1 Taidei Adama yana tubudelideli tufona ifuifufuna. Tova-nai Yaubada kaliva gibubuna ani gibubuna tauna anaita anafaiweya. 2 Gibubudi kaliva ke vavine. Ada yadayada-nai wagaine givonanuwakabubuyedi ada givewagadi kaliva.** Unaitana leme anaailabama daba 2 maita 19 faine.

3 Adama anamalamala 130 wagaine, natuna kaliva velugana gitubuga. Banae ani anaita ke analavulavuga au Adama anafaiweya. Ada gidouwena anayegana Sete. 4 Sete gitubuga muline, Adama gimiyamiya wayawaina malamala 800. Tova tayuwe wagaine kaduwe tufona natunavo kaliva ke vevine givetubudi. 5 Ada Adama gimiya-deya anamalamala matatabuna 930. Ada gialika.

6 Tova-nai Sete anamalamala 105 wagaine, natuna kaliva gitubuga anayegana Inosi. 7 Inosi gitubuga muline, Sete gimiyamiya wayawaina malamala 807 wagaidiya. Tova tayuwe wagaine kaduwe tufona natunavo kaliva ke vevine givetubudi. 8 Ada Sete gimiya-deya anamalamala matatabuna 912. Ada gialika.

9 Aku Inosi anamalamala 90 wagaine, natuna kaliva gitubuga anayegana Kenani. 10 Kenani gitubuga muline, Inosi gimiyamiya wayawaina malamala 815 wagaidiya. Tova tayuwe wagaine kaduwe tufona natunavo kaliva ke vevine givetubudi. 11 Ada Inosi gimiya-deya anamalamala matatabuna 905. Ada gialika.

12 Aku Kenani anamalamala 70 wagaine, natuna kaliva gitubuga anayegana Maalaleli. 13 Maalaleli gitubuga muline, Kenani gimiyamiya wayawaina malamala 840 wagaidiya. Tova tayuwe wagaine kaduwe tufona natunavo kaliva ke vevine givetubudi. 14 Ada Kenani gimiya-deya anamalamala matatabuna 910. Ada gialika.

15 Aku Maalaleli anamalamala 65 wagaine, natuna kaliva gitubuga anayegana Iyeledi. 16 Iyeledi gitubuga muline, Maalaleli gimiyamiya wayawaina malamala 830 wagaidiya. Tova tayuwe wagaine kadu tufona natunavo kaliva ke vevine givetubudi. 17 Ada Maalaleli gimiya-deya anamalamala matatabuna 895. Ada gialika.

18 Aku Iyeledi anamalamala 162 wagaine, natuna kaliva gitubuga anayegana Inoki. 19 Inoki gitubuga muline, Iyeledi gimiyamiya wayawaina malamala 800 wagaidiya. Tova tayuwe wagaine kaduwe tufona natunavo kaliva ke vevine givetubudi. 20 Ada Iyeledi gimiya-deya anamalamala matatabuna 962. Ada gialika.

21 Aku Inoki anamalamala 65 wagaine, natuna kaliva gitubuga anayegana Metusela. 22 Metusela gitubuga muline, Inoki Yaubada nodi ivetubuiyana ada kadu malamala 300 gimiya wayawaina. Tova tayuwe wagaine kaduwe tufona natunavo kaliva ke vevine givetubudi. 23 Ada Inoki gimiya-deya anamalamala matatabuna 365. 24 E, ada Inoki tova moyaina Yaubada nodi ivevetubuiyana, ada seyana tova Inoki wayawaina au Yaubada givai ginauwena Tauna wagaine.** Unaitana Ibeliu 11:5 kadu Yuda 14.

25 Aku Metusela anamalamala 187 wagaine, natuna kaliva gitubuga anayegana Lemeki. 26 Lemeki gitubuga muline, Metusela gimiyamiya wayawaina malamala 782 wagaidiya. Tova tayuwe wagaine kaduwe tufona natunavo kaliva ke vevine givetubudi. 27 Ada Metusela gimiya-deya anamalamala matatabuna 969. Ada gialika.

28 Aku Lemeki anamalamala 182 wagaine, natuna kaliva gitubuga 29 ada anayegana gidouwena Nowa. Yegana taidei anakivila ‘veyawai’, faina givonaga, “Gaitana kwamana taidei gina tubulakata ke gina lemeda kana veyawai yada gugai vitadi babi-nai Yaubada gialatabutabuyena wagaine.” 30 Nowa gitubuga muline, Lemeki gimiyamiya wayawaina malamala 595 wagaidiya. Tova tayuwe wagaine kaduwe tufona natunavo kaliva ke vevine givetubudi. 31 Ada Lemeki gimiya-deya anamalamala matatabuna 777. Ada gialika.

32 Aku Nowa anamalamala 500 muline natunavo, Semi, Ami ke Iyafeta givetubudi.