1 Mürin, Piltat ewe re Shu a apasa,

2 “Nemenem me niuokus ra nom ren Kot,

i a awora kinamwe lon an we läng mi tekia.

3 Ifa usun, eman a tongeni aleani iteiten nöün kewe chon läng?

Ifa usun, iön aramas än Kot saram esap tin won?

4 Ifa usun än eman aramas epwe tongeni küna pwüng fän mesen Kot?

Ifa usun, eman mi uputiu seni eman fefin a tongeni limöch?

5 Nengeni, pwal ewe maram esap saram,

nge ekewe fü resap limöch me fän mesan.

6 Nge eman aramas a kon kis seni, pun i eman möttö, nöün aramas a eman moso chök.”