamori, Akanani, Aperizi, Ahivi na Ajebusi) 9 Hinya ndio afalume arioshindwa ni Joshuwa na atu a Iziraeli: Mfalume wa Jeriko, mfalume wa Ai (tsi yokala phephi na Betheli) 10 mfalume wa Jerusalemu, mfalume wa Heburoni, 11 mfalume wa Jarimuthi, mfalume wa Lakishi, 12 mfalume wa Egiloni, mfalume wa Gezeri, 13 mfalume wa Debiri, mfalume wa Gederi, 14 mfalume wa Horima, mfalume wa Aradi, 15 mfalume wa Libuna, mfalume wa Adulamu 16 mfalume wa Makeda, mfalume wa Betheli, 17 mfalume wa Tapua, mfalume wa Heferi, 18 mfalume wa Afeki, mfalume wa Lasharoni, 19 mfalume wa Madoni, mfalume wa Hazori, 20 mfalume wa Shimuroni-Meroni, mfalume wa Akishafu, 21 mfalume wa Taanaki, mfalume wa Megido, 22 mfalume wa Kedeshi, mfalume wa Jokineamu hiko Karimeli, 23 mfalume wa Dori (hiko Nafothi-Dori), mfalume wa Goyimu hiko Giligali, 24 mfalume wa Tirisa. Afalume osi kala ni mirongo mihahu na mmwenga.