112
Gumazir aghuiba me bar akongegham* Hibrun akamɨn onger akar kam, me uan alpabetɨn letabar vaghvagha dar gɨn ghua ighiar kamɨn vesba osira bar ghuava vezɨn abuananamɨn oto.
1 E Ikiavɨra Itir Godɨn ziam fam!
Gumazamizir Ikiavɨra Itir Godɨn atiatia an Akar Gavgavimɨn gɨn mangasa bar ifongeziba,
me bar akongegh.
2 Gumazir aghuibar boriba, nguazir kamɨn ikɨ
ziar ekiaba ikiam.
Men ovavir boriba,
Ikiavɨra Itir God deravɨra me damuam.
3 Men adarazi dagɨar avɨriba initɨ,
men biziba bar avɨrasemegham.
Me deraghvɨra arazir aghuimɨn gɨn mangɨva ikɨ
mamaghɨra ikiam.
4 Jop 11:17; Onger Akaba 97:11E fo, mɨtarmem iti,
ezɨ gumazir aghuim, gumazir aghuir igharazibar akurvaghasa angazangarimɨn mɨn anagava otogha,
men apangkuvigha, amɨnirbɨrim gisira.
5 Gumazir guizbangɨra mɨgɨa pura uan biziba anɨdim,
an ingangariba a guizbangɨra dagh amutɨ, an dagɨaba isir tuaviba deravɨra mangɨtɨ,
a bar akongegham.
6 Gumazir aghuim irɨghan kogh egh tugh gavgavigh mamaghɨra ikiam.
Eghtɨ gumazamiziba a gɨnɨghnɨghvɨra ikiam.
7 Onger Akaba 57:7; 64:10An osɨmtɨzir otivibar mɨgɨrɨgɨaba baragh atiatingan kogham.
Puvatɨgham, a tugha gavgavigh nɨghnɨzir gavgavim Ikiavɨra Itir Godɨn ikiam.
8 A nɨghnɨzir avɨribagh amua atiatir puvatɨ.
A fo, God gɨn an apaniba dɨkabɨragham.
9 2 Korin 9:9A bizir bar avɨriba gumazir onganarazibagh amibagh anɨdi.
Ezɨ an arazir aghuir kam gɨvaghan kogham, a ikɨvɨra ikiam.
Egh a nguibamɨn aven ziar ekiam ikɨtɨ,
gumazamiziba an ziam fam.
10 Gumazir kuraba, gumazir aghuimɨn dabirabimɨn ganɨva puvɨram ataram.
Egh men naviba men ikuvightɨ,
men gavgavim me ateghtɨ me puram amɨragh magɨrɨ gɨvagham.
Guizbangɨra, bizir aghuir me iniasa mɨzua itiba,
me da inighan kogham.