35
Ki jiin kasii sɔnjouk po
1 Kunkoouk saa kpamm, ki puuk saa yit kunkoouk na paak.
2 Kunkoouk na saa yin yaŋ ki hoot nan parpeenn;
li saa faŋ nan Lebanonn kunkona nae,
ki bia sii kpai nan Kamel nan Saronn sarwaat na.
Sɔɔ kur saa la Yennu fant, ki la u yabint nan u yiikoo.
3 Turin niib nba nii baŋ,
nan binba duna baantir nan bakint na paŋ.
4 Pakin wunba kur ki mɔk tama a,
“Ii mɔk paŋ ki daa tiin jaŋmaanii,
Yennu baate a wun tinna, u baate a wun dat a datai tuba.”
5 Jɔɔnii saa nyɔɔnt, ki tuukpaa sii gbia,
6 ki dianii sii yuuk ki mobit, ki waa waak,
ki binba ki fit piak na saa hoot nan parpeenn.
Nyun nan kpenii saa pubir kunkoouk paak;
7 ki tanbiintonii saa kpant mɔkir,
ki tinkooŋ saa gbee nan nyuntona.
Mɔbɔi nba tuu be sian na saa pia kaar nan gartuut.
8 Sɔnjar sii be leŋ ki li sann tee, “Kasii Sɔnu.”
Biit daanɔ kan ban tɔkin sɔnu maŋi,
ki jatit kan turin binba tɔk sɔnu maŋi.
9 Yanbɔra sii kaa leŋ, bonkob-biiuk kan tɔkin sɔnu maŋ.
Binba ki Yennu tinnib nae saa tɔkin sɔnu maŋ ki kun.
10 Bi saa baar Jerusalem nan kpinkpammuko,
ki yiin ki hoot nan parpeenn.
Bi sii yɔɔ be parpeenn nie,
ki nyi parbiir nan yanyêtuk ni yaayoo siiyoo.