1 Taidei gaitoma-nai giyegemo muline, seyana tova tufodi ielai Yosefa ivonenaga, “Tama giveoga.” E ada natunavo kaliva adiselu Manasa ke Ifeleimu giabidi nodi inau tamana inaitana. 2 Ada tova-nai iyegemona, Iyakobo ivonenaga, “Natu Yosefa gielai wagainiya,” au Iyakobo gienovila givetoga ivi wagaine.

3 Ada Iyakobo Yosefa givonena, “Yaubada Totoyogi-vagaina giyegemo wagaikuya melala Lusi-deya fafali Kenani wagaine, ada wadedeku-deya giawanuwakabubuyeku, 4 givona, ‘Iya gana ivetubulalagini ke ayoo gana kiveinalina ada yoo moyaidi ina yegemona. E ada babi taidei ya tubudelideli gana veledi yadi giba vagata tova gielaelai wagaidiya.’ 5 E, ada natumomo kaliva adiselu Ifeleimu ke Manasa wagainiya itubuga Itipita wagaine aku muliya-yo gaelai wagainiya idedeku, biyabiyama adiselu ani iyayeku, gana awavenatunedi anafaiweya natukuweyavo Lubeni ke Simiyoni.** Iyakobo giifufu anafaiweya faina Letiyeli imadualika ada keke moyaidi ida venatunedi. Iyakobo tubunavo Efilimu ke Manasa wagaidiya vaita Letiyeli yadi yoo gina kiveinalina. 6 Aku gava biyabiyama ina tubuga mulidiya ani wada oyeni, aku yadi babi ina nuwagana babi-nai tainei tawagadiyavo Ifeleimu ke Manasa inavaina wagaine. 7 E aku tova-nai iya gayewayewaku Padan Alama wagaine-deya aku ina Litiyeli lilivakuya ialika fafali Kenani wagaine tova-nai anaunau Efilati waina. Taidei gikivenuwavitaku lakaina. Ada Efilati anawai ginaunau ani lilivane gatavudi.” E, Efilati ani melala Bedeliyema anayegana tuwaina.

8 Ada tova-nai Isileli matana gisegena ani Yosefa natunavo giitadi, ada gitolidadana, “Aku ida gavega biyabiyama?”

9 Ada Yosefa tamana givonena, “Ida iya natukuweyavo Yaubada giveleku idedeku Itipita wagaine.”

Ada Isileli givona, “Una aliyedi wagaikuya ke gana awanuwakabubuyedi.” 10 E aku tova tayuwe wagaine Isileli matana bademowa giowa faina givesilakai, ada keke anafaiweya gina itadewadewa. E ada Yosefa natunavo gialiyedi lilivane ada tamana biyabiyama giatulauwidi ke giveyaugidi.

11 Ada Isileli Yosefa givonena, “Nagona ganuwanuwa vaita keke-mowa kaduwe magigi gadaita-vagile, aku Yaubada giawaegeku ke oye gaitani ada kaduwe natumomo.”

12 Ada Yosefa natunavo givaidi tamana alone-deya aku tugana givetodonena ke giiboula-mowa magigina babi wagaine. 13 Ada gioduodu muline au Yosefa biyabiyama adiselu giabidi, Ifeleimu waiyatagine ginanau Isileli aimauline, aku Manasa waaimauline ginanau aiyatagine faina tomoinagona, ada gialiyedi wagaine. 14 Aku Isileli nimana aiyatagina gitunena ke Ifeleimu kuluwane gisena, aku banae kwamaneya. Aku nimana aimaulina gisedamanena Manasa kuluwana wagaine gisena, aku banae tomoinagona. 15 Ada Isileli Yosefa giawanuwakabubuyena ke givona,

17 Aku Yosefa giitana tamana nimana aiyatagina gisena Ifeleimu kuluwane ada keke gida vemwamwala, e ada tamana nimana Yosefa giabina ke Ifeleimu kuluwana wagaine-deya gidavai gida sevedamana Manasa kuluwane. 18 Ada Yosefa givonenaga, “Keke, kamaku. Taidei kwamana-nai tomoinagona, ada nima aiyatagi unasena banae kuluwana wagaine.”

19 Aku tamana gidibusoyoga ada givona, “Natuku, bademowa gaalamanena, iya alamaniku. Banae Manasa aimo kaduwe yana tubudelidelimomo ina tubulalaga ke adiyoo gina veinala, aku auwe anatubuluga kwamaneya banae gina tubusegena, ada banae aimo yoo gina vetubulalagina ke yana tubudelideliyavo adiyoo gina veinala.”

20 E ada yadayada tayuwe wagaine giawanuwakabubuyedi, givona, “Amiyeganeya aimo meIsileli awanuwakabubu ina inanana taidei awanuwakabubu-nai anafaiweya, ‘Yaubada gaveolena gina gugai iwakana wagainiya anafaiweya Ifeleimu ke Manasa.’ ” Taidei wai-nai wagaine Ifeleimu gisenagoyena Manasa wadebaine.

21 Ada Isileli Yosefa givonenaga, “Unaitana, iya tova kabisona ganaalika, aku Yaubada imi nodi ada aimo kaduwe gina yewe-vagilemi tamamiyavo nagona yadi fafali wagaine. 22 Ada wadedeku fafali ivewagana Sekemu, fafali-nai avalavekenana, gaatuegena wagainiya faina oye tawagamomo aditoveimeya. Tayuwe fafali-nai gaviyeya gavaina meAmoli wagaidiya-deya.”