23
1 Yoube da amane sia:i,
2 Na da mae yolele, Godema egasa amola lelesu hou hamosa.
Na da gogonomosa sia: yolemu hamedei.
3 Na da E ba:musa: hanai galebe.
Na da Ea esalebe sogebiga dawa:mu hanai.
Be na da logo hame dawa:.
4 Na da E ba:loba, na da Ema fofada:la:loba.
Amola na hou gaga:la:loba.
5 Na da Ea nama adole imunu dawa:mu hanai gala.
6 Gode da Ea gasa huluanedafa amoga na banenesima:bela:?
Hame mabu! E da na sia:sea, nabimu.
7 Na da moloidafa! Na da Ema gegene sia:musa: dawa:!
E da na da moloidafa dafawane sia:mu.
8 Na da gusudili hogoi helei. Be amogawi Gode hame ba:i.
Na da guma:dini hogoi helei. Be amogai Gode hame ba:i.
9 Gode da ga (south) amola ga (north) hawa: hamosu.
Be amogawi amolawane na da E hame ba:i.
10 Be Gode da na osa:le gagabe huluane dawa:.
E da na hou adoba:sea, na hou moloidafa fawane ba:mu.
11 Na da mololedafa Ea ilegei logo amoga bobogesa.
Na da la:idili, la:idili, gigiadofale hame ahoa.
12 Na da eso huluane ea hamoma:ne sia:i amo hamonana.
Na da ni hanaiga hame, be Ea hanaiga hamonana.
13 E da afadenesu hame dawa:.
Dunu afae da E gua:mu hamedei.
Dunu afae da Ea hamomu hanai hedofamu hame dawa:.
14 Ea ilegesu da bagohame gala.
Amola E da na esaloma:ne ilegei amo defele hamone dagomu.
15 Na da Ea midadi beda:ga yagugumu!
16 - 17 Gode Bagadedafa da na nimi wadela:lesi dagoi.
Gasi da na si wadela:lesi dagoi.
Be na da gasiba:le hame beda:i.
Na da Godeba:le beda:i.