11
Pita Jerusalemɨn ghugha bizir otivizibar gun mɨgei
1 Ezɨ aposelba ko Judian nguibabar aven itir darasi, me kamaghɨn oraki, Kantrin Igharazibar Gumazamiziba uaghan Godɨn akam ini. 2-3 Aposel 10:28; Galesia 2:12Ezɨ Pita uamategha Jerusalemɨn ghuavanabo. Ezɨ gumazir uan mɨkarzir mogomebar iniba aghoregha nɨghnɨzir gavgavim Iesusɨn itiba, me Pitan atara ghaze, “Nɨ arazir manam gamua, egha ghua gumazir uan mɨkarzir mogomebar iniba aghorezir puvatɨzibar dɨpenibar me koma api.”
4 Ezɨ Pita maghɨra bizir a batoziba, bar deravɨra dar gun me mɨgei, 5 Ap 10:9-48 Aposel 10:9-48“Kɨ Jopan nguibar ekiamɨn ikia God ko mɨgei. Egha irebamɨn mɨn bizimɨn garima, bizim mati inir avɨzir dafam, me an ruaghatevir 4plan suirazɨma, an overiam ategha izaghira kɨ iti naghɨn asara. 6 Ezɨ kɨ an aven garima, asɨzir soroghafariba ikia nguazimɨn itiba, ko asɨzir atiar maba, ko nguazimɨn davaragha aruir asɨziba, ko pɨn itir kuaraziba iti. 7 Ezɨ kɨ orazi, tiarir mam kamaghɨn na mɨgei, ‘Pita, dɨkavigh, asɨzitam mɨsuegh anemɨ.’
8 “Ezɨ kɨ kamaghɨn a ikaragha ghaze, ‘Ekiam! Bar puvatɨgham! Nan akam Godɨn damazimɨn bizir mɨzɨrɨzir katam bar anemezir puvatɨ.’
9 “Ezɨ tiarim ua kamaghɨn Godɨn Nguibamɨn mɨgei, ‘Bizir God amizir zueziba, nɨ uam mɨzɨrɨzibar dar arɨghan markɨ.’ 10 Ezɨ bizir kam dughiar pumuning ko mɨkezimɨn amigha, ua ekuigha overiamɨn ghuavanabo.
11 “Ezɨ dughiar kamra gumazir pumuning ko mɨkezim, na bagha Sisarian nguibamɨn iza dɨpenir kɨ itimɨn oto. 12 Jo 16:13, Ap 10:19, 10:23, 10:45 Aposel 10:19; 10:23; 10:45Ezɨ Godɨn Duam na mɨgɨa ghaze, nɨ me ko mangɨsɨ nɨghnɨzir avɨribar amuan markɨ. Ezɨ 6plan aveghbuaba uaghan na ko zui. Egha e gumazir na bagha akam amadazimɨn dɨpenimɨn aven ghue. 13 Ezɨ an e mɨgɨa ghaze, enselɨn mam an dɨpenimɨn aven a batogha ghaze, nɨ gumazitaba amangightɨ, me Jopan nguibamɨn mangɨ, Saimon, an ziar mam Pita, a batogh. 14 Ap 16:31 Aposel 16:31Eghtɨ a Godɨn akam inigh izɨ, nɨ mɨkɨmtɨ, tuavir kamɨn nɨ ko nɨn dɨpenimɨn itir gumazamiziba bar, Ekiam uaghan ua me iniam.
15 Ap 2:4 Aposel 2:4“Ezɨ kɨ mɨgɨavɨra itima, Godɨn Duam maghɨra me gisɨn izaghiri, mati bar faraghavɨra an e gisɨn izaghirɨzɨ mokɨn. 16 Jol 2:28, Mt 3:11, Jo 1:26, 1:33, Ap 1:5 Joel 2:28; Matyu 3:11; Jon 1:26; 1:33; Aposel 1:5Ezɨ kɨ Ekiam mɨkemezir mɨgɨrɨgɨam ginɨrɨ, ‘Jon dɨpamɨn ia rue, eghtɨ kɨ Godɨn Duamɨn ia ruam.’ 17 Ap 10:47, 15:8-9 Aposel 10:47; 15:8-9E fo, e faragha nɨghnɨzir gavgavim Ekiam Krais Iesusɨn itima, Godra uan Duam bizir aghuimɨn mɨn e ganɨngi. Egha kamaghɨra datɨrɨghɨn God Kantrin Igharazibar Gumazamiziba uaghan uan Duam, bizir aghuim mɨn me ganɨngi. Kamaghɨn amizɨ, kɨ tina, kɨ God me ko ingaramin ingangarimɨn anogoregham?”
18 Ap 13:48, 14:27, Ro 10:12-13, 15:9, 15:16 Aposel 13:48; 14:27; Rom 10:12-13; 15:9; 15:16Ezɨ nɨghnɨzir gavgavim Iesusɨn itir gumazamiziba kamaghɨn oregha, uam ataramin nɨghnɨziba puvatɨgha, Ekiamɨn ziam fa ghaze, “A dera, God uaghan Kantrin Igharazibar Gumazamizibar amamangatɨghtɨ, me uaghan navibagh iragh egh ikɨrɨmɨrir zurara itim iniam.”
Antioghɨn itir gumazamiziba nɨghnɨzir gavgavim Iesusɨn iti
19 Ap 8:1-4 Aposel 8:1-4Me Stivenɨn mɨsoghezɨ an aremezir dughiamɨn, me arazir kuram uaghan nɨghnɨzir gavgavim Iesusɨn itir igharazibagh amizɨ, me tintinibar ara ghua, Fonisian Distrik ko Saiprusɨn Arighatɨzim ko Antioghɨn nguibar ekiamɨn ghua, Godɨn akam Judan gumazamizibav gei. 20 Ezɨ men marazi uaghan Saiprusɨn Arighatɨzim ko Sairinin nguibar ekiamɨn ikegha ize, egha Antioghɨn ghuegha Ekiam Iesusɨn Akar Aghuimɨn gun Grighɨn gumazamizibav gei. 21 Ap 2:41 Aposel 2:41Ezɨ Ekiamɨn gavgavim me ko iti. Ezɨ gumazamizir bar avɨrim nɨghnɨzir gavgavim Ekiamɨn ikia egha uan navibagh iragha Ekiam bagha ize.
22 Ap 4:36 Aposel 4:36Ezɨ Jerusalemɨn itir Kraisɨn adarazi bizir kamɨn eghaghanim baregha, Barnabas amadazɨma an Antioghɨn ghu. 23 Ap 13:43 Aposel 13:43Egha an otogha gari, God men apangkuvigha, men akurvagha arazir aghuibar me gamizɨ Barnabas bar akonge. Egha me uan navir averiabar aven guizbangɨra Ekiam ko ikiamin mɨgɨrɨgɨabar me mɨgei. 24 Ap 2:41, 5:14, 6:5, 11:21 Aposel 2:41; 5:14; 11:21A bar gumazir aghuim, Godɨn Duam a gizɨvazɨ Godɨn nɨghnɨzir gavgavim an iti. Ezɨ gumazamizir bar avɨrim Ekiam bagha ize.
25-26 Aposel 9:30Ezɨ Barnabas Sol buriasa Tarsusɨn zui. Egha an apigha, a inigha Antioghɨn ize. Egha azenir vamɨra Barnabas ko Sol uaning inigha Kraisɨn adarazi ko uari akufa. Egha gumazamizir bar avɨribar sure gami. Ezɨ suren gumaziba Antiokɨn, faragha ziar kam, Kraisɨn gɨn zuir darasi, me a ini.
27 Ap 13:1, 15:32, 21:9, 1 Ko 12:28, Ef 4:11 Aposel 13:1; 15:32; 21:9; 1 Korin 12:28; Efesus 4:11Ezɨ dughiar kamɨn, Godɨn akam inigha izir gumazir maba Jerusalemɨn ikegha Antioghɨn izaghiri. 28 Ap 21:10 Aposel 21:10Ezɨ men mav, an ziam Agabus, a dɨkavigha Godɨn Duamɨn gavgavimɨn kamaghɨn mɨgei, Romɨn nguaziba bar dagheba otevegham. (Sisar Klodius, atrivimɨn itir dughiamɨn bizir kam oto.) 29 Ro 15:26, 1 Ko 16:1, 2 Ko 9:1 Rom 15:26; 1 Korin 16:1; 2 Korin 9:1Ezɨ suren gumaziba akam mɨsuegha, vaghvagh uan dabirabimɨn mɨn dagɨaba danɨngɨva, Judian itir darazir akurvaghasa dagɨaba amangasa. 30 Ap 12:25 Aposel 12:25Me kamaghɨn amigha, uan dagɨaba isa, Barnabas ko Sol ganɨngizɨ, aning ghua Kraisɨn adarazir gumazir dapanibagh anɨngi.
11:2-3: Aposel 10:28; Galesia 2:12
11:5: Ap 10:9-48
11:5: Aposel 10:9-48
11:12: Jo 16:13, Ap 10:19, 10:23, 10:45
11:12: Aposel 10:19; 10:23; 10:45
11:14: Ap 16:31
11:14: Aposel 16:31
11:15: Ap 2:4
11:15: Aposel 2:4
11:16: Jol 2:28, Mt 3:11, Jo 1:26, 1:33, Ap 1:5
11:16: Joel 2:28; Matyu 3:11; Jon 1:26; 1:33; Aposel 1:5
11:17: Ap 10:47, 15:8-9
11:17: Aposel 10:47; 15:8-9
11:18: Ap 13:48, 14:27, Ro 10:12-13, 15:9, 15:16
11:18: Aposel 13:48; 14:27; Rom 10:12-13; 15:9; 15:16
11:19: Ap 8:1-4
11:19: Aposel 8:1-4
11:21: Ap 2:41
11:21: Aposel 2:41
11:22: Ap 4:36
11:22: Aposel 4:36
11:23: Ap 13:43
11:23: Aposel 13:43
11:24: Ap 2:41, 5:14, 6:5, 11:21
11:24: Aposel 2:41; 5:14; 11:21
11:25-26: Aposel 9:30
11:27: Ap 13:1, 15:32, 21:9, 1 Ko 12:28, Ef 4:11
11:27: Aposel 13:1; 15:32; 21:9; 1 Korin 12:28; Efesus 4:11
11:28: Ap 21:10
11:28: Aposel 21:10
11:29: Ro 15:26, 1 Ko 16:1, 2 Ko 9:1
11:29: Rom 15:26; 1 Korin 16:1; 2 Korin 9:1
11:30: Ap 12:25
11:30: Aposel 12:25