1 དེའི་ཕྱིར་དེ་ལྟར་མང་བའི་དཔང་པོ་རྣམས་ནི་སྤྲིན་པ་བཞིན་ང་ཚོ་བསྐོར་བས། བར་ཆད་ཀུན་དང༌། ངེད་རྣམས་ལ་འཁྱུད་པར་སླ་བའི་སྡིག་ཉེས་ཕར་བཞག་སྟེ་བཟོད་པའི་སྒོ་ནས་ང་ཚོའི་མདུན་ལ་ཡོད་པའི་རྒྱུག་ལམ་སྟེང་རྒྱུགས་དགོས། 2 ངེད་རྣམས་ཀྱི་དད་པའི་འགོད་པ་པོ་དང་ཡོངས་སུ་རྫོགས་པར་མཛད་མཁན་ཡེ་ཤུའི་ཕྱོགས་སུ་ནན་གྱིས་ལྟ་དགོས། ཁོང་གི་མདུན་དུ་བཞག་པའི་དགའ་སྤྲོའི་དོན་ལ་དེའི་འཕྱ་དམོད་རྩིས་མེད་དུ་བཏང་སྟེ་རྒྱང་ཤིང་གི་སྡུག་བསྔལ་བཟོད་ནས་དཀོན་མཆོག་གི་བཞུགས་ཁྲིའི་གཡས་སུ་བཞུགས། 3 ཁྱེད་ཚོ་ཡིད་ཐང་མི་ཆད་པ་དང༌། སེམས་ཤུགས་མི་ཉམས་པའི་ཕྱིར། སྡིག་ཅན་རྣམས་ཀྱི་སྡང་སེམས་དེ་ཙམ་བཟོད་མཁན་ཁོང་བསམ་ཞིབ་བྱེད། 4 ཁྱེད་ཚོས་སྡིག་ཉེས་དང་འཛིང་དུས་ཁྲག་ཐོན་པའི་བར་དུ་ད་དུང་མ་སླེབས། 5 ཡང་ཁོང་གིས་ཁྱེད་རྣམས་ལ་སྲས་ལྟར་སྐུལ་མ་གཏོང་བ་བརྗེད་ཏེ།

12 དེའི་ཕྱིར་སྟོབས་མེད་པའི་ལག་པ་དང་འདར་བའི་པུས་མོ་བརྟན་པར་བྱེད་ཅིང༌། 13 རྐང་པའི་དོན་ལ་ལམ་བདེ་བར་བཟོས། དེ་ནས་རྐང་པ་ཞ་བ་ཚིགས་ནས་མི་བུད་པར་གསོ་བར་འགྱུར། 14 མི་ཐམས་ཅད་དང་ཞི་བདེར་གནས་པ་དང༌། དམ་པ་རུ་འགྱུར་བའི་ཆེད་དུ་འབད་རྩོལ་ཤིན་ཏུ་བྱེད་དགོས། དམ་པ་མེད་ན་མི་སུས་ཀྱང་གཙོ་བོ་མཇལ་བར་མི་སྲིད། 15 ཁྱེད་ཚོའི་ཁྲོད་དུ་མི་ཚང་མ་དཀོན་མཆོག་གི་ཐུགས་རྗེ་འཐོབ་མཁན་ཡིན་པར་བྱོས་ཤིག སུ་ཞིག་གིས་རྙོག་དྲ་བཟོ་མཁན་རྩ་བ་ངན་པ་ལྟར་ཡར་སྐྱེས་ནས་མང་པོར་མི་གཙང་བར་མི་བྱེད་པའི་ཕྱིར་དོགས་ཟོན་གྱིས་ཤིག 16 དུས་ཞིག་གི་ཟས་ཀྱི་ཕྱིར་མེས་པོ་ཨེ་སའུ་ཡིས་རང་གི་ནོར་སྐལ་བཙོངས། ཁོ་དང་འདྲ་བར་མི་སུ་ཞིག་ཆོས་མེད་པའམ་ལོག་གཡེམ་བྱེད་མཁན་དུ་འགྱུར་བར་དོགས་ཟོན་གྱིས་ཤིག 17 ཁྱེད་ཚོས་ཤེས་གསལ་ལྟར། དེའི་རྗེས་སུ་ཁོས་ནོར་སྐལ་འཐོབ་འདོད་དེ། མཆི་མ་ཤོར་ཞིང་ནན་གྱིས་བཙལ་ཡང༌། སེམས་བསྒྱུར་བའི་གོ་སྐབས་མ་རྙེད་པས་མ་ཐོབ། † 12:17 ལུང་སྟོན་པ་མོ་ཤེ་ཡིས་བྲིས་པའི་མདོ་དང་པོ་སྟེ་འགོད་པ་ལེའུ་27 ཨང་30-40 ལ་གཟིགས།

18 གནའ་བོའི་ཡི་སི་ར་ཨེལ་པ་དང་མི་འདྲ་བར་ཁྱེད་ཚོ་ནི་ལག་པས་རེག་ཐུབ་པའི་རི་དང༌། མེ་འབར་བ། ནམ་མཁའ་བསྒྲིབས་པ། མུན་ནག རླུང་འཚུབ། ‡ 12:18 ལུང་སྟོན་པ་མོ་ཤེ་ཡིས་བྲིས་པའི་མདོ་གཉིས་པ་སྟེ་ཐེགས་པ་ལེའུ་10 ཨང་21-22 དང༌། ལེའུ་19 ཨང་12-22 དང༌། ལེའུ་20 ཨང་18-21 ལ་གཟིགས། 19 དམག་དུང་གི་སྒྲ་ཆེན་པོ་དང༌། གསུང་སྐད་ཀྱི་སྒྲ་ཡི་ས་ཆ་དང་ཉེ་བར་མ་སླེབས། གསུང་སྐད་ཀྱི་སྒྲ་དེ་ཐོས་མཁན་རྣམས་འཇིགས་སྐྲག་སྐྱེས་ནས་ང་ཚོར་ད་དུང་མ་གསུངས་ཞེས་ནན་གྱིས་ཞུ་བ་ཕུལ། 20 དུད་འགྲོ་ཞིག་གིས་ཀྱང་རི་ལ་རེག་ན་རྡོ་རུབ་བཏང་ནས་གསོད་དགོས་ཞེས་པའི་བཀའ་དེ་ཁོ་ཚོས་བཟོད་མ་ཐུབ།§ 12:20 ལུང་སྟོན་པ་མོ་ཤེ་ཡིས་བྲིས་པའི་མདོ་གཉིས་པ་སྟེ་ཐེགས་པ་ལེའུ་19 ཨང་12-13 ལ་གཟིགས། 21 ལུང་སྟོན་པ་མོ་ཤེ་ཡིས་ཀྱང་ང་འཇིགས་ནས་འདར་བཞིན་ཡོད་ཅེས་གསུང་བ་ཙམ་དུ་གང་བྱུང་བ་དེ་འཇིགས་སུ་རུང་བ་ཞིག་ཡོད།* 12:21 ལུང་སྟོན་པ་མོ་ཤེ་ཡིས་བྲིས་པའི་མདོ་ལྔ་པ་སྟེ་བཀའ་ལུང་ལེའུ་9 ཨང་19 ལ་གཟིགས། 22 འོན་ཀྱང་ཁྱེད་ཚོ་ནི་རི་བོ་ཙི་ཡོན་དང༌། གཏན་དུ་གནས་པའི་དཀོན་མཆོག་གི་གྲོང་ཁྱེར་མཆོག་སྟེ་དཀོན་མཆོག་གི་ཞིང་ཁམས་སུ་ཆགས་པའི་ཡེ་རུ་ཤ་ལེམ་དང༌། དཀོན་མཆོག་གི་ཕོ་ཉ་གྲངས་ལས་འདས་པ་དགའ་བའི་ངང་ནས་འཚོགས་པ་དང༌། 23 དཀོན་མཆོག་གི་ཞིང་ཁམས་སུ་མིང་བཀོད་ཡོད་པའི་སྔོན་སྐྱེས་རྣམས་ཀྱི་ཆོས་ཚོགས་དང༌། ཐམས་ཅད་ལ་ཁྲིམས་གཅོད་མཛད་མཁན་དཀོན་མཆོག་དང༌། ཡོངས་སུ་རྫོགས་པའི་དྲང་ལྡན་རྣམས་ཀྱི་སེམས་ཉིད་རྣམས་དང༌། 24 ཞལ་ཆད་གསར་པའི་བར་མི་ཡེ་ཤུ་དང༌། ཧ་བེལ་གྱི་ཁྲག་ལས་གཏམ་ལྷག་པར་བཟང་པོ་སྨྲ་སྟེ་སྐུ་ཁྲག་གཏོར་བ་དེའི་མདུན་དུ་སླེབས། † 12:24 ལུང་སྟོན་པ་མོ་ཤེ་ཡིས་བྲིས་པའི་མདོ་དང་པོ་སྟེ་འགོད་པ་ལེའུ་4 ལ་གཟིགས།

25 གསུང་མཁན་གྱི་བཀའ་ལ་ནན་གྱིས་ཉོན་ཞིག གང་ཡིན་ཞེ་ན། ཡི་སི་ར་ཨེལ་གྱི་མི་རྣམས་ཀྱིས་འཇིག་རྟེན་འདིར་ལུང་སྟོན་པ་མོ་ཤེའི་བཀའ་ལ་མ་ཉན་པས་མ་ཐར་བ་ཡིན་ན། ངེད་རྣམས་ཀྱིས་ཞིང་ཁམས་ནས་གསུང་མཁན་གྱི་བཀའ་ལ་མ་ཉན་ན་ཐར་བར་འགྱུར་མི་སྲིད། 26 དེའི་དུས་སུ་ཁོང་གི་གསུང་སྐད་ཀྱིས་ས་གཞི་གཡོས་ཀྱང༌། ད་ལྟ་ཁོང་གིས་ད་དུང་ལན་གཅིག་ངས་ས་གཞི་མ་ཟད། ནམ་མཁའ་ཡང་གཡོ་བ་བྱེད་པར་བྱའོ་ཞེས་ཞལ་གྱིས་བཞེས། ‡ 12:26 ལུང་སྟོན་པ་ཧག་ག་ཨི་ཡིས་བྲིས་པའི་མདོ་ལེའུ་2 ཨང་6 ལ་གཟིགས། 27 ད་དུང་ལན་གཅིག་ཅེས་པའི་དོན་ནི་གང་གཡོ་མི་ཐུབ་པ་རྣམས་གནས་པའི་ཕྱིར། གང་བཀོད་པ་རྣམས་གཡོས་ནས་མེད་པར་འགྱུར་བ་དེ་ཡིན། 28 དེའི་ཕྱིར་ང་ཚོར་གཡོ་མི་སྲིད་པའི་རྒྱལ་སྲིད་འཐོབ་པས་དཀོན་མཆོག་ལ་བཀའ་དྲིན་ཆེ་ཞུ་དགོས། དེའི་སྒོ་ནས་ང་ཚོས་དད་ཞིང་གུས་པས་དཀོན་མཆོག་ལ་ཐུགས་མཉེས་པའི་བསྙེན་བཀུར་ཞུ། 29 གང་ལགས་ཟེར་ན། ངེད་རྣམས་ཀྱི་དཀོན་མཆོག་ནི་སྲེག་པར་བྱེད་པའི་མེ་ལྟར་ཡིན་ནོ། །§ 12:29 ལུང་སྟོན་པ་མོ་ཤེ་ཡིས་བྲིས་པའི་མདོ་ལྔ་པ་སྟེ་བཀའ་ལུང་ལེའུ་4 ཨང་24 ལ་གཟིགས།