56
Gumazir nɨghnɨzir gavgavim itim God ko mɨgei
Filistiaba Getɨn nguibamɨn Devitɨn suirazɨ, Devit ighiar kam osiri.
Onger akar kabar mam, me ziam Miktam, a garɨsi.
Gumazir onger akabar faragha zuim, a gumazamizibav gei me tiarir kamɨn gɨn ghua ighiam bange, “Kuarazim temer saghon itim gaperaghav iti.”
1 1 Samuel 21:13-15O God, nɨ nan apangkufigh.
Gumaziba zurara na mɨsogha nan agɨntɨsi.
Me dughiabar zurara arazir kurabar na gami.
2 Nan apanir kaba kamaghɨn ami,
me mɨzaraghara na ko mɨsogh mangɨ guaratɨghɨn gɨvagham.
Gumazir bar avɨriba uari fa nan apanim gami.
3 1 Samuel 30:6; 2 Eghaghaniba 20:3O God, kɨ atiatir dughiabar,
kɨ nɨghnɨzir gavgavim nɨn ikɨvɨra ikiam.
4 Onger Akaba 118:6; Aisaia 31:3; Hibru 13:6Kɨ Godɨn akam fa, egha nɨghnɨzir gavgavim Godɨn ikia atiatir puvatɨ.
Gumazir kɨnitam, arazir manatamɨn na damuam? Puvatɨ.
5 Dughiaba bar, bizir kɨ amiba nan apaniba dagh asɨghasɨsi.
Egha zurara na gasɨghasɨghasa tuaviba buri.
6 Me na mɨsueghtɨ kɨ aremeghasa uari akuva,
nan tuaviba isa mogav ikia, nan daroribar nan akuvamadi.
7 O God, nɨ men arazir kurar me amir kaba bagh arazitam men akagh.
Nɨ uan anɨngagharim akagh egh gumazir kaba bar me agɨfagh.
8 Nɨ na gɨfo, kɨ osɨmtɨziba aterava ara iti.
Nɨ nan temerir irir kaba,
nɨ bar ada mengegha uan akɨnafarimɨn ada osiri.
9 Onger Akaba 56:4; Rom 8:31O God, kɨ kamaghɨn fo, nɨ na baghavɨra iti.
Egh kɨ nɨn dɨmamin dughiamɨn, nɨ nan apanibar amightɨ me aregham.
10 Kɨ Godɨn akam gɨnɨghnɨgha a fe.
Guizbangɨra, kɨ Ikiavɨra Itir Godɨn mɨgɨrɨgɨaba pɨrafam.
11 Onger Akaba 56:4Kɨ nɨghnɨzir gavgavim Godɨn iti,
kamaghɨn, kɨ bizitamɨn atiatir puvatɨ.
Gumazir kɨnitam arazir manatamɨn na damuam? Puvatɨ.
12-13 O God, bizir kɨ fomɨra damuasa nɨ ko akam akɨrizim, kɨ a damuam.
Nɨ nan akurazɨ kɨ ovengezir puvatɨ.
Nɨ nan akurazɨ kɨ asaghpora irɨzir puvatɨ.
Kamaghɨn amizɨ, kɨ dughiabar zurara nɨ ko daru,
nɨn angazangarimɨn aven daru mangɨvɨra ikɨ ovegham.
Egh bizir nɨ amizir kaba bagh nɨ mɨnabɨva
ofa isɨ nɨ danɨngam.