74
Gumazim God ko mɨgei,
eghtɨ a Israelian akurvagham
eghtɨ a Israelian akurvagham
Asap onger akar kam osiri.
Me onger akar kam kamaghɨn a dɨbori, Maskil.
1 O God, nɨ manmaghsua akɨrim ragha e gasara?
E nɨn gumazamiziba, nɨ navim en ikuvigh en atar kamaghɨra ikiam, o?
2 Nɨ fomɨra ua bagha e ginaba, nɨ e gɨnɨghnɨgh.
Nɨ e givezegha gɨvazɨ, e nɨn adarazira.
Nɨ faragha Saionɨn Mɨghsɨamɨn ike,
egh nɨ ua mɨghsɨar kam ginɨrɨgh.
3 En apaniba nɨn Dɨpenim ko an itir biziba bar dagh asɨghasɨki.
Nɨ dɨkavigh izi bizir me fomɨra asɨghasɨghizir kabar ganigh.
4 Nɨn apaniba nɨn Dɨpenim inigha gɨvagha,
paza bizibagh amua dɨa ghaze, me God abɨragha gɨfa.
Me nɨn biziba inigha, uan bizir men ababaniba itiba isa
dar danganibagh arɨki.
5 Me mati gumazim ruarimɨn temeba okava da aghorogharɨghizɨ moghɨn,
me temer nɨn dɨpenimɨn ingariziba, bar ada okava da aghore.
6 Temer me fomɨra dɨgɨrir aghuibagh amiziba,
apaniba hamaba ko sobiabar dav sogha da akari.
7 Nɨn Dɨpenir nɨ uabɨ aven itir kam,
me a gasɨghasɨgha, a gaborozɨ a isi.
Me danganir gumazamiziba ikɨ nɨ ziam famim bar a gasɨghasɨki.
8 Me uan navir averiabar aven bar e abɨnigh guizbangɨra e gasɨghasɨghasa nɨghnigha,
e God ko mɨgeir dɨpenir en nguazimɨn itiba, bar dagh aponge.
9 E gan fofoghamin arazarazitaba bar itir puvatɨ.
Da bar moghɨra ghuegha gɨfa.
Ezɨ Godɨn akam inigha izir gumazitam uam e ko itir puvatɨ.
Osɨmtɨzir kam gɨvamin dughiam, en tav bar a gɨfozir puvatɨ.
10 O God, dughiaba manmagh apaniba nɨ dɨpovam?
Me nɨn ziam akar kurabar a mɨkɨmvɨra ikiam?
11 Nɨ manmaghsua en akurvaghan aghuagha,
agharimning gɨrakɨrangɨn amadagha puram en gari?
12 Bar guizbangɨra, O God, nɨ fomɨrama en atrivimɨn ikia,
dughiar avɨribar en akurvazi, e mɨdorozibagh amua uan apaniba abɨri.
13 Ua Me Ini 14:21Nɨ uan gavgavimra ongarir ekiam tongɨram anebɨki.
Egha maburan osirir ongarimɨn itibar dapaniba abɨghizɨ da ariaghire.
14 Jop 41:1; Onger Akaba 104:26; Aisaia 27:1Nɨ guar bar ekiamɨn dapanim abɨghizɨ,
ongarir mɨriamɨn itir gumazamiziba aneme.
15 Faneba ko daghuriba, nɨ dɨpaba dagh atɨzɨ da ivemara uaghiri.
Nɨ faner ekiabagh ami da dati.
16 Jenesis 1:14Nɨ angazangarim ko mɨtatemɨn ingari,
egha aruem ko iakɨnimɨn ingarizɨ aning pɨn uan danganimningɨn iti.
17 Jenesis 8:22; Aposel 17:26Nguazim mangɨ tuivamin danganiba, nɨ dar ababaniba arigha gɨfa.
Azenibar aven, aruem ganamin dughiaba ko amozim izamin dughiaba, nɨ da arigha gɨfa.
18 Ikiavɨra Itir God, nɨ okɨnɨghnɨghan markɨ.
Nɨn apaniba gumazir onganibar mɨn nɨghnɨgha ghaze,
nɨ mati pura bizim egha nɨ dɨpova nɨ mɨgei.
19 Nɨn gumazamiziba gavgaviba puvatɨ.
Asɨzir atiam kuarazir muziarim mɨsuegha anemezɨ moghɨn,
apanir kaba bar moghɨra me agɨvan markɨ.
Kamaghɨn, nɨ me isɨ apanibar dafaribar arɨghan markɨ.
E nɨn gumazamiziba, apaniba mɨzazim e gasi.
Ezɨ e nɨn azai, nɨ e gɨnɨghnɨgh kamaghɨra ikɨ.
20 En nguazibar danganiba bar, gumazir kuraba dar moga ikia tintinimɨn mɨdorozibagh ami.
Kamaghɨn amizɨ, nɨ e ko dɨkɨrɨzir akar kam, nɨ uam a gɨnɨghnɨgh.
21 Nɨ gumazir kuraba ateghtɨ,
me gumazir igharaziba dɨkaragh bar me abɨnan markɨ.
Nɨ biziba otevezir gumazamizibar akurvaghtɨ,
me nɨn ziam fɨ.
22 O God, nɨ dɨkavigh izɨ pamten apanibav kɨm suam,
iarara osɨmtɨzim gami, kɨ puvatɨ.
Egh gumazir akaba batogha dɨbovir akabar nɨ mɨgeiba,
nɨ me gɨnɨghnɨgh bizitam damu.
23 Nɨn apaniba tiariba akara akar kurabar nɨ mɨgei.
Me akaba akara pamtem mɨgɨavɨra iti.
Kamaghɨn amizɨ, nɨ men arazir kurar me amir kabagh nɨghnɨghvɨra ikɨ.