1 ጴንፄቆስቴ * ጴንፄቆስቴ፡ ኣዪሁዲያ ኣሳይ ፓሲጋ ባላ ቦንቾዴፔ ኢሻታሙ ጋላሳይ ኣꬊ ሲሚና ቦንቼቲያ ዛርጋ ቆይቻ ባላ ጌቴቲያዋ። ጊያ ጋላሳይ ጋኬዳ ዎዴ፥ ኣማኒያዋንቱ ኡባቱ ኢቲፔ ጊዲዴ፥ ኢቲሳ ሺቂ ዴዒሺን፥ ዎግ 23፡15-21፤ ዛር 16፡9-11 2 ዎልቃማ ጎቱዋዳን ጉሚያ ጉንꬃይ ዎዛና ኣꬄናን ሳሉዋፔ ዪዴ፥ ኡንቱንቱ ኡቴዳ ጎሊያ ኡባ ኩሜዳ። 3 ቃሲ ታማ ላጩዋዳን ፖዱጊያዌ ኡንቱንቶ ቤቲዴ፥ ሻኬቲ ሻኬቲ፥ ኡንቱንቱ ኡባ ቦላ ዎꬌዳ። 4 ኡንቱንቱ ኡባን ጌሻ ኣያናይ ኩሚዴ፥ ዱማ ዱማ ቃላን ሃሳያና ማላ፥ ኡንቱንታ ዳንዳዪሲና፥ ሃሳያ ዶሜዲኖ።

5 ሳዓን ዴዒያ ኣሳ ዜሬꬃ ኡባፔ ዪዴ፥ ፆሳው ያዪያ ኢቲፔ ዴዒያ ኣዪሁዳቱ ዬሩሳላሜን ዴዒኖ። 6 ሃ ጉንꬃ ሲሴዳ ዎዴ፥ ኣሳይ ኡባይ ሺቄዳ፤ ኡንቱንቱ ባሬንቱ ቃላን ቃላን ሃሳዪሺን ሲሴዳ ዲራው፥ ጊያዋ ꬋዬዲኖ።

7 ኣሳይ ኡባይ ማላሌቲዴኔ ሃዌ ኦራꬃባ ጊዴ፥ «ቤዒቴ፤ ሃ ሃሳዪያዋንቱ ኡባቱ ጋሊላ ኣሳቱዋ ጊዲኪኖ? 8 ያቲና፥ ኑኒ ኑ ዬሌቴዳ ጋዴ ቃላን ኡንቱንቱ ሃሳዪሺን ዋኒዴ ሲሴቶ? 9 ኑኒ ጳርቴ ኣሳቱ፥ ሜዶኔ ኣሳቱ፥ ኤላሜፄ ኣሳቱ፥ ላዑ ሻፋቱዋፔ ጊዱዋን ዴዒያዋንቱ፥ ዪሁዳን፥ ቃጳዶቂያን፥ ጳንፆሳን፥ ኢሲያን፥ 10-11 ፒርጊያን፥ ጲኒፊሊያን፥ ጊብፄን፥ ቄሬና ባጋን ዴዒያ ሊቢያ ዎራዳቱዋን ዴዒያዋንቱ፥ ሮሜፔ ዬዳ ኢማꬃቱ፥ ኣዪሁዳቱ፥ ኣዪሁዳቴꬃው ላሜቴዳ ኑፔ ኣማሬዳዋንቱ፥ ቃሪፄሴ ኣሳቱኔ፥ ኣራቢያ ኣሳቱ፥ ፆሳይ ኦꬄዳ ዎልቃማ ኦሱዋ ኑ ቃላን ኡንቱንቱ ሃሳዪሺን ሲሴዶ» ያጌዲኖ። 12 ኡባይካ ማላሌቲዴ፥ ዬዉ ባሬንቶ ጌሌናን ኢፂና ባሬንቱ ጊዶን፥ «ላ ሃዌ ዋጊያዌ?» ያጌዲኖ። 13 ሺን ሃራ ኣሳቱ ኣማኒያዋንቱ ቦላን ቂሊጪዴ፥ «ሃዋንቱ ኡሺዴ ማꬆቴዲኖ» ያጌዲኖ።

14 ሺን ጴፂሮሲ፥ ዬሱሲ ኪቴዳ ሃራ ታማኔ ኢቲ ኪቴቶዋንቱና ዴንዲ ኤቂዴ፥ ባሬ ኮሻ ꬎቁ ኦꬂዴ፥ ኡንቱንቶ ሃዋዳን ያጊ ኦዴዳ፤ «ኣዪሁዳቶ፥ ቃሲ ዬሩሳላሜን ዴዒያ ኡባቶ፥ ታኒ ኦዲያዋ ሲሲቴ። ሃዌ ሂንቴንቶ ኤሬቶ፤ ሂንቴንቱ ቆፒያዋዳን፥ ሃዋንቱ ማꬆቲቤይኪኖ። 15 ኣዪሲ ጎፔ፥ ዎንታፔ ቢሮ ሄዙ ሳቴ ጊዴ። 16 ሺን ሃዌ ናቢያ ኢዩዔል ሃሳዬዳዋ።

22 «ኢስራዔሊያ ኣሳቶ፥ ሃ ቃላ ሲሲቴ፤ ናዚሬቲያ ዬሱሲ ሂንቴንቱ ጊዶን ፆሳይ ባሬናን ኦꬄዳ ዎልቃማ ኦሱዋን፥ ኦራꬃባኒኔ ማላታን ሂንቴንቶ ꬊሺሴዳ ኣሳ፤ ሄዋ ሂንቴንቱካ ኤሪታ። 23 ዬሱሲ ሂንቴንቶ ኢሜታና ማላ፥ ፆሳይ ካሴ ባሬ ሼኒያኒኔ ባሬ ኤራን ባሬ ቆፋ ቃቺ ዎꬄዳ፤ ያቲና፥ ኣ ሂንቴንቱ ናጋራንቻቱዋ ኩሺያን ማስቃሊያ ቦላ ሚሲማሪያን ꬊሺሲዴ፥ ካቂሲ ዎꬊሴዲታ። 24 ሺን ሃይቁ ዬሱሳ ኦይቃናው ዳንዳዪቤና ዲራው፥ ፆሳይ ሃይቁዋ ሴላ ኣፔ ꬋዪሲዴ፥ ኣ ዴንꬄዳ። 25 ኣዪሲ ጎፔ፥ ዳዊቴ ዬሱሳባ ሃዋዳን ያጌዳ፤

29 «ኢሻቶ፥ ኑ ኣዋቱዋ ካፑዋ ዳዊቴባ ታኒ ሂንቴንቶ ጌሻዴ ኦዳናው ቤሴ፤ ዳዊቴ ሃይቂዴ ሞጌቴዳ፤ ኣ ዱፉ ሃቼ ጋካናዉካ ኑ ማታን ዴዔ። 30 ዳዊቴ ናቢያ ጊዴዳ ዲራዉኔ ፆሳይ ኣ ናና ዜሬꬃፔ ኢቱዋ ኣ ካዉቴꬃ ኦይዲያን ኡቲሳናው ኣው ጫቄዳዋ ኤሬዳ ዲራው፥ ማዝ 132፡11፤ 2ሳም 7፡12-13 31 ኪሪስቶሳ ዴንዱዋ ሲንꬃው ፄሊዴ፥ ‹ኣ ሼምፑ ሲዖሊያን ኣቲቤና፤ ኣ ቦላይካ ዎቂቤና› ጊዴ ኦዴዳ።

32 «ፆሳይ ዬሱሳ ሃይቁዋፔ ዴንꬄዳዋሲ ኑኒ ኡባይ ማርካ። 33 ሄዋ ዲራው፥ ፆሳይ ባሬፔ ኡሼቻ ባጋን † ኡሼቻ ባጋ፡ ጉሳይ ቦንቹዋኔ ዎልቃ ቤሲያ ሳዓ። ኣ ꬎቁ ꬎቁ ኡዲዴ፥ ኣው ጌሻ ኣያና ኢማና ጌዳዋዳን፥ ጌሻ ኣያና ኣኪዴ፥ ሃዋ ሂንቴንቱ ሃዒ ቤዒያዋኔ ሲሲያዋ ኑ ቦላ ጉሴዳ። 34-35 ኣዪሲ ጎፔ፥ ዳዊቴ ባሬ ሁጴው ሳሉዋ ኬሲቤና፤ ሺን ያጌዳ፤

36 «ሄዋ ዲራው፥ ፆሳይ ማስቃሊያ ቦላ ሚሲማሪያን ሃ ሂንቴንቱ ꬊሺዴ ካቄዳ ዬሱሳ ጎዳኔ ኪሪስቶሳ ኦꬄዳዋ ኢስራዔሊያ ኣሳ ዜሬꬃይ ኡባይ ቱሙፔ ኤሮ» ያጌዳ።

37 ኣሳይ ጴፂሮሲ ጌዳዋ ሲሴዳ ዎዴ፥ ኣሳው ዎዛናይ ዳሮፔ ቦሼቲና፥ ጴፂሮሳኔ ዬሱሲ ኪቴዳ ሃራቱዋ፥ «ኑ ኢሻቶ፥ ያቲና ኑኒ ኣያ ኡዳኔ?» ያጌዲኖ።

38 ጴፂሮሲ ኡንቱንታ፥ «ሂንቴንቱ ናጋራይ ኣቶ ጌቴታና ማላ፥ ናጋራፔ ሲሚዴ፥ ሂንቴንቱ ሁጲያን ሁጲያን ዬሱሲ ኪሪስቶሳ ሱንꬃን ፃማቄቲቴ። ፆሳይ ኢሚያ ጌሻ ኣያና ሂንቴንቱ ኣካና። 39 ኣዪሲ ጎፔ፥ ፆሳይ ኢማና ጌዳ ቃላይ ሂንቴንቱሳ፥ ሂንቴንቱ ናናቱዋሳኔ ጎዳይ ኑ ፆሳይ ባሬኮ ፄሲያ ሃኩዋን ዴዒያዋንቱ ኡባሳ» ያጌዳ።

40 ጴፂሮሲ ኡንቱንቶ ቃላ ሃራካ ጉጂ ማርካቲዴ፥ «ሃ ዎዲያ ጌላ ኣሳፔ ሂንቴንቱ ሁጲያ ኣሺቴ» ያጊዴ ዞሬዳ። 41 ጴፂሮሲ ኦዴዳዋ ኣኬዳዋንቱ ፃማቄቴዲኖ፤ ሄ ጋላሲ ሄዙ ሻዓ ጊዲያ ኣሳይ ኣማኔዲኖ። 42 ኡንቱንቱ ዬሱሲ ኪቴዳዋንቱ ቲሚርቲያን፥ ኢቲፔቴꬃን ኡኪꬃ ሜንꬂ ሚያዋኒኔ ፆሳ ዎሳን ጌንጪኖ።

43 ዬሱሲ ኪቴዳዋንቱ ኩሺያን ዳሮ ኦራꬃባይኔ ማላታቱ ኦሴቲና፥ ኣሳ ኡባ ያሻይ ኦይቄዳ። 44 ኣማኔዳ ኡባቱ ኢቲፔ ዴዒኖ፤ ቃሲ ባሬንቶ ዴዒያባ ኡባካ ኢቲፔ ሻኪ ኣኬዲኖ። 45 ኡንቱንቱ ባሬንቱ ጋዲያኔ ባሬንቶ ዴዒያባ ዛሊዒ ዛሊዒዴ፥ ኦናኔ ኮሼዳ ኬና ሚሻ ኡባው ሻኬዲኖ። 46 ቃሲ ኡባ ጋላሲ፥ ኢቲ ዎዛና ጊዲዴ፥ ጌሻ ጎሊያን ፓጬናን ጋኬቲዴ፥ ባሬንቱ ጎሌ ጎሌ ፄሴቲዴ ናሼቻኒኔ ፓሺካ ዎዛናን ቁማ ሚኖ። 47 ፆሳ ጋላቲዴ፥ ኣሳ ኡባን ሳቤቴዲኖ። ቃሲ ጎዳይ ኣማኒ ኣቲያዋንታ ጋላሲ ጋላሲካ ኡንቱንቱ ቦላ ጉጄ።